ਹੈਦਰਾਬਾਦ: ਬਾਲੀਵੁੱਡ ਦੇ ਖੂਬਸੂਰਤ ਐਕਟਰਾਂ ਵਿੱਚੋਂ ਇੱਕ ਰਣਬੀਰ ਕਪੂਰ ਇਨ੍ਹੀਂ ਦਿਨੀਂ ਚਰਚਾ ਵਿੱਚ ਹਨ। ਹਾਲ ਹੀ 'ਚ ਉਹ ਆਪਣੀ ਸਟਾਰ ਪਤਨੀ ਆਲੀਆ ਭੱਟ ਨਾਲ ਦੁਬਈ ਛੁੱਟੀਆਂ ਮਨਾ ਕੇ ਵਾਪਸ ਆਏ ਹਨ। ਇੱਥੋਂ ਇਸ ਸਟਾਰ ਜੋੜੇ ਦੀਆਂ ਕਈ ਤਸਵੀਰਾਂ ਵਾਇਰਲ ਹੋ ਚੁੱਕੀਆਂ ਹਨ। ਪਿਛਲੇ ਦਿਨੀਂ ਰਣਬੀਰ ਅਤੇ ਆਲੀਆ ਦੀ ਦੁਬਈ ਦੇ ਇੱਕ ਮਾਲ ਵਿੱਚ ਬੇਟੀ ਰਾਹਾ ਲਈ ਸ਼ਾਪਿੰਗ ਕਰਦੇ ਸਮੇਂ ਦੀ ਤਸਵੀਰ ਵਾਇਰਲ ਹੋਈ ਸੀ ਅਤੇ ਹੁਣ ਅਦਾਕਾਰ ਦੀਆਂ ਹੋਰ ਤਸਵੀਰਾਂ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਹੀਆਂ ਹਨ। ਇਸ ਵਾਰ ਤਸਵੀਰ ਰਣਬੀਰ ਦੀ ਦੁਬਈ ਛੁੱਟੀਆਂ ਤੋਂ ਨਹੀਂ ਸਗੋਂ ਅਦਾਕਾਰ ਦੀ ਐਕਸ਼ਨ-ਥ੍ਰਿਲਰ ਫਿਲਮ 'ਐਨੀਮਲ' ਤੋਂ ਹੈ। ਇਸ ਵਾਇਰਲ ਤਸਵੀਰ 'ਚ ਰਣਬੀਰ ਕਪੂਰ ਨੀਲੇ ਰੰਗ ਦੇ ਕੋਟ ਪੈਂਟ 'ਚ ਇੰਟੈਂਸ ਲੁੱਕ 'ਚ ਨਜ਼ਰ ਆ ਰਹੇ ਹਨ।
ਰਣਬੀਰ ਕਪੂਰ ਦੇ ਐਨੀਮਲ ਦੇ ਸੈੱਟ ਤੋਂ ਵਾਇਰਲ ਹੋਈ ਤਸਵੀਰ 'ਤੇ ਨਜ਼ਰ ਮਾਰੀਏ ਤਾਂ ਅਦਾਕਾਰ ਦੀਆਂ ਅੱਖਾਂ 'ਚ ਅਤੇ ਚਿਹਰੇ 'ਤੇ ਬੇਚੈਨੀ ਅਤੇ ਉਦਾਸੀ ਦੇਖੀ ਜਾ ਸਕਦੀ ਹੈ। ਰਣਬੀਰ ਦੇ ਵੱਡੇ ਹੇਅਰਸਟਾਈਲ ਦੇ ਨਾਲ ਹੈਵੀ ਦਾੜ੍ਹੀ ਵਾਲਾ ਲੁੱਕ ਦੇਖਿਆ ਜਾ ਸਕਦਾ ਹੈ। ਕੈਮਰਾ ਰਣਬੀਰ ਦੇ ਬਿਲਕੁਲ ਸਾਹਮਣੇ ਹੈ, ਕਪੂਰ ਨੀਲੇ ਕੋਟ ਪੈਂਟ ਦੇ ਨਾਲ ਨੀਲੀ ਕਮੀਜ਼ ਵਿੱਚ ਨਜ਼ਰ ਆ ਰਿਹਾ ਹੈ।
- Satyaprem Ki Katha: ਸਿਨੇਮਾਘਰਾਂ 'ਚ ਰਿਲੀਜ਼ ਹੋਈ 'ਸੱਤਿਆਪ੍ਰੇਮ ਕੀ ਕਥਾ', ਕੀ ਤੋੜ ਸਕੇਗੀ ਕਾਰਤਿਕ-ਕਿਆਰਾ ਦੀ ਜੋੜੀ 'ਭੂਲ ਭੁਲਾਇਆ 2' ਦਾ ਰਿਕਾਰਡ
- ਪਿਤਾ ਧਰਮਿੰਦਰ ਦੇ ਮੁਆਫੀਨਾਮੇ ਦੀ ਪੋਸਟ 'ਤੇ ਪਿਘਲਿਆ ਧੀ ਈਸ਼ਾ ਦਾ ਦਿਲ, ਕਿਹਾ- 'ਲਵ ਯੂ ਪਾਪਾ, ਤੁਸੀਂ ਸਭ ਤੋਂ ਵਧੀਆ ਹੋ'
- B Praak: ਯੂਐਸਏ ਅਤੇ ਕੈਨੇਡਾ ’ਚ ਸੁਰੀਲੀ ਗਾਇਕੀ ਦੀਆਂ ਧੂੰਮਾਂ ਪਾਉਣਗੇ ਬੀ ਪਰਾਕ
ਐਨੀਮਲ ਕਦੋਂ ਰਿਲੀਜ਼ ਹੋਵੇਗੀ?: ਇਸ ਮਲਟੀ-ਸਟਾਰਰ ਫਿਲਮ ਵਿੱਚ ਦੱਖਣੀ ਅਦਾਕਾਰਾ ਰਸ਼ਮਿਕਾ ਮੰਡਾਨਾ ਮੁੱਖ ਭੂਮਿਕਾ ਨਿਭਾਏਗੀ। ਰਣਬੀਰ ਅਤੇ ਰਸ਼ਮੀਕਾ ਪਹਿਲੀ ਵਾਰ ਸਕ੍ਰੀਨ ਸ਼ੇਅਰ ਕਰਦੇ ਨਜ਼ਰ ਆਉਣਗੇ। ਇਸ ਤੋਂ ਇਲਾਵਾ ਇਸ ਫਿਲਮ 'ਚ ਅਨਿਲ ਕਪੂਰ ਅਤੇ ਬੌਬੀ ਦਿਓਲ ਵਰਗੇ ਅਨੁਭਵੀ ਕਲਾਕਾਰ ਵੀ ਅਹਿਮ ਭੂਮਿਕਾਵਾਂ 'ਚ ਨਜ਼ਰ ਆਉਣਗੇ। ਅਰਜੁਨ ਰੈੱਡੀ ਅਤੇ ਕਬੀਰ ਸਿੰਘ ਵਰਗੀਆਂ ਦਮਦਾਰ ਫਿਲਮਾਂ ਬਣਾਉਣ ਵਾਲੇ ਸੰਦੀਪ ਰੈਡੀ ਵਾਂਗ ਨੇ ਇਸ ਫਿਲਮ ਦਾ ਨਿਰਦੇਸ਼ਨ ਕੀਤਾ ਹੈ।
ਰਣਬੀਰ ਦੇ ਪ੍ਰਸ਼ੰਸਕਾਂ ਨੂੰ ਇਸ ਫਿਲਮ ਲਈ ਜ਼ਿਆਦਾ ਇੰਤਜ਼ਾਰ ਨਹੀਂ ਕਰਨਾ ਪਵੇਗਾ। ਇਹ ਫਿਲਮ 11 ਅਗਸਤ ਨੂੰ ਰਿਲੀਜ਼ ਹੋਣ ਜਾ ਰਹੀ ਹੈ। ਦੂਜੇ ਪਾਸੇ 11 ਅਗਸਤ ਨੂੰ ਬਾਕਸ ਆਫਿਸ 'ਤੇ ਸੰਨੀ ਦਿਓਲ ਦੀ 'ਗਦਰ 2' ਅਤੇ ਅਕਸ਼ੈ ਕੁਮਾਰ ਦੀ 'ਓ ਮਾਈ ਗੌਡ 2' ਦੀ ਟੱਕਰ ਰਣਬੀਰ ਕਪੂਰ ਦੀ ਐਨੀਮਲ ਨਾਲ ਹੋਵੇਗੀ। ਇੰਨਾ ਹੀ ਨਹੀਂ ਰਣਬੀਰ ਕਪੂਰ ਦੀ ਪਤਨੀ ਆਲੀਆ ਭੱਟ ਦੀ ਹਾਲੀਵੁੱਡ ਡੈਬਿਊ ਫਿਲਮ 'ਹਾਰਟ ਆਫ ਸਟੋਨ' ਵੀ 11 ਅਗਸਤ ਨੂੰ ਰਿਲੀਜ਼ ਹੋਵੇਗੀ, ਇਹ OTT ਪਲੇਟਫਾਰਮ Netflix 'ਤੇ ਰਿਲੀਜ਼ ਹੋਵੇਗੀ।
