ਮੁੰਬਈ: ਸਲਮਾਨ ਖਾਨ ਜਲਦ ਹੀ ਫਰਹਾਦ ਸਾਮਜੀ ਦੀ ਆਉਣ ਵਾਲੀ ਫਿਲਮ 'ਕਿਸ ਕਾ ਭਾਈ ਕਿਸ ਕੀ ਜਾਨ' 'ਚ ਅਦਾਕਾਰਾ ਪੂਜਾ ਹੇਗੜੇ, ਪੰਜਾਬ ਦੀ ਕੈਟਰੀਨਾ ਕੈਫ ਸ਼ਹਿਨਾਜ਼ ਗਿੱਲ ਅਤੇ ਪਲਕ ਤਿਵਾਰੀ ਨਾਲ ਨਜ਼ਰ ਆਉਣਗੇ। ਇਸ ਫਿਲਮ ਦਾ ਨਵਾਂ ਗੀਤ 'ਬਿੱਲੀ-ਬਿੱਲੀ' 2 ਮਾਰਚ ਨੂੰ ਰਿਲੀਜ਼ ਹੋਣ ਜਾ ਰਿਹਾ ਹੈ। ਸਲਮਾਨ ਖਾਨ ਨੇ ਕਿਊਟ ਬਿੱਲੀਆਂ ਨਾਲ ਆਪਣੇ ਨਵੇਂ ਗੀਤ ਦੀ ਝਲਕ ਸਾਂਝੀ ਕੀਤੀ, ਜਿਸ ਨੂੰ ਪ੍ਰਸ਼ੰਸਕਾਂ ਵੱਲੋਂ ਕਾਫੀ ਪਸੰਦ ਕੀਤਾ ਗਿਆ ਹੈ। ਉਥੇ ਹੀ ਸਲਮਾਨ ਖਾਨ ਨੇ ਆਪਣੀ ਬਲੈਕ ਐਂਡ ਵ੍ਹਾਈਟ ਫੋਟੋ ਪੋਸਟ ਕੀਤੀ ਹੈ।
ਬਾਲੀਵੁੱਡ 'ਟਾਈਗਰ' ਸਲਮਾਨ ਖਾਨ ਨੇ ਮੰਗਲਵਾਰ ਨੂੰ ਆਪਣੇ ਪ੍ਰਸ਼ੰਸਕਾਂ ਨੂੰ ਆਪਣੀ ਨਵੀਂ ਤਸਵੀਰ ਦਿਖਾਈ। ਇਸ ਤਸਵੀਰ ਨੂੰ 'ਭਾਈਜਾਨ' ਨੇ ਆਪਣੇ ਅਧਿਕਾਰਤ ਇੰਸਟਾਗ੍ਰਾਮ 'ਤੇ ਸ਼ੇਅਰ ਕੀਤਾ ਹੈ ਅਤੇ ਕੈਪਸ਼ਨ ਦਿੱਤਾ ਹੈ 'ਬਲੈਕ ਐਂਡ ਵ੍ਹਾਈਟ'। ਇਸ ਤਸਵੀਰ 'ਚ ਸਲਮਾਨ ਇੰਟੈਂਸ ਪੋਜ਼ 'ਚ ਨਜ਼ਰ ਆ ਰਹੇ ਹਨ। ਬਲੈਕ ਸ਼ਰਟ 'ਚ ਸਲਮਾਨ ਖਾਨ ਕਾਫੀ ਖੂਬਸੂਰਤ ਲੱਗ ਰਹੇ ਹਨ।
ਸਲਮਾਨ ਖਾਨ ਦੀ ਇਸ ਨਵੀਂ ਪੋਸਟ 'ਤੇ ਇਕ ਪ੍ਰਸ਼ੰਸਕ ਨੇ ਟਿੱਪਣੀ ਕੀਤੀ ਹੈ 'ਬਹੁਤ ਵਧੀਆ ਦਿਖਣਾ ਬੰਦ ਕਰੋ।' ਇਕ ਹੋਰ ਨੇ ਲਿਖਿਆ 'ਕਿੱਕ-2 ਭਾਈਜਾਨ ਵਰਗਾ ਲੱਗ ਰਿਹਾ ਹੈ'। ਇਸ ਦੇ ਨਾਲ ਹੀ ਇਕ ਹੋਰ ਪ੍ਰਸ਼ੰਸਕ ਨੇ ਲਿਖਿਆ, 'ਵਾਹ ਕੀ ਤਸਵੀਰ ਹੈ।' ਕਮੈਂਟ ਬਾਕਸ 'ਚ ਅਦਾਕਾਰਾ ਦੀਪਸ਼ਿਖਾ ਨਾਗਪਾਲ ਨੇ ਵੀ ਕਮੈਂਟ ਬਾਕਸ 'ਚ ਫਾਇਰ ਇਮੋਜੀ ਦੀ ਸਟ੍ਰਿੰਗ ਕੀਤੀ ਹੈ।
- " class="align-text-top noRightClick twitterSection" data="
">
ਸਲਮਾਨ ਖਾਨ ਦੇ ਵਰਕ ਫਰੰਟ ਦੀ ਗੱਲ ਕਰੀਏ ਤਾਂ ਸਲਮਾਨ 'ਕਿਸ ਕਾ ਭਾਈ ਕਿਸ ਕੀ ਜਾਨ' ਵਿੱਚ ਐਕਸ਼ਨ ਭਰਪੂਰ ਅਵਤਾਰ ਵਿੱਚ ਨਜ਼ਰ ਆਉਣਗੇ। ਇਹ ਫਰਹਾਦ ਸਾਮਜੀ ਦੁਆਰਾ ਨਿਰਦੇਸ਼ਤ ਹੈ ਅਤੇ ਇਸ ਵਿੱਚ ਪੂਜਾ ਹੇਗੜੇ, ਵੈਂਕਟੇਸ਼ ਦੱਗੂਬਾਤੀ, ਜਗਪਤੀ ਬਾਬੂ, ਭੂਮਿਕਾ ਚਾਵਲਾ, ਵਿਜੇਂਦਰ ਸਿੰਘ, ਅਭਿਮਨਿਊ ਸਿੰਘ, ਰਾਘਵ ਜੁਆਲ, ਸਿਧਾਰਥ ਨਿਗਮ, ਜੱਸੀ ਗਿੱਲ, ਸ਼ਹਿਨਾਜ਼ ਗਿੱਲ, ਪਲਕ ਤਿਵਾਰੀ ਅਤੇ ਵਿਨਾਲੀ ਭਟਨਾਗਰ ਵੀ ਹਨ। ਇਹ ਫਿਲਮ ਇਸ ਈਦ 'ਤੇ ਸਿਨੇਮਾਘਰਾਂ 'ਚ ਦਸਤਕ ਦੇਣ ਜਾ ਰਹੀ ਹੈ।
ਸਲਮਾਨ ਕੋਲ 'ਟਾਈਗਰ-3' ਵੀ ਹੈ, ਜਿਸ 'ਚ ਉਹ ਕੈਟਰੀਨਾ ਕੈਫ ਅਤੇ ਇਮਰਾਨ ਹਾਸ਼ਮੀ ਨਾਲ ਨਜ਼ਰ ਆਉਣਗੇ। ਸਲਮਾਨ ਖਾਨ ਦੀ 'ਟਾਈਗਰ 3' ਬਹੁਤ ਖਾਸ ਹੈ ਕਿਉਂਕਿ ਇਸ 'ਚ ਸ਼ਾਹਰੁਖ ਖਾਨ ਦਾ ਕੈਮਿਓ ਵੀ ਨਜ਼ਰ ਆਵੇਗਾ। ਟਰੇਡ ਸੂਤਰਾਂ ਮੁਤਾਬਕ ਸ਼ਾਹਰੁਖ ਅਪ੍ਰੈਲ 'ਚ 'ਟਾਈਗਰ-3' 'ਚ ਆਪਣੇ ਕਿਰਦਾਰ ਦੀ ਸ਼ੂਟਿੰਗ ਸ਼ੁਰੂ ਕਰਨਗੇ। ਇਹ ਸ਼ੂਟਿੰਗ ਮੁੰਬਈ ਵਿੱਚ ਹੋਣ ਦੀ ਉਮੀਦ ਹੈ। ਇਸ ਸ਼ੂਟ ਦੀ ਪੂਰੀ ਜਾਣਕਾਰੀ ਗੁਪਤ ਰੱਖੀ ਗਈ ਹੈ। 'ਟਾਈਗਰ-3' ਦੀਵਾਲੀ 2023 'ਤੇ ਰਿਲੀਜ਼ ਹੋਵੇਗੀ।
