ਨਵੀਂ ਦਿੱਲੀ : ਬਾਲੀਵੁੱਡ ਦੇ ਮਸ਼ਹੂਰ ਅਦਾਕਾਰਾਂ 'ਚੋਂ ਇਕ ਵਰੁਣ ਧਵਨ ਦਾ ਅੱਜ ਜਨਮਦਿਨ ਹੈ। ਆਪਣੇ ਸਟਾਈਲ, ਮਨਮੋਹਕ ਲੁੱਕ ਅਤੇ ਸ਼ਾਨਦਾਰ ਅਦਾਕਾਰੀ ਕਾਰਨ ਉਨ੍ਹਾਂ ਨੇ ਪ੍ਰਸ਼ੰਸਕਾਂ ਦੇ ਦਿਲਾਂ 'ਚ ਜਗ੍ਹਾ ਬਣਾ ਲਈ ਹੈ। ਧਵਨ ਨੇ ਅੱਜ 24 ਅਪ੍ਰੈਲ ਨੂੰ ਆਪਣੀ ਆਉਣ ਵਾਲੀ ਫਿਲਮ 'ਬਵਾਲ' ਦੇ ਸੈੱਟ 'ਤੇ ਆਪਣਾ 35ਵਾਂ ਜਨਮਦਿਨ ਮਨਾਇਆ। ਵਰੁਣ ਨੇ ਆਪਣੇ ਇੰਸਟਾਗ੍ਰਾਮ ਅਕਾਊਂਟ 'ਤੇ ਆਪਣੀ ਇਕ ਫੋਟੋ ਸ਼ੇਅਰ ਕੀਤੀ ਹੈ, ਜਿਸ 'ਚ ਉਹ ਨੀਲੇ ਅਤੇ ਸੁਨਹਿਰੀ ਗੁਬਾਰਿਆਂ ਵਿਚਕਾਰ ਨਜ਼ਰ ਆ ਰਹੇ ਹਨ।
ਉਨ੍ਹਾਂ ਨੇ ਫੋਟੋ ਦੇ ਨਾਲ ਲਿਖਿਆ ਕਿ ਪਿਛਲੇ ਦੋ ਜਨਮਦਿਨ ਘਰ 'ਤੇ ਬਿਤਾਉਣ ਤੋਂ ਬਾਅਦ, ਆਪਣੇ 35ਵੇਂ ਜਨਮਦਿਨ 'ਤੇ ਫਿਲਮ ਦੇ ਸੈੱਟ 'ਤੇ ਆ ਕੇ ਬਹੁਤ ਖੁਸ਼ੀ ਹੋਈ। ਨਿਤੇਸ਼ ਤਿਵਾਰੀ (@niteshtiwari22) ਦੇ ਸੈੱਟ 'ਤੇ ਰਿਪੋਰਟ ਕਰਨ ਲਈ ਸਵੇਰੇ 5:30 ਵਜੇ ਉੱਠਣਾ ਬਹੁਤ ਵਧੀਆ ਲੱਗਦਾ ਹੈ। ਫਿਲਮ ‘ਬਵਾਲ’ ਬਾਰੇ ਉਨ੍ਹਾਂ ਕਿਹਾ ਕਿ ਇਹ ਫਿਲਮ ਮੇਰੇ ਲਈ ਬਹੁਤ ਖਾਸ ਹੈ। ਫਿਲਮਾਂ 'ਜੁਗ-ਜੁਗ ਜੀਓ' ਅਤੇ 'ਭੇਦੀਆ' ਵੀ ਰਿਲੀਜ਼ ਲਈ ਤਿਆਰ ਹਨ।
- " class="align-text-top noRightClick twitterSection" data="
">
ਦੱਸ ਦੇਈਏ ਕਿ ਵਰੁਣ ਧਵਨ ਇਸ ਸਮੇਂ ਫਿਲਮਕਾਰ ਨਿਤੇਸ਼ ਤਿਵਾਰੀ ਦੀ ਆਉਣ ਵਾਲੀ ਫਿਲਮ 'ਬਵਾਲ' ਦੀ ਸ਼ੂਟਿੰਗ ਕਰ ਰਹੇ ਹਨ, ਜਿਸ ਵਿੱਚ ਉਨ੍ਹਾਂ ਦੇ ਨਾਲ ਜਾਨ੍ਹਵੀ ਕਪੂਰ ਵੀ ਹੈ। ਸਾਜਿਦ ਨਾਡਿਆਡਵਾਲਾ ਦੁਆਰਾ ਨਿਰਮਿਤ, ਇਹ ਫਿਲਮ 7 ਅਪ੍ਰੈਲ, 2023 ਨੂੰ ਰਿਲੀਜ਼ ਹੋਣ ਵਾਲੀ ਹੈ। ਇਸ ਤੋਂ ਇਲਾਵਾ ਵਰੁਣ ਧਵਨ 'ਜੁਗ-ਜੁਗ ਜੀਓ' 'ਚ ਕਿਆਰਾ ਅਡਵਾਨੀ ਅਤੇ ਕ੍ਰਿਤੀ ਸੈਨਨ ਨਾਲ 'ਭੇਦੀਆ' 'ਚ ਨਜ਼ਰ ਆਉਣਗੇ।
ਇਹ ਵੀ ਪੜ੍ਹੋ : ਕੌਣ ਨੇ ਇਹ ਸਿਤਾਰੇ ਪਹਿਚਾਣ ਕਰੋਗੇ ਤਾਂ ਜਾਣੀਏ...ਤਸਵੀਰਾਂ
