ਹੈਦਰਾਬਾਦ: ਬਾਹੂਬਲੀ ਅਦਾਕਾਰ ਪ੍ਰਭਾਸ ਦੇ ਲਿੰਕਅੱਪ ਦੀਆਂ ਅਫਵਾਹਾਂ ਅਕਸਰ ਸੁਣਨ ਨੂੰ ਮਿਲਦੀਆਂ ਹਨ। ਕਦੇ ਦੱਖਣ ਦੀ ਅਦਾਕਾਰਾ ਅਨੁਸ਼ਕਾ ਸੇਨ ਨਾਲ, ਕਦੇ ਕ੍ਰਿਤੀ ਸੈਨਨ ਨਾਲ। ਇਨ੍ਹਾਂ ਅਫਵਾਹਾਂ ਦੇ ਵਿਚਕਾਰ ਇੱਕ ਵੱਡੀ ਖਬਰ ਸਾਹਮਣੇ ਆਈ ਹੈ। ਤੇਲਗੂ ਸੁਪਰਸਟਾਰ ਦੀ ਅੰਟੀ ਸ਼ਿਆਮਲਾ ਦੇਵੀ ਨੇ ਅਦਾਕਾਰ ਦੇ ਵਿਆਹ ਦੀ ਯੋਜਨਾ ਬਾਰੇ ਖੁਲਾਸਾ ਕੀਤਾ ਹੈ। ਜੀ ਹਾਂ...ਉਨ੍ਹਾਂ ਨੇ ਦੱਸਿਆ ਹੈ ਕਿ ਪ੍ਰਭਾਸ ਕਦੋਂ ਵਿਆਹ ਕਰਨਗੇ।
ਪ੍ਰਭਾਸ ਦੀ ਅੰਟੀ ਸ਼ਿਆਮਲਾ ਦੇਵੀ ਨੇ ਵਿਆਹ ਦੇ ਸਾਲ ਪੁਰਾਣੇ ਵਿਸ਼ੇ 'ਤੇ ਮੀਡੀਆ ਦੇ ਸਵਾਲ ਦਾ ਜਵਾਬ ਦਿੱਤਾ ਹੈ। ਮੀਡੀਆ ਨਾਲ ਗੱਲਬਾਤ ਕਰਦੇ ਹੋਏ ਸ਼ਿਆਮਲਾ ਦੇਵੀ ਨੇ ਕਿਹਾ, 'ਸਾਡੇ 'ਤੇ ਦੁਰਗਮਾ ਦਾ ਆਸ਼ੀਰਵਾਦ ਹੈ। ਪ੍ਰਮਾਤਮਾ ਸਾਡੀ ਸਾਰਿਆਂ ਦੀ ਚੰਗੀ ਤਰ੍ਹਾਂ ਦੇਖਭਾਲ ਕਰੇਗਾ। ਪ੍ਰਭਾਸ ਵਿਆਹ ਕਰਨਗੇ। ਇਹ ਯਕੀਨੀ ਤੌਰ 'ਤੇ ਹੋਵੇਗਾ ਅਤੇ ਇਹ ਜਲਦੀ ਹੀ ਹੋਵੇਗਾ। ਅਸੀਂ ਤੁਹਾਨੂੰ ਸਾਰਿਆਂ (ਮੀਡੀਆ) ਨੂੰ ਵਿਆਹ ਵਿੱਚ ਬੁਲਾਵਾਂਗੇ।'
ਮੀਡੀਆ ਰਿਪੋਰਟਾਂ ਮੁਤਾਬਕ ਪ੍ਰਭਾਸ ਨੇ ਆਪਣੇ ਵਿਆਹ ਦੀ ਲੋਕੇਸ਼ਨ ਪਹਿਲਾਂ ਹੀ ਚੁਣ ਲਈ ਹੈ। ਤੇਲਗੂ ਸੁਪਰਸਟਾਰ ਦੀ 'ਆਦਿਪੁਰਸ਼' ਦੀ ਰਿਲੀਜ਼ ਦੇ ਸਮੇਂ ਕ੍ਰਿਤੀ ਸੈਨਨ ਨੂੰ ਡੇਟ ਕਰਨ ਦੀ ਅਫਵਾਹ ਸੀ, ਅਦਾਕਾਰ ਨੇ ਇਸ ਸਾਲ ਦੇ ਸ਼ੁਰੂ ਵਿੱਚ ਆਪਣੇ ਵਿਆਹ ਦੀ ਯੋਜਨਾ ਬਾਰੇ ਖੁਲਾਸਾ ਕੀਤਾ ਸੀ।
- Project K: ਰਿਲੀਜ਼ ਤੋਂ ਪਹਿਲਾਂ ਇਤਿਹਾਸ ਰਚਣ ਜਾ ਰਹੀ ਹੈ ਫਿਲਮ 'ਪ੍ਰੋਜੈਕਟ ਕੇ', ਸਟਾਰ ਪ੍ਰਭਾਸ ਦੇ ਮਨ 'ਚ ਫੁੱਟੇ ਲੱਡੂ
- Kriti Sanon On Ideal Partner: ਬਹੁਤ ਸਾਰਾ ਪਿਆਰ ਕਰਨ ਵਾਲਾ ਲਾੜਾ ਚਾਹੁੰਦੀ ਹੈ ਕ੍ਰਿਤੀ ਸੈਨਨ, ਆਪਣੇ ਰਿਸ਼ਤੇ ਦੀ ਸਥਿਤੀ ਬਾਰੇ ਬੋਲੀ ਅਦਾਕਾਰਾ
- Ananya Chadha: ਪੰਜਾਬੀ ਸਿਨੇਮਾ 'ਚ ਪ੍ਰਭਾਵੀ ਪਾਰੀ ਵੱਲ ਵਧੀ ਬਾਲੀਵੁੱਡ ਅਦਾਕਾਰਾ ਅਨੰਨਿਆ ਚੱਢਾ, ਇਸ ਫਿਲਮ ਨਾਲ ਕਰੇਗੀ ਸ਼ਾਨਦਾਰ ਡੈਬਿਊ
'ਆਦਿਪੁਰਸ਼' ਦੇ ਇੱਕ ਪ੍ਰਮੋਸ਼ਨਲ ਈਵੈਂਟ ਦੌਰਾਨ ਪ੍ਰਭਾਸ ਤੋਂ ਉਨ੍ਹਾਂ ਦੇ ਵਿਆਹ ਬਾਰੇ ਪੁੱਛਿਆ ਗਿਆ, ਜਿਸ ਤੋਂ ਬਾਅਦ ਅਦਾਕਾਰ ਨੇ ਕਿਹਾ, 'ਮੈਂ ਤਿਰੂਪਤੀ 'ਚ ਵਿਆਹ ਕਰਾਂਗਾ।' ਇਸ ਬਿਆਨ ਤੋਂ ਬਾਅਦ ਉਨ੍ਹਾਂ ਦੇ ਪ੍ਰਸ਼ੰਸਕ ਖੁਸ਼ੀ ਨਾਲ ਝੂਮ ਉੱਠੇ ਸਨ। ਹਾਲਾਂਕਿ ਪ੍ਰਭਾਸ ਦਾ ਮਜ਼ਾਕੀਆ ਜਵਾਬ ਇਹ ਨਹੀਂ ਦੱਸ ਸਕਿਆ ਕਿ ਉਹ ਕਦੋਂ ਅਤੇ ਕਿਸ ਨਾਲ ਵਿਆਹ ਕਰਨ ਦੀ ਯੋਜਨਾ ਬਣਾ ਰਹੇ ਹਨ।
ਪ੍ਰਭਾਸ ਦਾ ਵਰਕਫਰੰਟ: ਪ੍ਰਭਾਸ ਇੱਕ ਵਾਰ ਫਿਰ 'ਸਾਲਾਰ' ਦੀ ਰਿਲੀਜ਼ ਨਾਲ ਵੱਡੇ ਪਰਦੇ 'ਤੇ ਦਸਤਕ ਦੇਣ ਲਈ ਤਿਆਰ ਹਨ। ਉਸ ਦੀ ਬਹੁ-ਉਡੀਕ ਫਿਲਮ ਬਾਕਸ ਆਫਿਸ 'ਤੇ ਬਾਲੀਵੁੱਡ ਸੁਪਰਸਟਾਰ ਸ਼ਾਹਰੁਖ ਖਾਨ ਦੀ ਆਉਣ ਵਾਲੀ ਫਿਲਮ 'ਡੰਕੀ' ਨਾਲ ਮੁਕਾਬਲਾ ਕਰੇਗੀ। ਨਿਰਮਾਤਾਵਾਂ ਨੇ ਪ੍ਰਭਾਸ ਦੇ ਇੱਕ ਨਵੇਂ ਪੋਸਟਰ ਦੇ ਨਾਲ ਐਲਾਨ ਕੀਤਾ ਹੈ ਕਿ ਸਾਲਾਰ 22 ਦਸੰਬਰ ਨੂੰ ਸਿਨੇਮਾਘਰਾਂ ਵਿੱਚ ਰਿਲੀਜ਼ ਹੋਵੇਗੀ।
