ਇਹ ਕੀ ਕਹਿ ਗਏ ਸੁਖਬੀਰ ਬਾਦਲ, ਵੇਖੋ ਵੀਡੀਓ

ਸ਼੍ਰੋਮਣੀ ਅਕਾਲੀ ਦਲ ਪ੍ਰਧਾਨ ਸੁਖਬੀਰ ਬਾਦਲ ਨੇ ਅਪਣੀ ਚੋਣ ਮੁਹਿਮ ਸਰਹੱਦੀ ਪਿੰਡਾਂ ਤੋਂ ਸ਼ੁਰੂ ਕੀਤੀ। ਇਸ ਮੌਕੇ ਅਕਾਲੀ ਦਲ ਪ੍ਰਧਾਨ ਲੋਕ ਲੁਭਾਵਣੇ ਵਾਅਦਿਆਂ ਦੀ ਝੜੀ ਲਾਉਂਦੇ ਨਜ਼ਰ ਆਏ।

ਫ਼ਿਰੋਜ਼ਪੁਰ: ਅਕਾਲੀ ਦਲ ਦੇ ਉਮੀਦਵਾਰ ਸੁਖਬੀਰ ਸਿੰਘ ਬਾਦਲ ਨੇ ਸਰਹੱਦੀ ਪਿੰਡਾਂ ਤੋਂ ਆਪਣਾ ਚੋਣ ਪ੍ਰਚਾਰ ਸ਼ੁਰੂ ਕੀਤਾ। ਇਸ ਮੌਕੇ ਉਹ ਫ਼ਿਰੋਜ਼ਪੁਰ ਦੇ ਕਈ ਵੱਖ-ਵੱਖ ਥਾਵਾਂ 'ਤੇ ਚੋਣ ਪ੍ਰਚਾਰ ਦੌਰਾਨ ਲੋਕ ਲੁਭਾਵਣੇ ਵਾਅਦਿਆਂ ਦੀ ਝੜੀ ਲਗਾਉਂਦੇ ਨਜ਼ਰ ਆਏ।
ਰੈਲੀ ਦੌਰਾਨ ਸੁਖਬੀਰ ਬਾਦਲ ਨੇ ਲੋਕਾਂ ਨੂੰ ਵੋਟ ਪਾਉਣ ਦੀ ਅਪੀਲ ਕਰਦਿਆਂ ਕਿਹਾ ਕਿ ਜਲਾਲਾਬਾਦ, ਬਠਿੰਡਾ ਦੀ ਤਰਜ਼ 'ਤੇ ਉਹ ਫਿਰੋਜ਼ਪੁਰ ਦੀ ਵੀ ਨੁਹਾਰ ਬਦਲ ਦੇਣਗੇ। ਇਸ ਮੌਕੇ ਸੁਖਬੀਰ ਬਾਦਲ ਨੇ ਕਿਹਾ ਕਿ 'ਕਣਕ ਦੀਆਂ ਟਰਾਂਲੀਆਂ ਵਾਂਗ ਨੋਟਾਂ ਦੀਆਂ ਭਰੀਆਂ ਟਰਾਲੀਆਂ ਤੁਹਾਡੇ ਪਿੰਡਾਂ ਵਿਚ ਭੇਜ ਦਵਾਂਗੇ, ਜਿੰਨੀਆਂ ਮਰਜੀ ਬੋਰੀਆਂ ਲਾਹ ਲਇਓ'।

ਨਾਲ ਹੀ ਸੁਖਬੀਰ ਬਾਦਲ ਇਹ ਕਹਿੰਦੇ ਵੀ ਨਜ਼ਰ ਆਏ ਕਿ 'ਜਲਾਲਾਬਾਦ ਦੇ ਲੋਕਾਂ ਕੋਲ ਬਿਨਾਂ ਨੰਬਰ ਪਲੇਟ ਤੋਂ ਮੋਟਰ ਸਾਇਕਲ ਹਨ ਜੇਕਰ ਕੋਈ ਪੁਲਿਸ ਵਾਲਾ ਰੋਕਦਾ ਹੈ ਤਾਂ ਕਹਿੰਦੇ ਹਨ ਕਿ ਉਹ ਜਲਾਲਾਬਾਦ ਤੋਂ ਆਏ ਹਨ ਤਾਂ ਪੁਲਿਸ ਵਾਲਿਆਂ ਦੀ ਹਿੰਮਤ ਨਹੀਂ ਕਿ ਚਲਾਨ ਕੱਟ ਸਕਣ।ਇਹ ਕੋਈ ਪਹਿਲਾ ਮੌਕਾ ਨਹੀਂ ਜਦ ਸੁਖਬੀਰ ਬਾਦਲ ਨੇ ਕੋਈ ਅਜਿਹਾ ਵਿਲਖਣ ਵਾਅਦਾ ਕੀਤਾ ਹੋਏ। ਇਸ ਤੋਂ ਪਹਿਲਾਂ ਵੀ ਉਨ੍ਹਾਂ ਨਾਲ ਅਜਿਹੇ ਕਈ ਵਿਵਾਦ ਜੁੜੇ ਹਨ। ਇਸ ਮੌਕੇ ਮੀਡੀਆ ਨਾਲ ਜਾਣਕਾਰੀ ਸਾਂਝੀ ਕਰਦਿਆਂ ਬਾਦਲ ਨੇ ਕਿਹਾ ਕਿ ਉਹ ਫਿਰੋਜ਼ਪੁਰ ਨੂੰ ਜਲਾਲਾਬਾਦ ਦੀ ਤਰਜ਼ 'ਤੇ ਵਿਕਸਿਤ ਕਰਨਾ ਚਹੁੰਦੇ ਹਨ ਕਿਉਂਕਿ ਫਿਰੋਜ਼ਪੁਰ ਕਾਫੀ ਪਿਛੜਿਆ ਇਲਾਕਾ ਹੈ।