ਰਾਜਸਥਾਨ/ਉਦੈਪੁਰ: ਬਾਲੀਵੁੱਡ ਅਦਾਕਾਰਾ ਪਰਿਣੀਤੀ ਚੋਪੜਾ ਅਤੇ 'ਆਪ' ਸੰਸਦ ਰਾਘਵ ਚੱਢਾ ਦਾ ਸ਼ਾਹੀ ਵਿਆਹ ਅੱਜ ਰਾਜਸਥਾਨ 'ਚ ਹੋ ਰਿਹਾ ਹੈ। ਸਵੇਰ ਤੋਂ ਹੀ ਰਸਮਾਂ ਜਾਰੀ ਹਨ। ਰਾਘਵ ਚੱਢਾ 18 ਕਿਸ਼ਤੀਆਂ 'ਤੇ ਆਪਣੇ ਵਿਆਹ ਦੀ ਬਾਰਾਤ ਨਾਲ ਲੀਲਾ ਪੈਲੇਸ ਲਈ ਤਾਜ ਲੇਕ ਪੈਲੇਸ ਤੋਂ ਰਵਾਨਾ ਹੋ ਗਏ ਹਨ। ਇਸ ਬਾਰਾਤ ਵਿੱਚ ਦਿੱਲੀ ਦੇ ਮੁੱਖ ਮੰਤਰੀ ਅਰਵਿੰਦ ਕੇਜਰੀਵਾਲ, ਪੰਜਾਬ ਦੇ ਮੁੱਖ ਮੰਤਰੀ ਭਗਵੰਤ ਮਾਨ, ਕ੍ਰਿਕਟਰ ਹਰਭਜਨ ਸਿੰਘ ਸਮੇਤ ਨਾਮੀ ਸ਼ਖ਼ਸੀਅਤਾਂ ਨੇ ਸ਼ਾਮਿਲ ਹਨ।
ਮਨੀਸ਼ ਮਲਹੋਤਰਾ ਲਹਿੰਗਾ ਲੈ ਕੇ ਪਹੁੰਚੇ: ਬਾਰਾਤ ਦੇ ਸੁਆਗਤ ਤੋਂ ਬਾਅਦ ਮਾਲਾ ਪਹਿਨਾਈ ਜਾਵੇਗੀ ਅਤੇ ਉਸ ਤੋਂ ਬਾਅਦ ਫੇਰੇ ਸ਼ੁਰੂ ਹੋਣਗੇ। ਸ਼ਾਮ 6.30 ਵਜੇ ਵਿਦਾਇਗੀ ਹੋਵੇਗੀ ਅਤੇ ਰਾਤ 8.30 ਵਜੇ ਰਿਸੈਪਸ਼ਨ ਦਾ ਪ੍ਰੋਗਰਾਮ ਰੱਖਿਆ ਗਿਆ ਹੈ। ਇਸ ਤੋਂ ਪਹਿਲਾਂ ਦੁਪਹਿਰ 1 ਵਜੇ ਰਾਘਵ ਦੀ ਸਹਿਰਾਬੰਦੀ ਦੀ ਰਸਮ ਹੋਈ, ਡਿਜ਼ਾਈਨਰ ਮਨੀਸ਼ ਮਲਹੋਤਰਾ ਪਰਿਣੀਤੀ ਦਾ ਡਿਜ਼ਾਈਨਰ ਲਹਿੰਗਾ ਲੈ ਕੇ ਪਹੁੰਚੇ।
ਮਹਿਮਾਨਾਂ ਦੇ ਆਉਣ ਦਾ ਸਿਲਸਿਲਾ ਜਾਰੀ: ਇਸ ਸ਼ਾਹੀ ਵਿਆਹ ਵਿੱਚ ਸ਼ਾਮਲ ਹੋਣ ਲਈ ਮਹਿਮਾਨਾਂ ਦੇ ਆਉਣ ਦਾ ਸਿਲਸਿਲਾ ਜਾਰੀ ਹੈ। ਇਸ ਸਿਲਸਿਲੇ 'ਚ ਸਾਬਕਾ ਕ੍ਰਿਕਟਰ ਅਤੇ ਸੰਸਦ ਮੈਂਬਰ ਹਰਭਜਨ ਸਿੰਘ ਐਤਵਾਰ ਨੂੰ ਆਪਣੇ ਪਰਿਵਾਰ ਨਾਲ ਉਦੈਪੁਰ ਪਹੁੰਚੇ। ਮਹਾਰਾਸ਼ਟਰ ਦੇ ਸਾਬਕਾ ਮੰਤਰੀ ਆਦਿਤਿਆ ਠਾਕਰੇ ਵੀ ਵਿਆਹ ਸਮਾਗਮ ਵਿੱਚ ਸ਼ਾਮਲ ਹੋਣ ਲਈ ਪਹੁੰਚੇ ਹਨ। ਆਦਿਤਿਆ ਠਾਕਰੇ ਨੇ ਉਦੈਪੁਰ ਦੇ ਡਬੋਕ ਏਅਰਪੋਰਟ 'ਤੇ ਪਰਿਣੀਤੀ ਅਤੇ ਰਾਘਵ ਦੇ ਵਿਆਹ 'ਤੇ ਖੁਸ਼ੀ ਜ਼ਾਹਰ ਕੀਤੀ। ਰਾਜਨੀਤੀ ਦੇ ਸਵਾਲ 'ਤੇ ਆਦਿਤਿਆ ਠਾਕਰੇ ਨੇ ਕਿਹਾ ਕਿ 'ਅੱਜ ਰਾਜਨੀਤੀ ਦਾ ਦਿਨ ਨਹੀਂ ਹੈ'।
- German Singer Cassmae : ਜਾਣੋ ਕੌਣ ਹੈ ਜਰਮਨੀ ਗਾਇਕਾ ਕੈਸਮੀ, ਜਿਸ ਨੂੰ ਮਨ ਕੀ ਬਾਤ 'ਚ ਪੀਐਮ ਮੋਦੀ ਨੇ ਦੱਸਿਆ - 'ਪ੍ਰੇਰਨਾਦਾਇਕ'
- Jaishankar on Indias G20: ਵਿਦੇਸ਼ ਮੰਤਰੀ ਜੈਸ਼ੰਕਰ ਦਾ ਵੱਡਾ ਬਿਆਨ, ਕਿਹਾ- 'ਬਹੁਤ ਸਾਰੇ ਲੋਕ ਹੈਰਾਨ ਹਨ ਕਿ ਭਾਰਤ ਨੇ ਮੈਂਬਰ ਦੇਸ਼ਾਂ ਨੂੰ ਇਕਜੁੱਟ ਕਿਵੇਂ ਕੀਤਾ'
- Himanta scheme for youth: ਹਿਮੰਤਾ ਸ਼ਰਮਾ ਨੇ ਅਸਾਮ ਦੇ ਨੌਜਵਾਨਾਂ ਲਈ ਵਿੱਤੀ ਸਹਾਇਤਾ ਯੋਜਨਾ ਕੀਤੀ ਸ਼ੁਰੂ
ਮਹਿਮਾਨ ਵੱਖ-ਵੱਖ ਪਕਵਾਨਾਂ ਦਾ ਲੈਣਗੇ ਸੁਆਦ: ਇਸ ਸ਼ਾਹੀ ਵਿਆਹ ਵਿੱਚ ਮਹਿਮਾਨਾਂ ਨੂੰ ਵੱਖ-ਵੱਖ ਰਾਜਾਂ ਦੇ ਵਿਸ਼ੇਸ਼ ਪਕਵਾਨ ਪਰੋਸੇ ਜਾਣਗੇ। ਵਿਆਹ ਦੇ ਮੇਨੂ ਵਿੱਚ ਪੰਜਾਬੀ ਭੋਜਨ ਸ਼ਾਮਿਲ ਹੋਵੇਗਾ। ਮਹਿਮਾਨਾਂ ਨੂੰ ਰਾਜਸਥਾਨੀ ਪਕਵਾਨ ਵੀ ਪਰੋਸੇ ਜਾਣਗੇ। ਦੱਸਿਆ ਜਾ ਰਿਹਾ ਹੈ ਕਿ ਖਾਣੇ 'ਚ ਰਾਜਸਥਾਨੀ ਪਕਵਾਨਾਂ ਦੇ ਨਾਲ-ਨਾਲ ਵੱਖ-ਵੱਖ ਰਾਜਾਂ ਦੇ ਪਕਵਾਨ ਵੀ ਸ਼ਾਮਲ ਕੀਤੇ ਗਏ ਹਨ। ਇਸ ਤੋਂ ਇਲਾਵਾ ਇਟਾਲੀਅਨ ਅਤੇ ਫਰੈਂਚ ਪਕਵਾਨ ਵੀ ਰੱਖੇ ਗਏ ਹਨ।
