Share Market update : ਸੈਂਸੈਕਸ 'ਚ ਚੋਟੀ ਦੀਆਂ 10 ਕੰਪਨੀਆਂ ਦਾ ਬਾਜ਼ਾਰ ਪੂੰਜੀਕਰਣ ਘਟ ਕੇ ਹੋਇਆ 62,586 ਕਰੋੜ ਰੁਪਏ

ਸੈਂਸੈਕਸ ਵਿੱਚ ਚੋਟੀ ਦੀਆਂ 10 ਕੰਪਨੀਆਂ 'ਚੋਂ ਪੰਜ ਕੰਪਨੀਆਂ ਦਾ ਬਾਜ਼ਾਰ ਪੂੰਜੀਕਰਣ 62,586 ਕਰੋੜ ਰੁਪਏ ਘਟਿਆ ਹੈ। ਸੈਂਸੈਕਸ ਦੀਆਂ ਚੋਟੀ ਦੀਆਂ 10 ਕੰਪਨੀਆਂ ਦੀ ਸੂਚੀ 'ਚ ਰਿਲਾਇੰਸ ਇੰਡਸਟਰੀਜ਼ ਪਹਿਲੇ ਸਥਾਨ 'ਤੇ ਰਹੀ। (Share Market update)

ਨਵੀਂ ਦਿੱਲੀ: ਸੈਂਸੈਕਸ ਦੀਆਂ ਚੋਟੀ ਦੀਆਂ 10 ਕੰਪਨੀਆਂ 'ਚੋਂ 5 ਦਾ ਬਾਜ਼ਾਰ ਪੂੰਜੀਕਰਣ (MARKET CAP) ਪਿਛਲੇ ਹਫਤੇ 62,586.88 ਕਰੋੜ ਰੁਪਏ ਘੱਟ ਗਿਆ। ਸਭ ਤੋਂ ਜ਼ਿਆਦਾ ਨੁਕਸਾਨ ਸੂਚਨਾ ਤਕਨਾਲੋਜੀ ਖੇਤਰ ਦੀਆਂ ਕੰਪਨੀਆਂ ਟਾਟਾ ਕੰਸਲਟੈਂਸੀ ਸਰਵਿਸਿਜ਼ (ਟੀ.ਸੀ.ਐੱਸ.) ਅਤੇ ਇਨਫੋਸਿਸ ਨੂੰ ਹੋਇਆ। ਪਿਛਲੇ ਹਫਤੇ ਬੀ.ਐੱਸ.ਈ.ਦਾ 30 ਸ਼ੇਅਰਾਂ ਵਾਲਾ ਸੈਂਸੈਕਸ 180.74 ਅੰਕ ਜਾਂ 0.27 ਫੀਸਦੀ ਡਿੱਗਿਆ। ਜਦੋਂ ਕਿ ਨੈਸ਼ਨਲ ਸਟਾਕ ਐਕਸਚੇਂਜ ਦਾ ਨਿਫਟੀ 35.95 ਅੰਕ ਜਾਂ 0.18 ਫੀਸਦੀ ਡਿੱਗਿਆ।

ਰਿਲਾਇੰਸ ਇੰਡਸਟਰੀਜ਼ ਦਾ ਬਾਜ਼ਾਰ ਪੂੰਜੀਕਰਣ : ਸਮੀਖਿਆ ਅਧੀਨ ਹਫਤੇ 'ਚ ਟੀਸੀਐਸ ਦਾ ਬਾਜ਼ਾਰ ਪੂੰਜੀਕਰਣ 26,308.58 ਕਰੋੜ ਰੁਪਏ ਘਟ ਕੇ 12,91,919.56 ਕਰੋੜ ਰੁਪਏ ਰਹਿ ਗਿਆ। ਇੰਫੋਸਿਸ ਦਾ ਬਾਜ਼ਾਰ ਮੁੱਲ 25,296.43 ਕਰੋੜ ਰੁਪਏ ਘਟ ਕੇ 5,95,597.10 ਕਰੋੜ ਰੁਪਏ ਰਹਿ ਗਿਆ। ਰਿਲਾਇੰਸ ਇੰਡਸਟਰੀਜ਼ ਦਾ ਬਾਜ਼ਾਰ ਪੂੰਜੀਕਰਣ 5,108.05 ਕਰੋੜ ਰੁਪਏ ਘਟ ਕੇ 15,87,553.37 ਕਰੋੜ ਰੁਪਏ ਰਹਿ ਗਿਆ। ਜਦੋਂ ਕਿ ਹਿੰਦੁਸਤਾਨ ਯੂਨੀਲੀਵਰ ਦਾ ਬਾਜ਼ਾਰ ਮੁਲਾਂਕਣ 3,865.08 ਕਰੋੜ ਰੁਪਏ ਘਟ ਕੇ 5,79,373.96 ਕਰੋੜ ਰੁਪਏ ਰਹਿ ਗਿਆ। ਐਚਡੀਐਫਸੀ ਬੈਂਕ ਦੇ ਬਾਜ਼ਾਰ ਪੂੰਜੀਕਰਣ ਵਿੱਚ 2,008.74 ਕਰੋੜ ਰੁਪਏ ਦਾ ਘਾਟਾ ਹੋਇਆ ਅਤੇ ਇਹ ਘਟ ਕੇ 11,57,145.86 ਕਰੋੜ ਰੁਪਏ ਰਹਿ ਗਿਆ।

ਇਸ ਰੁਝਾਨ ਦੇ ਉਲਟ ਬਜਾਜ ਫਾਈਨਾਂਸ ਦਾ ਬਾਜ਼ਾਰ ਮੁੱਲ 20,413.41 ਕਰੋੜ ਰੁਪਏ ਵਧ ਕੇ 4,73,186.41 ਕਰੋੜ ਰੁਪਏ ਹੋ ਗਿਆ। ਭਾਰਤੀ ਏਅਰਟੈੱਲ ਦਾ ਬਾਜ਼ਾਰ ਪੂੰਜੀਕਰਣ 8,520.13 ਕਰੋੜ ਰੁਪਏ ਵਧ ਕੇ 5,19,279.14 ਕਰੋੜ ਰੁਪਏ 'ਤੇ ਪਹੁੰਚ ਗਿਆ। ITC ਦਾ ਬਾਜ਼ਾਰ ਪੂੰਜੀਕਰਣ 1,526.52 ਕਰੋੜ ਰੁਪਏ ਦੇ ਵਾਧੇ ਨਾਲ 5,54,207.44 ਕਰੋੜ ਰੁਪਏ ਰਿਹਾ।

ਭਾਰਤੀ ਸਟੇਟ ਬੈਂਕ (SBI) ਦਾ ਬਾਜ਼ਾਰ ਪੂੰਜੀਕਰਣ: ICICI ਬੈਂਕ ਦਾ ਬਾਜ਼ਾਰ ਪੂੰਜੀਕਰਣ 1,296.63 ਕਰੋੜ ਰੁਪਏ ਵਧ ਕੇ 6,66,728.97 ਕਰੋੜ ਰੁਪਏ ਤੱਕ ਪਹੁੰਚ ਗਿਆ। ਭਾਰਤੀ ਸਟੇਟ ਬੈਂਕ (SBI) ਦਾ ਬਾਜ਼ਾਰ ਪੂੰਜੀਕਰਣ 535.48 ਕਰੋੜ ਰੁਪਏ ਵਧ ਕੇ 5,34,316.52 ਕਰੋੜ ਰੁਪਏ ਹੋ ਗਿਆ। ਚੋਟੀ ਦੀਆਂ 10 ਕੰਪਨੀਆਂ ਦੀ ਸੂਚੀ 'ਚ ਰਿਲਾਇੰਸ ਇੰਡਸਟਰੀਜ਼ ਪਹਿਲੇ ਸਥਾਨ 'ਤੇ ਰਹੀ। ਇਸ ਤੋਂ ਬਾਅਦ ਕ੍ਰਮਵਾਰ ਟੀਸੀਐਸ, ਐਚਡੀਐਫਸੀ ਬੈਂਕ, ਆਈਸੀਆਈਸੀਆਈ ਬੈਂਕ, ਇਨਫੋਸਿਸ, ਹਿੰਦੁਸਤਾਨ ਯੂਨੀਲੀਵਰ, ਆਈਟੀਸੀ, ਐਸਬੀਆਈ, ਭਾਰਤੀ ਏਅਰਟੈੱਲ ਅਤੇ ਬਜਾਜ ਫਾਈਨਾਂਸ ਨੂੰ ਰੈਂਕਿੰਗ ਦਿੱਤੀ ਗਈ।