ਜਲੰਧਰ: 26 ਜਨਵਰੀ ਦੀ ਕਿਸਾਨਾਂ ਦੀ ਪਰੇਡ 'ਚ ਲਾਲ ਕਿਲ੍ਹੇ 'ਤੇ ਝੰਡਾ ਲਹਿਰਾਉਣ ਵਾਲੇ 2 ਮੁਲਜ਼ਮ ਨੋਜਵਾਨਾਂ ਦੇ ਖਿਲਾਫ ਦਿੱਲੀ ਪੁਲਿਸ ਨੇ ਸਥਾਨਕ ਸ਼ਹਿਰ 'ਤੇ ਛਾਪੇਮਾਰੀ ਕੀਤੀ ਹੈ।
ਦਿੱਲੀ ਪੁਲਿਸ ਨੇ ਸਾਧੀ ਚੁੱਪੀ
ਲਾਲ ਕਿਲ੍ਹੇ 'ਚ ਝੰਡਾ ਫਹਿਰਾਉਣ ਵਾਲੇ ਨੌਜਵਾਨਾਂ ਦੀ ਤਲਾਸ਼ 'ਚ ਦਿੱਲੀ ਪੁਲਿਸ ਨੇ ਕੀਤੀ ਜਲੰਧਰ 'ਚ ਛਾਪੇਮਾਰੀ
- ਮਿਲੀ ਜਾਣਕਾਰੀ ਮੁਤਾਬਕ, ਦਿੱਲੀ ਪੁਲਿਸ ਨੂੰ ਇਹ ਜਾਣਕਾਰੀ ਮਿਲੀ ਸੀ ਕਿ ਦੋ ਮੁਲਜ਼ਮ ਨੌਜਵਾਨ ਗੁਰਰਾਜ ਸਿੰਘ ਤੇ ਨਵਪ੍ਰੀਤ ਸਿੰਘ ਜਲੰਧਰ ਹਨ। ਦਿੱਲੀ ਪੁਲਿਸ ਨੇ ਬਸਤੀ ਬਾਵਾ ਖੇਲ 'ਚ ਛਾਪੇਮਾਰੀ ਕੀਤੀ ਪਰ ਉਨ੍ਹਾਂ ਨੂੰ ਖਾਲੀ ਹੱਥ ਹੀ ਪਰਤਨਾ ਪਿਆ ਹੈ।
- ਜ਼ਿਕਰ ਏ ਖ਼ਾਸ ਇਹ ਹੈ ਕਿ ਦਿੱਲੀ ਪੁਲਿਸ ਇਸ ਮੁੱਦੇ 'ਤੇ ਮੂਕ ਹੈ, ਉਨ੍ਹਾਂ ਨੇ ਇਸ ਬਾਬਤ ਕੋਈ ਜਾਣਕਾਰੀ ਨਹੀਂ ਦਿੱਤੀ ਹੈ।
- ਇਸ ਬਾਰੇ ਸਾਰੀ ਗੱਲਬਾਤ ਸਥਾਨਕ ਡੀਸੀਪੀ ਨੇ ਕੀਤੀ ਤੇ ਉਨ੍ਹਾਂ ਨੇ ਦੱਸਿਆ ਕਿ ਉਹ ਸੂਚਨਾ ਵਾਲੀ ਥਾਂ 'ਤੇ ਗਏ ਸੀ ਪਰ ਉਨ੍ਹਾਂ ਨੂੰ ਉੱਥੇ ਕੋਈ ਨਹੀਂ ਮਿਲਿਆ।
ਕੀ ਹੈ ਮਾਮਲਾ?
ਦਿੱਲੀ ਪੁਲਿਸ ਦਾ ਜਲੰਧਰ ਆਉਣ ਦਾ ਕਾਰਨ ਉਹ ਦੋ ਮੁਲਜ਼ਮ ਨੌਜਵਾਨ ਹਨ ਜਿਨ੍ਹਾਂ ਨੇ 26 ਜਨਵਰੀ ਨੂੰ ਲਾਲ ਕਿਲ੍ਹੇ 'ਤੇ ਝੰਡਾ ਫਹਿਰਾਇਆ ਸੀ। ਉਨ੍ਹਾਂ ਦੀ ਸ਼ਹਿਰ 'ਚ ਹੋਣ ਦੀ ਸੂਚਨਾ ਸੀ ਪਰ ਉਨ੍ਹਾਂ ਨੂੰ ਉੱਥੇ ਕੋਈ ਨਹੀਂ ਮਿਲਿਆ।
