ਚੰਡੀਗੜ੍ਹ: ਯਮੁਨਾਨਗਰ ਦੇ ਨੌਜਵਾਨ ਨੇ ਜੈਗੂਆਰ ਕਾਰ ਨਾ ਮਿਲਣ ਕਰਕੇ ਆਪਣੀ 60 ਲੱਖ ਦੀ BMW ਕਾਰ ਯਮੁਨਾ ਨਹਿਰ ਵਿੱਚ ਸੁੱਟ ਦਿੱਤੀ। ਨੌਜਵਾਨ ਆਪਣੇ ਪਿਤਾ ਕੋਲੋਂ ਜੈਗੂਆਰ ਕਾਰ ਲੈਣ ਦੀ ਜ਼ਿੱਦ ਕਰ ਰਿਹਾ ਸੀ।
ਯਮੁਨਾਨਗਰ ਦੇ ਨੌਜਵਾਨ ਆਪਣੇ ਪਿਤਾ ਅੱਗੇ ਜੈਗੂਆਰ ਕਾਰ ਲੈਣ ਦੀ ਲਈ ਜ਼ਿੱਦ ਕਰ ਰਿਹਾ ਸੀ ਤਾਂ ਪਿਤਾ ਨੇ ਉਸਨੂੰ BMW ਕਾਰ ਲਿਆ ਦਿੱਤੀ। ਪੁੱਤਰ ਨੂੰ BMW ਕਾਰ ਪਸੰਦ ਨਹੀ ਆਈ, ਤਾਂ ਉਸ ਨੇ BMW ਕਾਰ ਨਹਿਰ ਵਿੱਚ ਸੁੱਟ ਦਿੱਤੀ।
ਇਹ ਕਾਰ ਪਾਣੀ 'ਚ ਵਹਿ ਜਾਣ ਕਾਰਨ ਯਮੁਨਾਨਗਰ ਦੇ ਦਾਦੂਪੁਰ ਹੈਡ ਵਿੱਚ ਫ਼ਸ ਗਈ। ਸੂਚਨਾ ਮਿਲਣ 'ਤੇ ਪੁਲਿਸ ਉਥੇ ਪਹੁੰਚੀ। ਐਸਡੀਆਰਪੀਐਫ ਦੇ ਗੋਤਾਖੋਰਾਂ ਨੇ ਕਰੀਬ 4 ਘੰਟਿਆਂ ਦੀ ਬਾਅਦ ਕਾਰ ਨੂੰ ਨਹਿਰ 'ਚੋਂ ਬਾਹਰ ਕੱਢਿਆ। ਕਾਰ ਨੂੰ ਜਦੋ ਬਾਹਰ ਕੱਢਿਆ ਤਾਂ ਕਾਰ ਦਾ ਬਹੁਤ ਨਕਸਾਨ ਹੋਂ ਚੁੱਕਾ ਸੀ।
ਇਹ ਵੀ ਪੜੋ: ਕੈਪਟਨ ਅਮਰਿੰਦਰ ਸਿੰਘ ਨੇ ਸੂਬੇ ਦੇ ਨੌਜਵਾਨਾਂ ਲਈ ਕੀਤਾ ਵੱਡਾ ਐਲਾਨ
ਮੌਕੇ 'ਤੇ ਮੌਜੂਦ ਚਸ਼ਮਦੀਦ ਨੇ ਦੱਸਿਆ ਕਿ ਨੌਜਵਾਨ ਨੇ ਆਪ ਧੱਕਾ ਦੇ ਕੇ ਕਾਰ ਨਹਿਰ ਵਿੱਚ ਰੋੜ੍ਹ ਦਿੱਤੀ ਸੀ। ਉਥੇ ਹੀ ਪੁਲਿਸ ਅਧਿਕਾਰੀ ਨੇ ਇਸ ਮਾਮਲੇ ਬਾਰੇ ਕੋਈ ਜਾਣਕਾਰੀ ਨਹੀ ਦਿੱਤੀ। ਕਾਰ ਡਰਾਈਵਰ ਨੂੰ ਹਿਰਾਸਤ ਵਿੱਚ ਲੈ ਕੇ ਪੁੱਛਗਿੱਛ ਕੀਤੀ ਜਾ ਰਹੀ ਹੈ।
