ਮੁੰਬਈ (ਬਿਊਰੋ): 'ਕਿਸੀ ਕਾ ਭਾਈ ਕਿਸੀ ਕੀ ਜਾਨ' ਦੇ ਫਲਾਪ ਹੋਣ ਤੋਂ ਬਾਅਦ ਬਾਲੀਵੁੱਡ ਦੇ ਭਾਈਜਾਨ ਅਤੇ ਸੁਪਰਸਟਾਰ ਸਲਮਾਨ ਖਾਨ ਆਪਣੀ ਜਾਸੂਸੀ ਫਿਲਮ 'ਟਾਈਗਰ 3' 'ਤੇ ਉਮੀਦਾਂ ਲਾਈ ਬੈਠੇ ਹਨ। ਫਿਲਮ ਟਾਈਗਰ 3 ਮੌਜੂਦਾ ਸਾਲ ਦੀਵਾਲੀ ਦੇ ਮੌਕੇ 'ਤੇ ਰਿਲੀਜ਼ ਹੋਣ ਜਾ ਰਹੀ ਹੈ। ਸਲਮਾਨ ਖਾਨ ਨੂੰ ਫਿਲਮ ਟਾਈਗਰ 3 ਤੋਂ ਕਾਫੀ ਉਮੀਦਾਂ ਹਨ। ਇਸ ਦੌਰਾਨ ਭਾਈਜਾਨ ਦੇ ਪ੍ਰਸ਼ੰਸਕਾਂ ਲਈ ਇੱਕ ਖੁਸ਼ਖਬਰੀ ਆਈ ਹੈ। ਸਾਲ 2014 'ਚ ਰਿਲੀਜ਼ ਹੋਈ ਸਲਮਾਨ ਖਾਨ ਦੀ ਐਕਸ਼ਨ-ਡਰਾਮਾ ਫਿਲਮ 'ਕਿੱਕ' ਦੇ ਦੂਜੇ ਭਾਗ 'ਕਿੱਕ 2' 'ਤੇ ਕੰਮ ਸ਼ੁਰੂ ਹੋ ਗਿਆ ਹੈ। ਕਿੱਕ ਦੇ ਨਿਰਦੇਸ਼ਕ ਸਾਜਿਦ ਨਾਡਿਆਡਵਾਲਾ ਨੇ ਇਸ ਫਿਲਮ 'ਤੇ ਇਕ ਵੱਡਾ ਅਪਡੇਟ ਸਾਂਝਾ ਕੀਤਾ ਹੈ।
ਤੁਹਾਨੂੰ ਦੱਸ ਦਈਏ ਕਿ ਨੌਂ ਸਾਲਾਂ ਬਾਅਦ ਕਿੱਕ 2 'ਤੇ ਕੁਝ ਕੰਮ ਹੁੰਦਾ ਨਜ਼ਰ ਆ ਰਿਹਾ ਹੈ। ਮੀਡੀਆ ਰਿਪੋਰਟਸ ਦੇ ਮੁਤਾਬਕ ਇੱਕ ਇੰਟਰਵਿਊ ਵਿੱਚ ਸਾਜਿਦ ਨਾਡਿਆਡਵਾਲਾ ਨੇ ਫਿਲਮ ਕਿੱਕ 2 ਦੀ ਇੱਕ ਅਪਡੇਟ ਸ਼ੇਅਰ ਕਰਦੇ ਹੋਏ ਕਿਹਾ, 'ਕਿੱਕ 2 'ਤੇ ਕੰਮ ਚੱਲ ਰਿਹਾ ਹੈ, ਹੁਣ ਮੈਂ ਵਾਅਦਾ ਕਰਦਾ ਹਾਂ ਕਿ ਕਿੱਕ ਦਾ ਵਿਸਥਾਰ ਹੋਵੇਗਾ, ਇਸ ਫਿਲਮ ਦੀ ਸਕ੍ਰਿਪਟ ਪੇਪਰ ਤੱਕ ਪਹੁੰਚ ਚੁੱਕੀ ਹੈ। ਪਰ ਇਸ ਵਿੱਚ ਕੁਝ ਸਮਾਂ ਲੱਗ ਰਿਹਾ ਹੈ, ਅਸੀਂ ਇਸ ਫਿਲਮ ਨੂੰ ਵੱਡੇ ਪੱਧਰ 'ਤੇ ਰਿਲੀਜ਼ ਕਰਨ ਲਈ ਸਹੀ ਸਮੇਂ ਦੀ ਤਲਾਸ਼ ਕਰ ਰਹੇ ਹਾਂ'।
ਸਾਜਿਦ ਨੇ ਅੱਗੇ ਕਿਹਾ "ਸਾਨੂੰ ਕਿੱਕ 2 ਬਣਾਉਣ ਲਈ ਸਿਨੇਮਾ ਦੀ ਖਪਤ ਦੀ ਜ਼ਰੂਰਤ ਹੈ, ਜਦੋਂ ਕਿ "ਕਿੱਕ ਬਣਾਉਣ ਲਈ, ਸਾਨੂੰ ਸਿਨੇਮਾ ਦੀ ਖਪਤ ਨੂੰ ਵਾਪਸ ਲਿਆਉਣਾ ਪਏਗਾ, ਇੱਕ ਵਾਰ ਸਥਿਤੀ ਆਮ ਵਾਂਗ ਹੁੰਦੀ ਹੈ" ਜੇ ਅਜਿਹਾ ਹੁੰਦਾ ਹੈ, ਤਾਂ ਅਸੀਂ 'ਕਿੱਕ 2' ਨੂੰ ਫਲੋਰ 'ਤੇ ਲਿਆਉਣ ਲਈ ਤਿਆਰ ਹੋਵਾਂਗੇ, ਸਲਮਾਨ ਨੂੰ ਵੀ ਇਸ ਬਾਰੇ ਪਤਾ ਲੱਗ ਗਿਆ ਹੈ ਅਤੇ ਹੁਣ ਸਾਨੂੰ ਸਿਰਫ ਦਰਸ਼ਕਾਂ ਦੇ ਉਤਸ਼ਾਹ ਦੀ ਲੋੜ ਹੈ ਅਤੇ ਫਿਰ ਅਸੀਂ ਕਿੱਕ 2 'ਤੇ ਉਸ ਮੁਤਾਬਕ ਕੰਮ ਸ਼ੁਰੂ ਕਰ ਦੇਵਾਂਗੇ।
ਸਲਮਾਨ ਖਾਨ ਬਾਰੇ ਦੱਸ ਦੇਈਏ ਕਿ ਮਨੀਸ਼ ਸ਼ਰਮਾ ਦੁਆਰਾ ਨਿਰਦੇਸ਼ਿਤ ਫਿਲਮ ਟਾਈਗਰ 3, 2023 ਦੀਵਾਲੀ 'ਤੇ ਰਿਲੀਜ਼ ਹੋ ਰਹੀ ਹੈ। ਫਿਲਮ 'ਚ ਸ਼ਾਹਰੁਖ ਖਾਨ ਵੀ ਕੈਮਿਓ ਕਰਨਗੇ। ਫਿਲਮ 'ਚ ਇਮਰਾਨ ਹਾਸ਼ਮੀ ਖਲਨਾਇਕ ਦੀ ਭੂਮਿਕਾ 'ਚ ਹੋਣਗੇ ਅਤੇ ਇਕ ਵਾਰ ਫਿਰ ਕੈਟਰੀਨਾ ਕੈਫ ਐਕਸ਼ਨ ਅਵਤਾਰ 'ਚ ਨਜ਼ਰ ਆਵੇਗੀ।
