ਚੰਡੀਗੜ੍ਹ: ਜੇਕਰ ਤੁਸੀਂ ਪੰਜਾਬੀ ਗਾਇਕ ਗੁਰਦਾਸ ਮਾਨ ਅਤੇ ਦਿਲਜੀਤ ਦੁਸਾਂਝ ਦੇ ਫੈਨਜ਼ ਹੋ ਤਾਂ ਯਕੀਨਨ ਇਹ ਖਬਰ ਤੁਹਾਡੇ ਲਈ ਹੈ। ਜੀ ਹਾਂ...ਤੁਸੀਂ ਠੀਕ ਪੜ੍ਹਿਆ ਹੈ, ਪੰਜਾਬੀ ਗਾਇਕਾਂ ਨੇ ਆਪਣੇ ਪ੍ਰਸ਼ੰਸਕਾਂ ਨੂੰ ਇੱਕ ਬਹੁਤ ਵੱਡੀ ਖੁਸ਼ੀ ਦਿੱਤੀ ਹੈ। ਦੋਨਾਂ ਮਸ਼ਹੂਰ ਗਾਇਕਾਂ ਨੇ ਗੀਤ 'ਛੱਲਾ' ਨੂੰ ਦੁਬਾਰਾ ਗਾਇਆ ਹੈ, ਕਹਿ ਸਕਦੇ ਹਾਂ ਕਿ ਰੀਕ੍ਰੀਏਟ ਕੀਤਾ ਹੈ। 'ਛੱਲਾ' ਨੂੰ ਸੁਣ ਕੇ ਪ੍ਰਸ਼ੰਸ਼ਕ ਤਾਰੀਫ ਕਰਦੇ ਨਹੀਂ ਥੱਕ ਰਹੇ।
ਤੁਹਾਨੂੰ ਦੱਸ ਦਈਏ ਕਿ ਗੁਰਦਾਸ ਮਾਨ ਅਤੇ ਦਿਲਜੀਤ ਦੁਸਾਂਝ ਉਹਨਾਂ ਕਲਾਕਾਰਾਂ ਵਿੱਚੋਂ ਇੱਕ ਹਨ, ਜਿਨ੍ਹਾਂ ਨੇ ਪੰਜਾਬੀ ਫ਼ਿਲਮ ਅਤੇ ਮਿਊਜ਼ਿਕ ਇੰਡਸਟਰੀ ਦਾ ਨਾਮ ਪੂਰੀ ਦੁਨੀਆਂ ਵਿੱਚ ਰੌਸ਼ਨ ਕੀਤਾ ਹੈ। ਉਨ੍ਹਾਂ ਦੀ ਗਾਇਕੀ ਦੇ ਪ੍ਰਸ਼ੰਸ਼ਕ ਸਿਰਫ਼ ਪੰਜਾਬ ਵਿੱਚ ਜਾਂ ਭਾਰਤ ਵਿੱਚ ਹੀ ਨਹੀਂ ਸਗੋਂ ਦੁਨੀਆਂ ਦੇ ਹਰ ਕੋਨੇ ਵਿੱਚ ਬੈਠੇ ਹਨ। ਚਾਹੇ ਫਿਰ ਉਸ ਨੂੰ ਪੰਜਾਬੀ ਆਉਂਦੀ ਹੋਵੇ ਜਾਂ ਫਿਰ ਨਾ।
- " class="align-text-top noRightClick twitterSection" data="
">
ਦਿਲਚਸਪ ਗੱਲ ਇਹ ਹੈ ਕਿ ਦਿਲਜੀਤ ਦੁਸਾਂਝ ਅਤੇ ਗੁਰਦਾਸ ਮਾਨ ਲੰਬੇ ਸਮੇਂ ਬਾਅਦ ਇਸ ਤਰ੍ਹਾਂ ਇਕੱਠੇ ਕੰਮ ਕਰਦੇ ਹੋਏ ਨਜ਼ਰ ਦਿੱਤੇ ਹਨ। ਹਾਲ ਹੀ ਵਿੱਚ ਦਿਲਜੀਤ ਦੁਸਾਂਝ ਦੀ ਗੁਰਦਾਸ ਮਾਨ ਨਾਲ ਇੱਕ ਫ਼ੋਟੋ ਕਾਫੀ ਵਾਇਰਲ ਹੋਈ ਸੀ। ਜਿਸ ਤੋਂ ਬਾਅਦ ਪ੍ਰਸ਼ੰਸ਼ਕ ਉਹਨਾਂ ਦੇ ਕਿਸੇ ਨਵੇਂ ਪ੍ਰੋਜੈਕਟ ਦਾ ਅੰਦਾਜ਼ਾ ਲਗਾ ਰਹੇ ਸੀ। ਫਿਰ ਗਾਇਕਾਂ ਨੇ ਖੁਦ ਹੀ ਪ੍ਰਸ਼ੰਸਕਾਂ ਦੀ ਉਲਝ ਨੂੰ ਦੂਰ ਕਰ ਦਿੱਤਾ ਅਤੇ ਛੱਲਾ ਬਾਰੇ ਜਾਣਕਾਰੀ ਦੇ ਦਿੱਤੀ।
ਗਾਇਕ ਗੁਰਦਾਸ ਮਾਨ ਨੇ ਇਸ ਬਾਰੇ ਪੋਸਟ ਸਾਂਝੀ ਕਰਦੇ ਹੋਏ ਲਿਖਿਆ ਸੀ ਕਿ ' 40 ਸਾਲਾਂ ਬਾਅਦ ਮੇਰੇ ਪਿਆਰੇ @diljitdosanjh ਦੇ ਨਾਲ ਹੁਣੇ ਹੀ ਸੁਣੋ @spotifyindia 'ਤੇ ਪੂਰੀ ਟੀਮ ਸੰਗੀਤ ਦੁਆਰਾ ਸ਼ਾਨਦਾਰ ਕੰਮ'। ਇਸ ਦੇ ਨਾਲ ਹੀ ਗਾਇਕ ਨੇ ਦੋ ਫੋਟੋਆਂ ਵੀ ਸਾਂਝੀਆਂ ਕੀਤੀਆਂ ਹਨ। ਫੋਟੋਆਂ ਵਿੱਚ ਦੋਨਾਂ ਨੇ ਲਾਲ ਰੰਗ ਦਾ ਕੁੜਤਾ ਅਤੇ ਕਾਲੇ ਰੰਗ ਦਾ ਚਾਦਰਾ ਪਾਇਆ ਹੋਇਆ ਹੈ, ਇਸ ਦੇ ਨਾਲ ਹੀ ਦੋਨਾਂ ਦੇ ਹੱਥ ਵਿੱਚ ਡਫ਼ਲੀ ਵੀ ਫੜੀ ਹੋਈ ਹੈ।
- " class="align-text-top noRightClick twitterSection" data="
">
ਗਾਇਕ ਨੇ ਇੱਕ ਹੋਰ ਪੋਸਟ ਸਾਂਝੀ ਕੀਤੀ ਅਤੇ ਲਿਖਿਆ 'ਪੁੱਤਰ ਮਿੱਠੇ ਮੇਵੇ ਅੱਲ੍ਹਾ ਸਭ ਨੂੰ ਦੇਵੇ, ਓ ਧੀਆਂ ਸਭ ਨੂੰ ਦੇਵੇ, ਵੇ ਗੱਲ ਸੁਣ ਛੱਲਿਆ'। ਇਸ ਦੇ ਨਾਲ ਹੀ ਗਾਇਕ ਨੇ ਇੱਕ ਹੋਰ ਫੋਟੋ ਸਾਂਝੀ ਕੀਤੀ ਹੈ। ਹੁਣ ਇਥੇ ਜੇਕਰ ਗੀਤ ਬਾਰੇ ਗੱਲ ਕਰੀਏ ਤਾਂ ਗੀਤ ਨੂੰ ਹੁਣ ਤੱਕ 31 ਹਜ਼ਾਰ ਲੋਕਾਂ ਦੁਆਰਾ ਦੇਖਿਆ ਜਾ ਚੁੱਕਾ ਹੈ।
ਤੁਹਾਨੂੰ ਦੱਸ ਦਈਏ ਕਿ ਇਹ ਗੀਤ ਦਿਲਜੀਤ ਦੁਸਾਂਝ ਅਤੇ ਗੁਰਦਾਸ ਮਾਨ ਦਾ ਪਹਿਲਾ ਨਹੀਂ ਹੈ, ਇਸ ਤੋਂ ਪਹਿਲਾਂ ਵੀ ਦੋਵੇਂ ਗਾਇਕ ਇਕੱਠੇ ਕੋਕ ਸਟੂਡੀਓ ‘ਚ ‘ਕੀ ਬਣੂ ਦੁਨੀਆਂ ਦਾ’ ਗਾ ਕੇ ਪ੍ਰਸ਼ੰਸਕਾਂ ਤੋਂ ਪਿਆਰ ਪ੍ਰਾਪਤ ਕਰ ਚੁੱਕੇ ਹਨ। ਹੁਣ ਇਨ੍ਹਾਂ ਦੇ ਨਵੇਂ ਗੀਤ ਛੱਲਾ ਨੇ ਫੈਨਜ਼ ਨੂੰ ਪ੍ਰਸ਼ੰਨ ਕਰ ਦਿੱਤਾ ਹੈ।
ਇਹ ਵੀ ਪੜ੍ਹੋ:Annhi Dea Mazaak Ae: ਫਿਲਮ 'ਅੰਨ੍ਹੀ ਦਿਆ ਮਜ਼ਾਕ ਏ' ਦੇ ਦੋ ਪੋਸਟਰ ਰਿਲੀਜ਼, ਲਾਜਵਾਬ ਕੈਮਿਸਟਰੀ ਦਿਖਾਉਣਗੇ ਐਮੀ-ਪਰੀ
