ਚੰਡੀਗੜ੍ਹ: ਪੰਜਾਬ ਵਿੱਚ ਐਤਵਾਰ ਨੂੰ ਕੋਰੋਨਾ ਵਾਇਰਸ ਦੇ 1165 ਨਵੇਂ ਮਾਮਲਿਆਂ ਦੀ ਪੁਸ਼ਟੀ ਹੋਈ ਹੈ ਅਤੇ 41 ਮੌਤਾਂ ਹੋਈਆਂ ਹਨ। ਜਿਸ ਨਾਲ ਸੂਬੇ ਵਿੱਚ ਕੁੱਲ ਕੋਰੋਨਾ ਮਰੀਜ਼ਾਂ ਦੀ ਗਿਣਤੀ 31206 ਹੋ ਗਈ ਹੈ ਅਤੇ ਸੂਬੇ ਵਿੱਚ ਕੋਰੋਨਾ ਦੇ 10963 ਐਕਟਿਵ ਮਾਮਲੇ ਹਨ। ਇਸ ਭਿਆਨਕ ਮਹਾਂਮਾਰੀ ਨੇ ਪੰਜਾਬ ਵਿੱਚ ਹੁਣ ਤੱਕ 812 ਲੋਕਾਂ ਦੀ ਜਾਨ ਲਈ ਹੈ।
ਐਤਵਾਰ ਨੂੰ ਦਰਜ ਕੀਤੀਆਂ ਗਈਆਂ ਮੌਤਾਂ ਵਿੱਚ 3 ਅੰਮ੍ਰਿਤਸਰ, 1 ਬਰਨਾਲਾ, 1 ਫਤਿਹਗੜ੍ਹ ਸਾਹਿਬ, 1 ਫਾਜ਼ਿਲਕਾ, 2 ਫਿਰੋਜ਼ਪੁਰ, 1 ਗੁਰਦਾਸਪੁਰ, 1 ਹੁਸ਼ਿਆਰਪੁਰ, 4 ਜਲੰਧਰ, 1 ਕਪੂਰਥਲਾ, 1 ਮੋਗਾ, 1 ਮੋਹਾਲੀ, 7 ਪਟਿਆਲਾ, 3 ਸੰਗਰੂਰ ਅਤੇ 14 ਮੌਤਾਂ ਲੁਧਿਆਣਾ ਵਿੱਚ ਹੋਈਆਂ ਹਨ।
1165 ਨਵੇਂ ਮਾਮਲਿਆਂ ਵਿੱਚੋਂ 315 ਲੁਧਿਆਣਾ, 187 ਜਲੰਧਰ, 37 ਅੰਮ੍ਰਿਤਸਰ, 90 ਪਟਿਆਲਾ, 29 ਸੰਗਰੂਰ, 91 ਮੋਹਾਲੀ, 21 ਹੁਸ਼ਿਆਰਪੁਰ, 74 ਗੁਰਦਾਸਪੁਰ, 96 ਫਿਰੋਜ਼ਪੁਰ, 35 ਪਠਾਨਕੋਟ ਅਤੇ 22 ਮਾਮਲੇ ਤਰਨ ਤਾਰਨ ਤੋਂ ਸਾਹਮਣੇ ਆਏ ਹਨ।
ਕੁੱਝ ਰਾਹਤ ਦੀ ਗੱਲ ਇਹ ਹੈ ਕਿ ਕੁੱਲ 31206 ਮਰੀਜ਼ਾਂ ਵਿੱਚੋਂ 19431 ਕੋਰੋਨਾ ਨੂੰ ਮਾਤ ਦੇ ਕੇ ਪੂਰੀ ਤਰ੍ਹਾਂ ਠੀਕ ਹੋ ਚੁੱਕੇ ਹਨ ਅਤੇ ਸੂਬੇ ਵਿੱਚ ਕੋਵਿਡ-19 ਦੇ 10963 ਐਕਟਿਵ ਮਾਮਲੇ ਹਨ।
