ਨਾਰਾਇਣਪੁਰ: ਛੱਤੀਸਗੜ੍ਹ ਦੇ ਨਾਰਾਇਣਪੁਰ ਵਿੱਚ ਸ਼ੁੱਕਰਵਾਰ ਨੂੰ ਨਕਸਲੀਆਂ ਨੇ ਆਈਟੀਬੀਪੀ ਦੇ ਜਵਾਨਾਂ ਦੀ ਸਰਚਿੰਗ ਟੀਮ ਉੱਤੇ ਹਮਲਾ ਕੀਤਾ ਹੈ। ਇਸ ਹਮਲੇ ਵਿੱਚ 2 ਜਵਾਨ ਸ਼ਹੀਦ ਹੋ ਗਏ ਹਨ। ਨਕਸਲਵਾਦੀਆਂ ਨੇ ਕਡੇਮੇਟਾ ਅਤੇ ਕਾਡਨੌਰ ਕੈਂਪ ਦੇ ਵਿਚਕਾਰ ਤਲਾਸ਼ੀ ਲਈ ਜਾ ਰਹੇ ਜਵਾਨਾਂ 'ਤੇ ਹਮਲਾ ਕੀਤਾ ਹੈ। ਹਾਲਾਂਕਿ, ਜਵਾਬੀ ਗੋਲੀਬਾਰੀ ਵਿੱਚ, ਨਕਸਲੀ ਮੌਕੇ ਤੋਂ ਫਰਾਰ ਹੋ ਗਏ ਅਤੇ ਘਟਨਾ ਦੇ ਬਾਅਦ ਤੋਂ ਇਲਾਕੇ ਵਿੱਚ ਤਲਾਸ਼ੀ ਮੁਹਿੰਮ ਤੇਜ਼ ਕਰ ਦਿੱਤੀ ਗਈ ਹੈ।
ਨਕਸਲੀਆਂ ਦੇ ਹਮਲੇ ਵਿੱਚ ਆਈਟੀਬੀਪੀ ਦੇ ਸਹਾਇਕ ਕਮਾਂਡੈਂਟ ਸਮੇਤ ਦੋ ਜਵਾਨ ਸ਼ਹੀਦ ਹੋ ਗਏ ਹਨ। ਨਕਸਲੀਆਂ ਨੇ ਜਵਾਨਾਂ ਤੋਂ ਇੱਕ ਏਕੇ-47 ਹਥਿਆਰ, ਦੋ ਬੁਲੇਟ ਪਰੂਫ ਜੈਕੇਟ ਅਤੇ ਇੱਕ ਵਾਕੀ-ਟਾਕੀ ਵੀ ਲੁੱਟ ਲਈ ਗਈ ਹੈ। ਜਾਣਕਾਰੀ ਅਨੁਸਾਰ ਪੁਲਿਸ ਟੀਮ ਨਾਰਾਇਣਪੁਰ ਅਤੇ ਬਰਸੂਰ ਮਾਰਗ ਵਿੱਚ ਰੋਡ ਓਪਨਿੰਗ ਵਿੱਚ ਨਿੱਕਲੀ ਸੀ। ਇਸ ਦੌਰਾਨ, ਲਾਲ ਆਤੰਕ ਦੇ ਨਕਸਲੀਆਂ ਨੇ ਜਵਾਨਾਂ ਉੱਤੇ ਹਮਲਾ ਕਰ ਦਿੱਤਾ। ਇਸ ਮੁਕਾਬਲੇ ਵਿੱਚ ਆਈਟੀਬੀਪੀ ਦੇ ਸਹਾਇਕ ਕਮਾਂਡੈਂਟ ਸੁਧਾਕਰ ਸ਼ਿੰਦੇ ਸਮੇਤ ਦੋ ਜਵਾਨ ਸ਼ਹੀਦ ਹੋ ਗਏ। ਐਸਪੀ ਯੂ. ਉਦੈ ਕਿਰਨ ਨੇ ਘਟਨਾ ਦੀ ਪੁਸ਼ਟੀ ਕੀਤੀ ਹੈ।
ਬਸਤਰ ਦੇ ਆਈਜੀ ਸੁੰਦਰਰਾਜ ਪੀ ਨੇ ਦੱਸਿਆ ਕਿ ਨਰਾਇਣਪੁਰ ਵਿੱਚ ਨਕਸਲੀਆਂ ਨੇ ਘਾਤ ਲਗਾ ਕੇ ਤਲਾਸ਼ੀ ਲਈ ਨਿੱਕਲੇ ਜਵਾਨਾਂ ਉੱਤੇ ਗੋਲੀਬਾਰੀ ਕੀਤੀ ਹੈ। ਨਕਸਲੀ ਹਮਲੇ ਦੇ ਸ਼ਹੀਦ ਆਈਟੀਬੀਪੀ 45 ਬਟਾਲੀਅਨ ਦੇ ਐਸਆਈ ਗੁਰਮੁਖ ਸਿੰਘ ਅਤੇ ਏਐਸਆਈ ਸੁਧਾਕਰ ਸ਼ਿੰਦੇ ਹਨ। ਜਵਾਨਾਂ 'ਤੇ ਕਡੇਮੇਟਾ ਕੈਂਪ ਤੋਂ ਸਿਰਫ 600 ਮੀਟਰ ਦੀ ਦੂਰੀ' ਤੇ ਹਮਲਾ ਕੀਤਾ ਗਿਆ ਹੈ।
ਉਨ੍ਹਾਂ ਕਿਹਾ ਕਿ ਇਸ ਤੋਂ ਪਹਿਲਾਂ 20 ਜੁਲਾਈ, 2021 ਨੂੰ ਨਾਰਾਇਣਪੁਰ ਵਿੱਚ ਆਈਟੀਬੀਪੀ ਜਵਾਨਾਂ ਅਤੇ ਨਕਸਲਵਾਦੀਆਂ ਵਿਚਾਲੇ ਮੁੱਠਭੇੜ ਹੋਈ ਸੀ। ਇ, ਮੁਕਾਬਲੇ ਵਿੱਚ ਇੱਕ ਜਵਾਨ ਜ਼ਖਮੀ ਹੋ ਗਿਆ ਅਤੇ ਇੱਕ ਜਵਾਨ ਸ਼ਿਵ ਕੁਮਾਰ ਮੀਨਾ ਗੋਲੀ ਲੱਗਣ ਕਾਰਨ ਸ਼ਹੀਦ ਹੋ ਗਿਆ ਸੀ।
ਇਹ ਵੀ ਪੜ੍ਹੋ:ਵਿਕਾਸ ਦੁਬੇ ਪੁਲਿਸ ਮੁਕਾਬਲੇ ‘ਚ ਕਲੀਨ ਚਿੱਟ-ਜਾਂਚ ਕਮੇਟੀ ਨੇ ਰਿਪੋਰਟ ਸੌਂਪੀ
