ਹੈਦਰਾਬਾਦ: ਬਾਲੀਵੁੱਡ ਸਟਾਰ ਜੋੜਾ ਰਣਬੀਰ ਕਪੂਰ ਅਤੇ ਆਲੀਆ ਭੱਟ ਹਾਲ ਹੀ ਵਿੱਚ ਮਾਤਾ-ਪਿਤਾ ਬਣੇ ਹਨ। ਆਲੀਆ ਨੇ 6 ਨਵੰਬਰ ਨੂੰ ਇੱਕ ਛੋਟੀ ਦੂਤ ਨੂੰ ਜਨਮ ਦਿੱਤਾ ਸੀ। ਬੇਟੀ ਦੇ ਆਉਣ ਨਾਲ ਕਪੂਰ ਪਰਿਵਾਰ 'ਚ ਖੁਸ਼ੀ ਦੀ ਲਹਿਰ ਹੈ। ਹੁਣ ਆਲੀਆ ਭੱਟ ਨੂੰ ਹਸਪਤਾਲ ਤੋਂ ਛੁੱਟੀ ਮਿਲ ਗਈ ਹੈ। ਆਲੀਆ ਦੇ ਪਤੀ ਅਤੇ ਅਦਾਕਾਰ ਰਣਬੀਰ ਕਪੂਰ ਹਸਪਤਾਲ ਤੋਂ ਛੁੱਟੀ ਮਿਲਣ ਤੋਂ ਬਾਅਦ ਪਤਨੀ ਨੂੰ ਘਰ ਲੈ ਗਏ ਹਨ। ਉੱਥੇ ਹੀ ਘਰ 'ਚ ਤਿੰਨਾਂ ਦੇ ਸਵਾਗਤ ਲਈ ਜ਼ੋਰਦਾਰ ਤਿਆਰੀਆਂ ਹੋ ਰਹੀਆਂ ਹਨ। ਦੱਸ ਦਈਏ ਕਿ ਇਸ ਜੋੜੇ ਨੇ ਅਜੇ ਤੱਕ ਬੇਟੀ ਦਾ ਚਿਹਰਾ ਨਹੀਂ ਦਿਖਾਇਆ ਹੈ। ਪ੍ਰਸ਼ੰਸਕ ਇਸ ਗੱਲ ਨੂੰ ਲੈ ਕੇ ਬੇਚੈਨ ਹਨ ਕਿ ਇਹ ਜੋੜੀ ਆਪਣੇ ਦੂਤ ਦਾ ਚਿਹਰਾ ਕਦੋਂ ਦਿਖਾਉਣਗੇ।
ਪਰ ਹਸਪਤਾਲ ਤੋਂ ਘਰ ਪਰਤਦੇ ਸਮੇਂ ਆਲੀਆ ਅਤੇ ਰਣਬੀਰ ਦੀ ਇਕ ਵੀਡੀਓ ਸਾਹਮਣੇ ਆਈ ਹੈ, ਜਿਸ 'ਚ ਆਲੀਆ ਦੇ ਚਿਹਰੇ 'ਤੇ ਮਾਂ ਬਣਨ ਦੀ ਚਮਕ ਸਾਫ ਦਿਖਾਈ ਦੇ ਰਹੀ ਹੈ। ਆਲੀਆ ਬਿਨਾਂ ਮੇਕਅੱਪ ਲੁੱਕ 'ਚ ਨਜ਼ਰ ਆ ਰਹੀ ਹੈ।
- " class="align-text-top noRightClick twitterSection" data="
">
ਆਲੀਆ ਨੇ ਦਿੱਤੀ ਖੁਸ਼ਖਬਰੀ: ਦੱਸ ਦੇਈਏ ਕਿ ਆਲੀਆ ਭੱਟ ਨੇ ਬੇਟੀ ਦੇ ਜਨਮ 'ਤੇ ਪ੍ਰਸ਼ੰਸਕਾਂ ਨਾਲ ਖੁਸ਼ਖਬਰੀ ਸਾਂਝੀ ਕੀਤੀ ਅਤੇ ਆਪਣੀ ਪੋਸਟ 'ਚ ਲਿਖਿਆ, 'ਸਾਡੀ ਜ਼ਿੰਦਗੀ ਦੀ ਸਭ ਤੋਂ ਚੰਗੀ ਖਬਰ, ਸਾਡੇ ਕੋਲ ਬੱਚਾ ਹੈ... ਅਤੇ ਉਹ ਇਕ ਜਾਦੂਈ ਹੈ। ਇਸ ਪੋਸਟ ਦੇ ਨਾਲ ਆਲੀਆ ਨੇ ਸ਼ੇਰਾਂ ਦੇ ਪਰਿਵਾਰ ਦਾ ਇੱਕ ਸਕੈਚ ਵੀ ਸ਼ੇਅਰ ਕੀਤਾ ਹੈ, ਜਿਸ ਵਿੱਚ ਸ਼ੇਰ ਆਪਣੀ ਸ਼ੇਰਨੀ ਅਤੇ ਬੱਚੇ ਨਾਲ ਨਜ਼ਰ ਆ ਰਿਹਾ ਹੈ। ਤੁਹਾਨੂੰ ਦੱਸ ਦੇਈਏ ਕਿ ਜਦੋਂ ਆਲੀਆ ਨੇ ਆਪਣੀ ਪ੍ਰੈਗਨੈਂਸੀ ਦੀ ਖੁਸ਼ਖਬਰੀ ਦਿੱਤੀ ਸੀ, ਉਸ ਸਮੇਂ ਉਸ ਨੇ ਸਿਰਫ ਸ਼ੇਰ ਅਤੇ ਸ਼ੇਰਨੀ ਦੀ ਤਸਵੀਰ ਸ਼ੇਅਰ ਕੀਤੀ ਸੀ।
ਜਾਣੋ 14, 27 ਅਤੇ 6 ਨੰਬਰ ਦਾ ਰਾਜ: ਤੁਹਾਨੂੰ ਦੱਸ ਦੇਈਏ ਕਿ ਲੰਬੇ ਰਿਲੇਸ਼ਨਸ਼ਿਪ ਤੋਂ ਬਾਅਦ ਰਣਬੀਰ ਕਪੂਰ ਅਤੇ ਆਲੀਆ ਭੱਟ ਨੇ ਇਸ ਸਾਲ 14 ਅਪ੍ਰੈਲ ਨੂੰ ਵਿਆਹ ਕੀਤਾ ਅਤੇ ਫਿਰ 27 ਜੂਨ ਨੂੰ ਪ੍ਰੈਗਨੈਂਸੀ ਦਾ ਐਲਾਨ ਕੀਤਾ। ਇਸ ਦੇ ਨਾਲ ਹੀ 6 ਨਵੰਬਰ ਨੂੰ ਆਲੀਆ ਨੇ ਕਪੂਰ ਫੈਮਿਲੀ ਨੂੰ ਇੱਕ ਛੋਟੀ ਦੂਤ ਦਿੱਤੀ ਸੀ।
ਇਹ ਵੀ ਪੜ੍ਹੋ:ਜਯਾ ਬੱਚਨ ਨੇ ਜਨਤਕ ਤੌਰ 'ਤੇ ਕੰਗਨਾ ਰਣੌਤ ਨੂੰ ਕੀਤਾ ਇਗਨੋਰ, ਹੁਣ ਯੂਜ਼ਰਸ ਕਰ ਰਹੇ ਹਨ ਅਜਿਹੀਆਂ ਟਿੱਪਣੀਆਂ
