ਮੁੰਬਈ: ਸ਼ਾਹਰੁਖ ਖਾਨ ਦੀ ਆਉਣ ਵਾਲੀ ਫਿਲਮ 'ਜਵਾਨ' ਦਾ ਟ੍ਰੇਲਰ ਹਾਲ ਹੀ ਵਿੱਚ ਰਿਲੀਜ਼ ਕੀਤਾ ਗਿਆ ਹੈ। ਮੇਕਰਸ ਨੇ ਰੱਖੜੀ ਦੇ ਮੌਕੇ ਉਤੇ 'ਕਿੰਗ ਆਫ਼ ਰੁਮਾਂਸ' ਦਾ ਦਮਦਾਰ ਟ੍ਰੇਲਰ ਰਿਲੀਜ਼ ਕੀਤਾ ਹੈ। ਟ੍ਰੇਲਰ ਨੂੰ ਫੈਨਜ਼ ਅਤੇ ਪ੍ਰਸ਼ੰਸਕ ਕਾਫੀ ਪਸੰਦ ਕਰ ਰਹੇ ਹਨ ਅਤੇ ਉਹਨਾਂ ਤੋਂ ਕਾਫੀ ਚੰਗਾ ਰਿਸਪਾਂਸ ਮਿਲ ਰਿਹਾ ਹੈ। ਸ਼ੋਸਲ ਮੀਡੀਆ ਉਤੇ ਹੈਸ਼ਟੈਗ ਦੇ ਨਾਲ ਜਵਾਨ ਟ੍ਰੇਲਰ ਟ੍ਰੈਂਡ ਕਰ ਰਿਹਾ ਹੈ। ਇਸ ਸਮੇਂ ਬਾਲੀਵੁੱਡ ਦੇ ਬਾਦਸ਼ਾਹ ਨਾਲ ਜੁੜੀ ਇੱਕ ਖ਼ਬਰ ਸਾਹਮਣੇ ਆ ਰਹੀ ਹੈ।
ਕਿਹਾ ਜਾ ਰਿਹਾ ਹੈ ਕਿ ਜਵਾਨ ਦਾ ਟ੍ਰੇਲਰ ਸਭ ਤੋਂ ਪਹਿਲਾਂ ਸ਼ਾਹਰੁਖ ਖਾਨ ਦੇ ਵੱਡੇ ਬੇਟੇ ਆਰੀਅਨ ਖਾਨ ਨੇ ਦੇਖਿਆ ਹੈ, ਟ੍ਰੇਲਰ ਦੇਖਣ ਤੋਂ ਬਾਅਦ ਆਰੀਅਨ ਖਾਨ ਨੇ ਇਸ ਦਾ ਰਿਵੀਊ ਵੀ ਸਾਂਝਾ ਕੀਤਾ ਹੈ।
ਮੀਡੀਆ ਰਿਪੋਰਟਾਂ ਦੇ ਮੁਤਾਬਕ ਸ਼ਾਹਰੁਖ ਖਾਨ ਆਪਣੀ ਆਉਣ ਵਾਲੀ ਫਿਲਮ ਦਾ ਟ੍ਰੇਲਰ ਰਿਲੀਜ਼ ਕਰਨ ਤੋਂ ਪਹਿਲਾਂ ਆਪਣੇ ਬੇਟੇ ਆਰੀਅਨ ਨੂੰ ਮਿਲੇ ਸਨ। ਉਹਨਾਂ ਨੇ ਪ੍ਰਤੀਕਿਰਿਆ ਲੈਣ ਲਈ ਆਰੀਅਨ ਨਾਲ ਗੱਲ ਕੀਤੀ। ਜਦੋਂ ਆਰੀਅਨ ਨੇ ਫਿਲਮ ਦਾ ਟ੍ਰੇਲਰ ਦੇਖਿਆ ਤਾਂ ਉਹਨਾਂ ਨੂੰ ਇਹ ਬਹੁਤ ਪਸੰਦ ਆਇਆ। ਆਰੀਅਨ ਨੇ ਆਪਣੇ ਦੋਸਤਾਂ ਨੂੰ ਦੱਸਿਆ ਕਿ ਫਿਲਮ ਦਾ ਟ੍ਰੇਲਰ ਉਸ ਦੇ ਪਿਤਾ ਦਾ ਸਭ ਤੋਂ ਪਾਵਰਫੁੱਲ ਟ੍ਰੇਲਰ, ਐਕਸ਼ਨ ਅਤੇ ਡਾਇਲਾਗ ਆਧਾਰਿਤ ਟ੍ਰੇਲਰ ਹੈ।
- Satinder Sartaaj Birthday: ਜੇਕਰ ਸਤਿੰਦਰ ਸਰਤਾਜ ਗਾਇਕ ਨਾ ਹੁੰਦੇ ਤਾਂ ਕੀ ਹੁੰਦੇ? ਇਥੇ ਜਾਣੋ
- Yaariyan 2: ਮਾਮਲਾ ਦਰਜ ਹੋਣ ਤੋਂ ਬਾਅਦ ‘ਯਾਰੀਆਂ 2’ ਫਿਲਮ ਦੀ ਨਿਰਦੇਸ਼ਕ ਜੋੜੀ ਨੇ ਦਿੱਤੀ ਇਹ ਸਫ਼ਾਈ, ਐਸਜੀਪੀਸੀ ਦਿੱਲੀ ਦੀ ਸ਼ਿਕਾਇਤ 'ਤੇ ਹੋਈ ਹੈ ਕਾਰਵਾਈ
- Jawan Trailer OUT: ਲਓ ਜੀ...ਸ਼ਾਹਰੁਖ ਖਾਨ ਦੀ 'ਜਵਾਨ' ਦਾ ਸ਼ਾਨਦਾਰ ਟ੍ਰੇਲਰ ਹੋਇਆ ਰਿਲੀਜ਼, ਦਮਦਾਰ ਲੁੱਕ 'ਚ ਨਜ਼ਰ ਆਇਆ ਕਿੰਗ ਖਾਨ
ਆਰੀਅਨ ਇੰਨੀ ਦਿਨੀਂ ਆਪਣੀ ਵੈੱਬ ਸੀਰੀਜ਼ 'ਸਟਾਰਡਮ' ਨਾਲ ਡਾਇਰੈਕਟਰ ਬਣ ਰਹੇ ਹਨ। 'ਪਠਾਨ' ਦੇ ਟ੍ਰੇਲਰ ਦੌਰਾਨ ਵੀ ਆਰੀਅਨ ਨੇ ਸ਼ਾਹਰੁਖ ਨੂੰ ਆਪਣੀ ਫੀਡਬੈਕ ਦਿੱਤੀ ਸੀ ਅਤੇ ਦੱਸਿਆ ਸੀ ਕਿ ਉਨ੍ਹਾਂ ਨੂੰ ਇਸ 'ਚ ਕੀ ਪਸੰਦ ਹੈ। ਕਿੰਗ ਖਾਨ ਦੀ ਜਵਾਨ ਫਿਲਮ 7 ਸਤੰਬਰ ਨੂੰ ਸਿਨੇਮਾਘਰਾਂ 'ਚ ਰਿਲੀਜ਼ ਹੋਵੇਗੀ।
ਸ਼ਾਹਰੁਖ ਖਾਨ ਦੇ ਵਰਕ ਫਰੰਟ ਦੀ ਗੱਲ ਕਰੀਏ ਤਾਂ ਕਿੰਗ ਖਾਨ ਜਵਾਨ ਤੋਂ ਬਾਅਦ ਉਹ ਦਸੰਬਰ 2023 ਵਿੱਚ ਹਿਰਾਨੀ ਦੁਆਰਾ ਨਿਰਦੇਸ਼ਿਤ ਫਿਲਮ ਵਿੱਚ ਆਪਣੇ ਪ੍ਰਸ਼ੰਸਕਾਂ ਦਾ ਮੰਨੋਰੰਜਨ ਕਰਦੇ ਨਜ਼ਰ ਆਉਣਗੇ। ਸ਼ਾਹਰੁਖ ਅਗਲੀ ਵਾਰ ਤਾਪਸੀ ਪੰਨੂ ਨਾਲ ਰਾਜਕੁਮਾਰ ਹਿਰਾਨੀ ਦੀ 'ਡੰਕੀ' ਵੱਲ ਵਧਣਗੇ।
