ਹੈਦਰਾਬਾਦ: 'ਕਰੁਥਮੁਥੂ' ਵਰਗੇ ਸ਼ੋਅ 'ਚ ਨਜ਼ਰ ਆਉਣ ਵਾਲੀ ਮਲਿਆਲਮ ਟੀਵੀ ਅਦਾਕਾਰਾ ਡਾਕਟਰ ਪ੍ਰਿਆ ਦੀ ਦਿਲ ਦਾ ਦੌਰਾ ਪੈਣ ਕਾਰਨ ਮੌਤ ਹੋ ਗਈ ਹੈ। ਮੀਡੀਆ ਰਿਪੋਰਟਾਂ ਮੁਤਾਬਕ ਜਦੋਂ ਅਦਾਕਾਰਾ ਨੇ ਇੱਕ ਨਿੱਜੀ ਹਸਪਤਾਲ ਵਿੱਚ ਆਖਰੀ ਸਾਹ ਲਿਆ ਤਾਂ ਉਹ ਅੱਠ ਮਹੀਨਿਆਂ ਦੀ ਗਰਭਵਤੀ ਸੀ। ਟੀਵੀ ਅਦਾਕਾਰਾ ਰੇਂਜੁਸ਼ਾ ਮੇਨਨ ਦਾ ਦੋ ਦਿਨ ਪਹਿਲਾਂ ਹੀ ਦੇਹਾਂਤ ਹੋ ਗਿਆ ਸੀ।
ਮਲਿਆਲਮ ਟੀਵੀ ਅਦਾਕਾਰਾ ਡਾਕਟਰ ਪ੍ਰਿਆ ਦੇ ਦੇਹਾਂਤ ਦੀ ਖ਼ਬਰ ਅਦਾਕਾਰਾ ਕਿਸ਼ੋਰ ਸੱਤਿਆ ਨੇ ਸੋਸ਼ਲ ਮੀਡੀਆ 'ਤੇ ਸਾਂਝੀ ਕੀਤੀ ਹੈ। ਉਸਨੇ ਇਹ ਵੀ ਖੁਲਾਸਾ ਕੀਤਾ ਕਿ ਉਸਦਾ ਨਵਜੰਮਿਆ ਬੱਚਾ ਹਸਪਤਾਲ ਦੇ ਆਈਸੀਯੂ ਵਿੱਚ ਹੈ। ਕਿਸ਼ੋਰ ਸੱਤਿਆ ਨੇ ਅਦਾਕਾਰਾ ਦੀ ਤਸਵੀਰ ਫੇਸਬੁੱਕ 'ਤੇ ਸ਼ੇਅਰ ਕੀਤੀ ਅਤੇ ਇੱਕ ਲੰਮਾ ਨੋਟ ਲਿਖਿਆ ਅਤੇ ਕਿਹਾ, 'ਮਲਿਆਲਮ ਟੈਲੀਵਿਜ਼ਨ ਇੰਡਸਟਰੀ ਵਿੱਚ ਇੱਕ ਹੋਰ ਅਚਾਨਕ ਮੌਤ ਹੈਰਾਨ ਕਰਨ ਵਾਲੀ ਹੈ। ਡਾਕਟਰ ਪ੍ਰਿਆ ਦੀ ਬੀਤੇ ਦਿਨ ਦਿਲ ਦਾ ਦੌਰਾ ਪੈਣ ਕਾਰਨ ਮੌਤ ਹੋ ਗਈ ਸੀ। ਉਹ 8 ਮਹੀਨੇ ਦੀ ਗਰਭਵਤੀ ਸੀ। ਬੱਚਾ ਆਈਸੀਯੂ ਵਿੱਚ ਹੈ। ਕੋਈ ਹੋਰ ਸਿਹਤ ਸਮੱਸਿਆ ਨਹੀਂ ਸੀ, ਕੱਲ੍ਹ ਉਹ ਰੁਟੀਨ ਚੈਕਅੱਪ ਲਈ ਹਸਪਤਾਲ ਗਈ ਸੀ। ਅਚਾਨਕ ਦਿਲ ਦਾ ਦੌਰਾ ਪੈ ਗਿਆ।'
- 12th Fail Box Office Collection Day 6: ਬਾਕਸ ਆਫਿਸ 'ਤੇ ਝੰਡੇ ਗੱਡ ਰਹੀ ਹੈ ਵਿਕਰਾਂਤ ਮੈਸੀ ਦੀ ਫਿਲਮ '12ਵੀਂ ਫੇਲ੍ਹ', ਜਾਣੋ 6ਵੇਂ ਦਿਨ ਦਾ ਕਲੈਕਸ਼ਨ
- Punjab Film Sarabha: ਰਿਲੀਜ਼ ਤੋਂ ਪਹਿਲਾਂ ਹੀ 'ਸਰਾਭਾ' ਫਿਲਮ ਨੇ ਰਚਿਆ ਇਤਿਹਾਸ, USA ਦੇ 72 ਥੀਏਟਰਾਂ 'ਚ ਹੋਵੇਗੀ ਰਿਲੀਜ਼
- Nirmal Sidhu New Song: ਗਾਇਕ ਨਿਰਮਲ ਸਿੱਧੂ ਨੇ ਪੂਰੀ ਕੀਤੀ ਨਵੇਂ ਗਾਣੇ ਦੀ ਸ਼ੂਟਿੰਗ, ਜਲਦ ਵੱਖ-ਵੱਖ ਪਲੇਟਫਾਰਮ 'ਤੇ ਹੋਵੇਗਾ ਰਿਲੀਜ਼
ਕਿਸ਼ੋਰ ਸੱਤਿਆ ਨੇ ਲਿਖਿਆ ਹੈ, 'ਇੱਕ ਮਾਂ ਆਪਣੀ ਇਕਲੌਤੀ ਬੇਟੀ ਦੀ ਮੌਤ ਨੂੰ ਸਵੀਕਾਰ ਨਹੀਂ ਕਰ ਪਾ ਰਹੀ ਹੈ। ਬੀਤੀ ਰਾਤ ਜਦੋਂ ਮੈਂ ਹਸਪਤਾਲ ਗਿਆ ਤਾਂ ਜੋ ਦੇਖਿਆ ਮੈਂ ਉਦਾਸ ਹੋ ਗਿਆ। ਤੁਸੀਂ ਉਨ੍ਹਾਂ ਨੂੰ ਦਿਲਾਸਾ ਦੇਣ ਲਈ ਕੀ ਕਹਿ ਸਕਦੇ ਹੋ? ਪ੍ਰਮਾਤਮਾ ਉਨ੍ਹਾਂ ਇਮਾਨਦਾਰ ਮਨਾਂ ਉੱਤੇ ਇਹ ਬੇਰਹਿਮੀ ਕਿਉਂ ਦਿਖਾ ਰਿਹਾ ਹੈ? ਮੇਰੇ ਮਨ ਵਿੱਚ ਵਾਰ-ਵਾਰ ਸਵਾਲ ਗੂੰਜ ਰਹੇ ਸਨ। ਰੇਂਜੁਸ਼ਾ ਦੀ ਮੌਤ ਦਾ ਸਦਮਾ ਸ਼ਾਂਤ ਹੋਣ ਤੋਂ ਪਹਿਲਾਂ, ਇੱਕ ਹੋਰ...ਜਦੋਂ ਸਿਰਫ 35 ਸਾਲ ਦਾ ਵਿਅਕਤੀ ਇਸ ਸੰਸਾਰ ਨੂੰ ਛੱਡ ਜਾਂਦਾ ਹੈ, ਤਾਂ ਮਨ ਉਦਾਸ ਹੋ ਜਾਂਦਾ ਹੈ। ਪ੍ਰਿਆ ਦੇ ਪਤੀ ਅਤੇ ਮਾਂ ਨੂੰ ਇਸ ਸਦਮੇ ਤੋਂ ਕਿਵੇਂ ਬਾਹਰ ਲਿਆਂਦਾ ਜਾਵੇ? ਪਤਾ ਨਹੀਂ...ਰੱਬ ਉਨ੍ਹਾਂ ਨੂੰ ਤਾਕਤ ਦੇਵੇ।'
ਮੀਡੀਆ ਰਿਪੋਰਟਾਂ ਮੁਤਾਬਕ ਦਿਲ ਦਾ ਦੌਰਾ ਪੈਣ ਤੋਂ ਪਹਿਲਾਂ ਅਦਾਕਾਰਾ ਨੇ ਹਾਲ ਹੀ 'ਚ ਹਸਪਤਾਲ 'ਚ ਰੈਗੂਲਰ ਪ੍ਰੈਗਨੈਂਸੀ ਚੈੱਕਅੱਪ ਕਰਵਾਇਆ ਸੀ। ਉਸ ਨੂੰ ਕਿਸੇ ਕਿਸਮ ਦੀ ਕੋਈ ਸਮੱਸਿਆ ਨਹੀਂ ਸੀ। ਡਾਕਟਰਾਂ ਨੇ ਨਵਜੰਮੇ ਬੱਚੇ ਨੂੰ ਆਈਸੀਯੂ ਵਿੱਚ ਰੱਖਿਆ ਹੈ ਅਤੇ ਫਿਲਹਾਲ ਉਹ ਡਾਕਟਰਾਂ ਦੀ ਨਿਗਰਾਨੀ ਵਿੱਚ ਹੈ।
