ਅੰਮ੍ਰਿਤਸਰ: ਅੰਮ੍ਰਿਤਸਰ ਵਿੱਚ ਸਥਿਤ ਗੁਰੂ ਦੀ ਨਗਰੀ ਸੱਚਖੰਡ ਸ੍ਰੀ ਹਰਿਮੰਦਰ ਸਾਹਿਬ ਵਿੱਚ ਆਏ ਦਿਨ ਫਿਲਮੀ ਸਿਤਾਰੇ ਨਤਮਸਤਕ ਹੁੰਦੇ ਰਹਿੰਦੇ ਹਨ, ਕੇਵਲ ਪੰਜਾਬੀ ਅਦਾਕਾਰ ਹੀ ਨਹੀਂ ਬਲਕਿ ਦੂਜੇ ਰਾਜਾਂ ਦੇ ਅਦਾਕਾਰ, ਗਾਇਕ ਵੀ ਨਤਮਸਤਕ ਹੁੰਦੇ ਰਹਿੰਦੇ ਹਨ, ਜਿਹਨਾਂ ਵਿੱਚ ਆਰਆਰਆਰ ਟੀਮ, ਕਿਆਰਾ ਅਡਵਾਨੀ ਅਤੇ ਹੋਰ ਬਹੁਤ ਸਾਰੇ ਅਦਾਕਾਰ ਹਨ।
ਇਸੇ ਤਰ੍ਹਾਂ ਹੀ ਪੰਜਾਬੀ ਫਿਲਮ 'ਮਾਂ' ਦੀ ਚੜਦੀ ਕਲਾ ਦੀ ਅਰਦਾਸ ਮੌਕੇ ਅੱਜ ਪੰਜਾਬੀ ਫਿਲਮ ਅਦਾਕਾਰ ਗਿੱਪੀ ਗਰੇਵਾਲ ਅਤੇ ਦਿਵਿਆ ਦੱਤਾ ਸੱਚਖੰਡ ਸ੍ਰੀ ਹਰਿਮੰਦਰ ਸਾਹਿਬ ਵਿਖੇ ਨਤਮਸਤਕ ਹੋਣ ਲਈ ਪਹੁੰਚੇ। ਜਿਥੇ ਉਹਨਾਂ ਸੱਚਖੰਡ ਸ੍ਰੀ ਹਰਿਮੰਦਰ ਸਾਹਿਬ ਵਿਖੇ ਮੱਥਾ ਟੇਕਿਆ, ਉਥੇ ਹੀ ਰਸ ਭੀਣੀ ਬਾਣੀ ਦਾ ਆਨੰਦ ਵੀ ਮਾਣਿਆ। ਇਸ ਮੌਕੇ ਉਹਨਾਂ ਵਲੋਂ ਆਪਣੀ ਫਿਲਮ ਦੀ ਚੜਦੀ ਕਲਾ ਵਾਸਤੇ ਅਰਦਾਸ ਵੀ ਕੀਤੀ ਗਈ ਹੈ।
ਗੱਲਬਾਤ ਕਰਦਿਆਂ ਅਦਾਕਾਰ ਗਿੱਪੀ ਗਰੇਵਾਲ ਅਤੇ ਦਿਵਿਆ ਦੱਤਾ ਨੇ ਦੱਸਿਆ ਕਿ ਸਾਡੀ ਫਿਲਮ ਮਾਂ ਕੱਲ੍ਹ ਰਿਲੀਜ਼ ਹੋਣ ਜਾ ਰਹੀ ਹੈ, ਜਿਸ ਵਿੱਚ ਅਸੀਂ ਮਾਂ ਦੇ ਚਰਿੱਤਰ ਨੂੰ ਕੇਂਦਰਿਤ ਕੀਤਾ ਹੈ, ਮਾਂ ਟੁੱਟਦੇ ਰਿਸ਼ਤਿਆਂ ਸੰਬਧੀ ਲੋਕਾਂ ਨੂੰ ਰਿਸ਼ਤੇ ਬਚਾਉਣ ਲਈ ਪ੍ਰੇਰਣਾ ਦਿੰਦੀ ਹੈ। ਇਹ ਫਿਲਮ ਵੀ ਸਾਡੀਆਂ ਦੂਜੀਆਂ ਫਿਲਮਾਂ ਵਾਂਗ ਪਰਿਵਾਰਕ ਫਿਲਮ ਹੈ ਅਸੀਂ ਚਾਹੁੰਦੇ ਹਾਂ ਕਿ ਸਰੋਤਿਆਂ ਦਾ ਭਰਪੂਰ ਪਿਆਰ ਇਸ ਫਿਲਮ ਨੂੰ ਮਿਲੇ।
ਇਹ ਵੀ ਪੜ੍ਹੋ: ਜਨਮ ਵਰ੍ਹੇਗੰਢ: ਗਾਇਕ ਗੁਲਸ਼ਨ ਕੁਮਾਰ ਨੂੰ ਯਾਦ ਕਰਦਿਆਂ...
