ਚੰਡੀਗੜ੍ਹ: ਹਰ ਸਾਲ 31 ਮਈ ਨੂੰ ਦੁਨੀਆ ਭਰ ਵਿੱਚ ਵਰਲਡ ਨੋ ਤੰਬਾਕੂ ਡੇਅ (World No Tobacco Day) ਮਨਾਇਆ ਜਾਂਦਾ ਹੈ। ਇਸ ਦਾ ਉਦੇਸ਼ ਹੈ ਕਿ ਲੋਕਾਂ ਨੂੰ ਆਪਣੀ ਸਿਹਤ ਪ੍ਰਤੀ ਜਾਗਰੂਕ ਕਰਨਾ ਅਤੇ ਤੰਬਾਕੂ ਸੇਵਨ ਤੋਂ ਬਚਣਾ। ਇਸ ਸਾਲ ਦਾ ਥੀਮ ਹੈ ਕਮਿੱਟ ਟੂ ਕਵਿੱਟ। ਅੱਜ ਦੇ ਸਮੇਂ ਵਿੱਚ ਜਦ ਘਾਤਕ ਕੋਰੋਨਾ ਵਾਇਰਸ ਫੇਫੜਿਆਂ ਨੂੰ ਨੁਕਸਾਨ ਪਹੁੰਚਾ ਰਿਹਾ ਹੈ ਅਤੇ ਲੋਕਾਂ ਦੀ ਮੌਤ ਵੀ ਹੋ ਰਹੀ ਹੈ ਤਾਂ ਅਜਿਹੇ ਵਿੱਚ ਆਪਣੀ ਸਿਹਤ ਨੂੰ ਬਿਹਤਰ ਬਣਾਈ ਰੱਖਣ ਲਈ ਕੁਝ ਅਹਿਮ ਕਦਮ ਚੁੱਕਣੇ ਜ਼ਰੂਰੀ ਹੈ। ਪੰਜਾਬ ਵਿੱਚ ਤੰਬਾਕੂ ਸੇਵਨ ਨੂੰ ਲੈ ਕੇ ਮੌਜੂਦਾ ਕੀ ਹਾਲਾਤ ਹਨ ਇਸ ਨੂੰ ਲੈ ਕੇ ਖ਼ਾਸ ਗੱਲਬਾਤ ਸਕੂਲ ਆਫ ਪਬਲਿਕ ਹੈਲਥ ਪੀਜੀਆਈ ਦੇ ਪ੍ਰੋਫ਼ੈਸਰ ਡਾ. ਸੋਨੂੰ ਗੋਇਲ ਦੇ ਨਾਲ ਕੀਤੀ ਗਈ।
ਕੋਵਿਡ ਮਰੀਜ਼ਾਂ ਦੀ ਹਿਸਟਰੀ 'ਚ ਤੰਬਾਕੂ ਦਾ ਸੇਵਨ ਪਾਇਆ ਜਾ ਰਿਹਾ
ਸਕੂਲ ਆਫ ਪਬਲਿਕ ਹੈਲਥ ਦੇ ਪ੍ਰੋਫੈਸਰ ਡਾ. ਸੋਨੂੰ ਗੋਇਲ ਨੇ ਦੱਸਿਆ ਕਿ ਇਸ ਵੇਲੇ ਜਿੱਥੇ ਕਰੋਨਾ ਮਹਾਂਮਾਰੀ ਫੈਲੀ ਹੋਈ ਹੈ ਤੇ ਜਿਹੜੀ ਇਸ ਸਾਲ ਵਰਲਡ ਨੋ ਤੰਬਾਕੂ ਡੇਅ ਦਾ ਥੀਮ ਹੈ ਕੱਮਿਟ ਟੂ ਕਵਿੱਟ। ਉਨ੍ਹਾਂ ਕਿਹਾ ਕਿ ਪਹਿਲਾਂ ਤਾਂ ਬੇਹੱਦ ਜ਼ਰੂਰੀ ਹੈ ਇਹ ਪ੍ਰਣ ਲੈਣਾ, ਕਿਉਂਕਿ ਅਸੀਂ ਦੇਖ ਰਹੇ ਕਿ ਕੋਰੋਨਾ ਮਰੀਜ਼ ਦੀ ਜਿਹੜੀ ਸਥਿਤੀ ਹੈ ਉਹ ਬੇਹੱਦ ਗੰਭੀਰ ਹੈ ਅਤੇ ਜਦ ਉਨ੍ਹਾਂ ਦਾ ਚੈੱਕਅਪ ਕੀਤਾ ਜਾਂਦਾ ਇੱਥੇ ਹਿਸਟਰੀ ਵਿੱਚ ਇਹ ਪਾਇਆ ਜਾਂਦਾ ਹੈ ਕਿ ਉਹ ਤੰਬਾਕੂ ਦਾ ਸੇਵਨ ਕਰਦੇ ਸੀ ਅਤੇ ਅਜਿਹੇ ਮਰੀਜ਼ਾਂ ਦੀ ਹਾਲਤ ਬਹੁਤ ਜ਼ਿਆਦਾ ਗੰਭੀਰ ਹੋ ਜਾਂਦੀ ਹੈ ਤੇ ਕਈ ਲੋਕ ਆਪਣੀ ਜਾਨ ਗਵਾ ਰਹੇ ਹਨ।
ਤੰਬਾਕੂ ਦੇ ਗਲਤ ਪ੍ਰਭਾਵ ਦੇ ਪ੍ਰਤੀ ਲੋਕ ਹੋ ਰਹੇ ਜਾਗਰੂਕ
ਡਾ. ਸੋਨੂੰ ਗੋਇਲ ਦਾ ਕਹਿਣਾ ਹੈ ਕਿ ਤੰਬਾਕੂ ਦੇ ਖ਼ਿਲਾਫ਼ ਜਿਹੜਾ ਜਾਗਰੂਕ ਅਭਿਆਨ ਚੱਲ ਰਿਹਾ ਹੈ ਉਸ ਤੋਂ ਕਾਫ਼ੀ ਜ਼ਿਆਦਾ ਫਰਕ ਪਿਆ ਹੈ। ਸਟੱਡੀਜ਼ ਕਹਿੰਦੀ ਹੈ ਕਿ ਜਿਹੜੇ ਲੋਕੀਂ ਤੰਬਾਕੂ ਦਾ ਸੇਵਨ ਕਰਦੇ ਹੈ ਉਨ੍ਹਾਂ ਨੂੰ ਜਿਹੜੀ ਟੀਵੀ ਉੱਤੇ ਐਡ ਆਉਂਦੀ ਹੈ ਉਹ ਕਿਤੇ ਨਾ ਕਿਤੇ ਉਨ੍ਹਾਂ ਦੇ ਦਿਲ ਉੱਤੇ ਅਸਰ ਕਰਦੀ ਹੈ ਖਾਸਕਰ ਪਿੰਡਾਂ ਵਿੱਚ। ਹੁਣ ਵੀ ਜਿਹੜੇ ਸਿਗਰਟ ਜਾਂ ਫਿਰ ਹੋਰ ਪਦਾਰਥ ਦਾ ਸੇਵਨ ਕਰਦੇ ਹਨ ਉਸ ਦੇ ਪੈਕੇਟਸ ਉੱਤੇ ਹੀ 85 ਪ੍ਰਤੀਸ਼ਤ ਵਾਰਨਿੰਗ ਨਜ਼ਰ ਆਉਂਦੀ ਹੈ ਤੇ ਹੁਣ ਲੋਕਾਂ ਨੂੰ ਸਮਝ ਆ ਰਿਹਾ ਹੈ ਕਿ ਤੰਬਾਕੂ ਸੇਵਨ ਨਾਲ ਓਰਲ ਕੈਂਸਰ ,ਲੰਗ ਕੈਂਸਰ ਅਤੇ ਦਿਲ ਤੋਂ ਸੰਬੰਧਿਤ ਬਿਮਾਰੀਆਂ ਹੋ ਰਹੀਆਂ ਹਨ।
11.6 ਫੀਸਦ ਲੋਕ ਕਰਦੇ ਨੇ ਤੰਬਾਕੂ ਦਾ ਸੇਵਨ
ਪੰਜਾਬ ਵਿੱਚ ਗਲੋਬਲ ਐਡਲਟ ਟੋਬੈਕੋ ਸਰਵੇ ਦੇ ਮੁਤਾਬਕ 11.6 ਪ੍ਰਤੀਸ਼ਤ ਲੋਕ ਤੰਬਾਕੂ ਦਾ ਸੇਵਨ ਕਰਦੇ ਹਨ ਜਿਨ੍ਹਾਂ ਦੀ ਉਮਰ 15 ਸਾਲ ਤੋਂ ਉੱਤੇ ਹੈ। ਇਸੇ ਸਰਵੇ ਦੇ ਮੁਤਾਬਕ 19 ਸਾਲ ਦੀ ਉਮਰ ਤੋਂ ਭਾਰਤ ਵਿੱਚ ਲੋਕੀਂ ਤੰਬਾਕੂ ਦਾ ਸੇਵਨ ਕਰਨਾ ਸ਼ੁਰੂ ਕਰ ਦਿੰਦੇ ਹਨ ਫਿਰ ਚਾਹੇ ਉਹ ਸਿਗਰਟ ਹੋਵੇ ਜਾਂ ਫਿਰ ਕੁਝ ਹੋਰ।
ਪੀਜੀਆਈ ਦੇ ਹਰ ਡਿਪਾਰਟਮੈਂਟ ਕੋਲ ਤੰਬਾਕੂ ਤੋਂ ਸਬੰਧਿਤ ਮਰੀਜ਼ ਆਉਂਦੇ ਖ਼ਾਸਕਰ ਹਾਰਟ ਅਟੈਕ ਜਾਂ ਹਾਰਟ ਡਿਜ਼ੀਜ਼ ਜਾਂ ਕਿਸੇ ਕਿਸੇ ਨੂੰ ਲੰਘ ਡਿਜ਼ੀਜ਼ ਅਤੇ ਅਸਥਮਾ ਹੁੰਦਾ ਹੈ। ਉਨ੍ਹਾਂ ਮਰੀਜ਼ਾਂ ਨੂੰ ਸਾਈਕਾਈਟਰੀ ਡਿਪਾਰਟਮੈਂਟ ਭੇਜਿਆ ਜਾਂਦਾ ਹੈ ਜਿੱਥੇ ਉਨ੍ਹਾਂ ਦਾ ਇਲਾਜ ਕੀਤਾ ਜਾਂਦਾ ਹੈ ਜਿਸ ਵਿੱਚ ਉਨ੍ਹਾਂ ਨੂੰ ਦਵਾਈਆਂ ਦੇ ਨਾਲ-ਨਾਲ ਕਾਊਂਸਲਿੰਗ ਵੀ ਦਿੱਤੀ ਜਾਂਦੀ ਹੈ।
ਹੁੱਕਾ ਸਿਗਰੇਟ ਤੋਂ ਵੀ ਵੱਧ ਖ਼ਤਰਨਾਕ
ਹੁੱਕਾ ਸਿਗਰਟ ਤੋਂ ਵੀ ਵੱਧ ਖ਼ਤਰਨਾਕ ਡਾ. ਸੋਨੂੰ ਗੋਇਲ ਦੱਸਦੇ ਹਨ ਕਿ ਵਰਲਡ ਹੈਲਥ ਆਰਗੇਨਾਈਜ਼ੇਸ਼ਨ ਦੇ ਮੁਤਾਬਕ ਹੁੱਕਾ ਸਿਗਰੇਟ ਨਾਲੋਂ ਵੀ ਵੱਧ ਖ਼ਤਰਨਾਕ ਹੈ। ਇਕ ਘੰਟੇ ਦੇ ਹੁੱਕੇ ਦੇ ਸੈਸ਼ਨ ਦਾ ਮਤਲਬ ਹੈ ਸੋ ਸਿਗਰਟ ਪੀਣਾ। ਉਨ੍ਹਾਂ ਨੇ ਦੱਸਿਆ ਕਿ ਹੁੱਕੇ ਵਿੱਚ ਤੰਬਾਕੂ ਦੇ ਨਾਲ ਕੋਲਾ ਵੀ ਹੁੰਦਾ ਹੈ ਜਿਸ ਤੋਂ ਕਾਰਬਨ ਮੋਨੋ ਆਕਸਾਈਡ ਨਿਕਲਦੀ ਹੈ ਅਤੇ ਕਈ ਹੋਰ ਭਿਆਨਕ ਕੈਮੀਕਲ ਵੀ ਉਸ ਵਿੱਚ ਸ਼ਾਮਲ ਹੁੰਦੇ ਹਨ ਅਤੇ ਕਈ ਤਰ੍ਹਾਂ ਦੀ ਬੀਮਾਰੀਆਂ ਉਸ ਤੋਂ ਲੱਗਦੀ ਹੈ।
ਗਲੋਬਲ ਐਡਲਟ ਤੰਬਾਕੂ ਸਰਵੇ ਦੇ ਮੁਤਾਬਕ ਜਿਹੜਾ ਕਿ ਸਾਲ 2009 ਵਿੱਚ ਕਿਹਾ ਗਿਆ ਸੀ ਉਸ ਵੇਲੇ ਦੇਸ਼ ਭਰ ਵਿੱਚ ਪ੍ਰਤੀਸ਼ਤ ਲੋਕ ਤੰਬਾਕੂ ਦਾ ਸੇਵਨ ਕਰਦੇ ਸੀ ਜਿਹੜਾ ਕਿ ਸਾਲ 2015-2016 ਵਿੱਚ 33 ਪ੍ਰਤੀਸ਼ਤ ਤੋਂ ਘਟ ਕੇ 28 ਪ੍ਰਤੀਸ਼ਤ ਰਹਿ ਗਿਆ ਹੈ ਜੋ ਕਿ ਚੰਗੀ ਗੱਲ ਹੈ ਪਰ ਹਾਲੇ ਵੀ ਹੋਰ ਘੱਟ ਕਰਨਾ ਜ਼ਰੂਰੀ ਹੈ। ਰਿਪੋਰਟ ਦੇ ਮੁਤਾਬਕ ਦੁਨੀਆ ਭਰ ਵਿੱਚ 70 ਲੱਖ ਲੋਕਾਂ ਦੀ ਮੌਤ ਤੰਬਾਕੂ ਕਰਕੇ ਹੁੰਦੀ ਹੈ।
ਡਾ. ਸੋਨੂੰ ਗੋਇਲ ਦੱਸਦੇ ਕਿ ਇਸ ਨੂੰ ਛੱਡਣਾ ਆਸਾਨ ਨਹੀਂ ਹੈ ਪਰ ਜੇ ਮਨ ਬਣਾ ਲਓ ਆਪਣੇ ਲਈ ਅਤੇ ਆਪਣੇ ਪਰਿਵਾਰ ਲਈ ਤੇ ਕੁਝ ਵੀ ਨਾਮੁਮਕਿਨ ਨਹੀਂ ਹੈ ਜਿੱਥੇ ਡਾਕਟਰਜ਼ ਕਾਊਂਸਲਿੰਗ ਲਈ ਬੈਠੇ ਹਨ ਉੱਥੇ ਹੀ ਕੁਝ ਦਵਾਈਆਂ ਵੀ ਹਨ ਜਿਨ੍ਹਾਂ ਨਾਲ ਛੱਡਿਆ ਜਾ ਸਕਦਾ ਹੈ। ਖ਼ਾਸਕਰ ਕੋਰੋਨਾ ਦੇ ਦੌਰ ਵਿੱਚ ਜਦ ਲੋਕਾਂ ਦੇ ਫੇਫੜਿਆਂ ਉੱਤੇ ਸਭ ਤੋਂ ਜ਼ਿਆਦਾ ਅਸਰ ਪੈ ਰਿਹਾ ਹੈ।
