ਚੰਡੀਗੜ੍ਹ: ਸ਼ਨੀਵਾਰ ਨੂੰ ਚੰਡੀਗੜ੍ਹ ਦੇ ਸੈਕਟਰ -32 'ਚ ਇੱਕ ਭਿਆਨਕ ਹਾਦਸਾ ਵਾਪਰਿਆ। ਸੈਕਟਰ -32 ਦੇ ਇੱਕ ਪੀਜੀ ਨੂੰ ਅੱਗ ਲੱਗਣ ਕਾਰਨ ਤਿੰਨ ਕੁੜੀਆਂ ਦੀ ਜ਼ਿੰਦਾ ਸੜ ਜਾਣ ਕਾਰਨ ਮੌਤ ਹੋ ਗਈ। ਇਸ ਘਟਨਾ ਨੇ ਪੂਰੇ ਚੰਡੀਗੜ੍ਹ ਸ਼ਹਿਰ ਨੂੰ ਹਿਲਾ ਕੇ ਰੱਖ ਦਿੱਤਾ ਹੈ। ਇਸ ਹਾਦਸੇ 'ਚ ਦੋ ਕੁੜੀਆਂ ਝੁਲਸ ਗਈਆਂ ਹਨ।
ਬਚਾਅ ਕਰਨ ਆਈ ਸਹੇਲੀ ਨੇ ਗੁਆਈ ਜਾਨ
ਇਸ ਹਾਦਸੇ 'ਚ ਬੱਚੀ ਜੈਸਮੀਨ ਨੇ ਦੱਸਿਆ ਕਿ ਅੱਗ ਲੱਗਣ ਸਮੇਂ ਉਹ ਸੌਂ ਰਹੀ ਸੀ, ਇਸ ਲਈ ਉਸ ਨੂੰ ਨਹੀਂ ਪਤਾ ਕਿ ਅਚਾਨਕ ਅੱਗ ਕਿਵੇਂ ਲੱਗੀ। ਇਸ ਸਮੇਂ ਦੌਰਾਨ ਜੈਸਮੀਨ ਦੀ ਦੋਸਤ ਪਕਸ਼ੀ ਉਸ ਨੂੰ ਬਚਾਉਣ ਲਈ ਉਸਦੇ ਕਮਰੇ 'ਚ ਆਈ, ਪਰ ਉਸ ਸਮੇਂ ਤੱਕ ਅੱਗ ਬਹੁਤ ਜ਼ਿਆਦਾ ਵਧ ਗਈ ਸੀ।ਜੈਸਮਿਨ ਨੇ ਦੱਸਿਆ ਕਿ ਮੈਂ ਤੁਰੰਤ ਪੀਜੀ ਤੋਂ ਛਾਲ ਮਾਰ ਦਿੱਤੀ, ਪਰ ਪਾਕਸ਼ੀ ਅੱਗ 'ਚ ਘਿਰ ਗਈ ਤੇ ਬਾਹਰ ਨਹੀਂ ਨਿਕਲ ਸਕੀ। ਉਸ ਸਮੇਂ ਉਸ ਦਾ ਮੌਜੂਦਾ ਇੱਕ ਦੋਸਤ ਉਸ ਨੂੰ ਬਚਾਉਣ ਲਈ ਪੀਜੀ ਕੋਲ ਪਹੁੰਚਿਆ, ਪਰ ਪਕਸ਼ੀ ਨੂੰ ਬਚਾਇਆ ਨਹੀਂ ਜਾ ਸਕਿਆ। ਜੈਸਮੀਨ ਨੇ ਕਿਹਾ ਕਿ ਪਾਕਸ਼ੀ ਨੇ ਉਸ ਦੀ ਜਾਨ ਬਚਾਉਣ ਲਈ ਆਪਣੀ ਜਾਨ ਗੁਆ ਦਿੱਤੀ।
ਕੈਨੇਡਾ ਜਾਣਾ ਚਾਹੁੰਦੀ ਸੀ ਪਾਕਸ਼ੀ
ਪਕਸ਼ੀ ਦੇ ਪਰਿਵਾਰ ਨੇ ਦੱਸਿਆ ਕਿ ਸ਼ਾਮ ਨੂੰ ਕਰੀਬ 4 ਵਜੇ ਉਨ੍ਹਾਂ ਨੂੰ ਫੋਨ ਆਇਆ ਕਿ ਪਾਕਸ਼ੀ ਦੇ ਪੀਜੀ ਨੂੰ ਅੱਗ ਲੱਗ ਗਈ ਹੈ। ਇਸ 'ਚ ਉਹ ਝੁਲਸ ਗਈ ਅਤੇ ਜਦੋਂ ਉਹ ਇਥੇ ਪਹੁੰਚੀ ਤਾਂ ਪਾਕਸ਼ੀ ਦੀ ਮੌਤ ਦੀ ਖ਼ਬਰ ਆ ਗਈ। ਉਨ੍ਹਾਂ ਨੇ ਦੱਸਿਆ ਕਿ ਪਾਕਸ਼ੀ ਨੇ ਚੰਡੀਗੜ੍ਹ ਸੈਕਟਰ -32 ਵਿੱਚ ਐਸਡੀ ਕਾਲਜ ਵਿੱਚ ਪੜ੍ਹਾਈ ਕੀਤੀ ਸੀ ਅਤੇ ਕੈਨੇਡਾ ਜਾਣਾ ਚਾਹੁੰਦੀ ਸੀ।
ਤਿੰਨ ਕੁੜੀਆਂ ਦੀ ਹੋਈ ਮੌਤ
ਚੰਡੀਗੜ੍ਹ ਦੇ ਪੀਜੀ 'ਚ ਅੱਗ ਦੀ ਇਸ ਘਟਨਾ ਵਿੱਚ ਪਾਕਸ਼ੀ ਸਣੇ ਤਿੰਨ ਕੁੜੀਆਂ ਦੀ ਮੌਤ ਹੋ ਗਈ। ਪਾਕਸ਼ੀ ਤੋਂ ਇਲਾਵਾ ਜਿਨ੍ਹਾਂ ਦੋ ਕੁੜੀਆਂ ਦੀ ਅੱਗ ਲੱਗਣ ਨਾਲ ਮੌਤ ਹੋਈ ਹੈ। ਉਨ੍ਹਾਂ ਵਿੱਚ ਇੱਕ ਕੋਟਕਪੁਰਾ (ਪੰਜਾਬ) ਦੀ ਰਹਿਣ ਵਾਲੀ ਰਿਆ ਹੈ ਤੇ ਦੂਜੀ ਮ੍ਰਿਤਕਾ ਦੀ ਪਛਾਣ ਮੁਸਕਾਨ ਹਿਸਾਰ ( ਹਰਿਆਣਾ) ਦੀ ਵਸਨੀਕ ਵਜੋਂ ਹੋਈ ਹੈ।
ਪੀਜੀ ਮਾਲਿਕ ਉੱਤੇ ਮਾਮਲਾ ਦਰਜ
ਫਿਲਹਾਲ, ਪੀਜੀ ਅੰਦਰ ਅੱਗਜ਼ਨੀ ਦੀ ਘਟਨਾ ਦੇ ਮਾਮਲੇ ਵਿੱਚ ਚੰਡੀਗੜ੍ਹ ਪੁਲਿਸ ਨੇ ਪੀਜੀ ਦੇ ਮਾਲਿਕ ਨਿਤੇਸ਼ ਬਾਂਸਲ ਦੇ ਵਿਰੁੱਧ ਗੈਰ -ਇਰਾਦਤਨ ਕਤਲ ਦਾ ਮਾਮਲਾ ਦਰਜ ਕਰ ਲਿਆ ਹੈ। ਇਸ ਮਾਮਲੇ ਦੀ ਗੰਭੀਰਤਾ ਨੂੰ ਵੇਖਦੇ ਹੋਏ ਜਾਂਚ ਸ਼ੁਰੂ ਕਰ ਦਿੱਤੀ ਹੈ।
