STOCK MARKET: ਇਹਨਾਂ ਫੈਕਟੀਆਂ ਤੋਂ ਤਹਿ ਹੋਵੇਗੀ ਸ਼ੇਅਰ ਮਾਰਕੀਟ ਦੀ ਗਤੀ, 11 ਦਿਨ ਵਿੱਚ FPI ਨੇ ₹3,272 ਕਰੋੜ ਦਾ ਕੀਤਾ ਨਿਵੇਸ਼

ਅਗਲੇ ਹਫ਼ਤੇ ਸ਼ੇਅਰ ਮਾਰਕੀਟ ਕਿਵੇਂ ਰਹੇਗਾ ? ਇਹ ਬਹੁਤ ਸਾਰੇ ਤੱਥਾਂ 'ਤੇ ਨਿਰਭਰ ਕਰੇਗਾ। ਜਿਸ ਵਿੱਚ ਥੋਕ ਅਤੇ ਪ੍ਰਚੂਨ ਮਹਿੰਗਾਈ ਦੇ ਅੰਕੜਿਆਂ ਸਮੇਤ ਹਿੰਦੁਸਤਾਨ ਕਾਪਰ ਤੇ ਆਈਟੀਸੀ ਦੇ ਤਿਮਾਹੀ ਨਤੀਜੇ ਸ਼ਾਮਲ ਹਨ। ਜਾਣੋ ਕੀ ਇਸ ਮਾਮਲੇ 'ਤੇ ਮਾਹਿਰਾਂ ਦੀ ਕੀ ਹੈ ਰਾਏ...

ਨਵੀਂ ਦਿੱਲੀ: ਸੋਮਵਾਰ ਤੋਂ ਸ਼ੁਰੂ ਹੋਣ ਵਾਲਾ ਸ਼ੇਅਰ ਬਾਜ਼ਾਰ ਪੂਰਾ ਹਫ਼ਤਾ ਕਿਵੇਂ ਰਹੇਗਾ, ਇਸ 'ਤੇ ਮਾਹਿਰਾਂ ਨੇ ਆਪਣੀ ਰਾਏ ਸਾਂਝੀ ਕੀਤੀ ਹੈ। ਇਸ ਪੂਰੇ ਮਹੀਨੇ 'ਚ ਸਿਰਫ ਇਕ ਦਿਨ ਸ਼ੇਅਰ ਬਾਜ਼ਾਰ 'ਚ ਕੋਈ ਵਪਾਰ ਨਹੀਂ ਹੋਵੇਗਾ। ਸੁਤੰਤਰਤਾ ਦਿਵਸ ਦੇ ਮੌਕੇ 'ਤੇ ਮੰਗਲਵਾਰ ਨੂੰ ਸ਼ੇਅਰ ਬਾਜ਼ਾਰ ਬੰਦ ਰਹੇਗਾ। ਇਸ ਦੇ ਨਾਲ ਹੀ ਹਫਤੇ ਦੇ ਬਾਕੀ ਸਮੇਂ ਲਈ ਸਟਾਕ ਮਾਰਕੀਟ ਮਹਿੰਗਾਈ ਦੇ ਅੰਕੜਿਆਂ, ਗਲੋਬਲ ਰੁਝਾਨਾਂ ਅਤੇ ਵਿਦੇਸ਼ੀ ਫੰਡਾਂ ਨਾਲ ਪ੍ਰਭਾਵਿਤ ਹੋਵੇਗਾ।

ਜੁਲਾਈ ਲਈ ਥੋਕ ਅਤੇ ਪ੍ਰਚੂਨ ਮਹਿੰਗਾਈ ਦੇ ਅੰਕੜੇ ਸੋਮਵਾਰ ਨੂੰ ਜਾਰੀ ਕੀਤੇ ਜਾਣਗੇ। ਮਾਸਟਰ ਕੈਪੀਟਲ ਸਰਵਿਸਿਜ਼ ਲਿਮਟਿਡ ਦੇ ਸੀਨੀਅਰ ਵਾਈਸ ਪ੍ਰੈਜ਼ੀਡੈਂਟ ਅਰਵਿੰਦਰ ਸਿੰਘ ਨੰਦਾ ਨੇ ਕਿਹਾ ਕਿ ਆਉਣ ਵਾਲੇ ਦਿਨਾਂ 'ਚ ਭਾਰਤ ਦੇ ਥੋਕ ਮੁੱਲ ਇੰਟੇਕ (ਡਬਲਿਊਪੀਆਈ) ਅਤੇ ਕੰਜ਼ਿਊਮਰ ਪ੍ਰਾਈਸ ਇੰਡੈਕਸ (ਸੀਪੀਆਈ) ਮਹਿੰਗਾਈ ਡੇਟਾ, ਨਿਰਯਾਤ ਅਤੇ ਆਯਾਤ ਡੇਟਾ 'ਤੇ ਨਜ਼ਰ ਰੱਖੀ ਜਾਵੇਗੀ। ਅਸੀਂ ਉਮੀਦ ਕਰਦੇ ਹਾਂ ਕਿ ਭਾਰਤੀ ਬਾਜ਼ਾਰ ਸੀਮਾਬੱਧ ਰਹੇਗਾ। ਹਿੰਦੁਸਤਾਨ ਕਾਪਰ ਅਤੇ ਆਈਟੀਸੀ ਇਸ ਹਫ਼ਤੇ ਆਪਣੇ ਤਿਮਾਹੀ ਨਤੀਜਿਆਂ ਦਾ ਐਲਾਨ ਕਰਨਗੇ। ਡਾਲਰ ਦੇ ਮੁਕਾਬਲੇ ਰੁਪਏ ਦੀ ਮੂਵਮੈਂਟ ਅਤੇ ਗਲੋਬਲ ਆਇਲ ਸਟੈਂਡਰਡ ਬ੍ਰੈਂਟ ਕਰੂਡ ਦੀ ਮੂਵਮੈਂਟ ਦਾ ਵੀ ਸ਼ੇਅਰ ਬਾਜ਼ਾਰਾਂ 'ਚ ਕਾਰੋਬਾਰ ਪ੍ਰਭਾਵਿਤ ਹੋਵੇਗਾ।

ਆਉਣ ਵਾਲੇ ਦਿਨਾਂ ਵਿੱਚ ਮਾਰਕੀਟ ਦੇ ਰੁਝਾਨ ਨੂੰ ਤੈਅ ਕਰਨ ਵਿੱਚ ਮੈਕਰੋ-ਆਰਥਿਕ ਸੰਕੇਤ, ਰੁਪਏ ਦੀ ਗਤੀ ਅਤੇ FII ਦੀਆਂ ਗਤੀਵਿਧੀਆਂ ਮਹੱਤਵਪੂਰਨ ਹੋਣਗੀਆਂ। ਘਰੇਲੂ ਪੱਧਰ 'ਤੇ ਮਹਿੰਗਾਈ ਦੇ ਅੰਕੜੇ ਮਹੱਤਵਪੂਰਨ ਹਨ। ਵਿਸ਼ਵ ਪੱਧਰ 'ਤੇ ਜਾਪਾਨ ਦੇ ਮਹਿੰਗਾਈ ਅੰਕੜਿਆਂ, ਚੀਨ ਦੇ ਆਈਆਈਪੀ ਡੇਟਾ ਅਤੇ ਅਮਰੀਕਾ ਦੀ ਪ੍ਰਚੂਨ ਵਿਕਰੀ ਦਾ ਧਿਆਨ ਰੱਖਿਆ ਜਾਵੇਗਾ। - ਸੰਤੋਸ਼ ਮੀਨਾ, ਸਵਾਸਤਿਕਾ ਇਨਵੈਸਟਮਾਰਟ ਲਿਮਟਿਡ ਦੇ ਖੋਜ ਮੁਖੀ

ਗਲੋਬਲ ਅਨਿਸ਼ਚਿਤਤਾ ਦੇ ਵਿਚਕਾਰ ਸ਼ੇਅਰ ਬਾਜ਼ਾਰਾਂ ਵਿੱਚ FPI ਨੇ ਕੀਤਾ ਨਿਵੇਸ਼:- ਵਿਦੇਸ਼ੀ ਪੋਰਟਫੋਲੀਓ ਨਿਵੇਸ਼ਕਾਂ (FPIs) ਨੇ ਗਲੋਬਲ ਬਾਜ਼ਾਰਾਂ ਵਿੱਚ ਅਨਿਸ਼ਚਿਤਤਾ, ਚੀਨ ਵਿੱਚ ਆਰਥਿਕ ਚਿੰਤਾਵਾਂ ਅਤੇ ਘਰੇਲੂ ਆਰਥਿਕਤਾ ਦੀ ਸਥਿਰਤਾ ਦੇ ਵਿਚਕਾਰ ਇਸ ਮਹੀਨੇ ਹੁਣ ਤੱਕ ਭਾਰਤੀ ਸ਼ੇਅਰ ਬਾਜ਼ਾਰਾਂ ਵਿੱਚ 3,200 ਕਰੋੜ ਰੁਪਏ ਤੋਂ ਵੱਧ ਦਾ ਨਿਵੇਸ਼ ਕੀਤਾ ਹੈ। ਜੀਓਜੀਤ ਫਾਈਨੈਂਸ਼ੀਅਲ ਸਰਵਿਸਿਜ਼ ਦੇ ਮੁੱਖ ਨਿਵੇਸ਼ ਰਣਨੀਤੀਕਾਰ ਵੀ.ਕੇ. ਵਿਜੇਕੁਮਾਰ ਨੇ ਕਿਹਾ, "ਕਿਉਂਕਿ ਪਿਛਲੇ ਤਿੰਨ ਮਹੀਨਿਆਂ ਤੋਂ ਬਜ਼ਾਰ ਚੜ੍ਹਿਆ ਹੋਇਆ ਹੈ, ਇਸ ਲਈ FPI ਕੁੱਝ ਮੁਨਾਫਾ ਬੁੱਕ ਕਰ ਸਕਦੇ ਹਨ।"

ਚੀਨ 'ਚ ਮੰਗ ਘੱਟਣ ਕਾਰਨ ਗਲੋਬਲ ਆਰਥਿਕ ਹਾਲਾਤ ਚੁਣੌਤੀਪੂਰਨ ਬਣ ਰਹੇ ਹਨ। ਗਲੋਬਲ ਸਟਾਕ ਬਾਜ਼ਾਰਾਂ ਵਿੱਚ ਕਿਸੇ ਵੀ ਤਰ੍ਹਾਂ ਦੀ ਕਮਜ਼ੋਰੀ ਸਥਾਨਕ ਬਾਜ਼ਾਰਾਂ ਵਿੱਚ ਭਾਰੀ ਉਤਰਾਅ-ਚੜ੍ਹਾਅ ਦਾ ਕਾਰਨ ਬਣ ਸਕਦੀ ਹੈ ਅਤੇ ਇਸ ਕਾਰਨ FPI ਪ੍ਰਵਾਹ ਵੀ ਪ੍ਰਭਾਵਿਤ ਹੋ ਸਕਦੀ ਹੈ। - ਸ਼੍ਰੀਕਾਂਤ ਚੌਹਾਨ, ਕੋਟਕ ਸਿਕਿਓਰਿਟੀਜ਼ ਦੇ ਇਕੁਇਟੀ ਖੋਜ (ਰਿਟੇਲ) ਦੇ ਮੁਖੀ

ਸ਼ੇਅਰ ਮਾਰਕੀਟ ਦੇ ਅੰਕੜਿਆਂ ਅਨੁਸਾਰ, ਵਿਦੇਸ਼ੀ ਪੋਰਟੋਫੋਲੀਓ ਨਿਵੇਸ਼ਕਾਂ (FPIs) ਨੇ ਅਗਸਤ 1-11 ਦੌਰਾਨ ਭਾਰਤੀ ਸ਼ੇਅਰਾਂ ਵਿੱਚ ਕੁੱਲ 3,272 ਕਰੋੜ ਰੁਪਏ ਦਾ ਨਿਵੇਸ਼ ਕੀਤਾ ਹੈ। ਮੌਰਨਿੰਗਸਟਾਰ ਇੰਡੀਆ ਦੇ ਸੰਯੁਕਤ ਨਿਰਦੇਸ਼ਕ ਹਿਮਾਂਸ਼ੂ ਸ਼੍ਰੀਵਾਸਤਵ ਨੇ ਕਿਹਾ, "ਜੂਨ ਤਿਮਾਹੀ ਵਿੱਚ ਉਮੀਦ ਨਾਲੋਂ ਬਿਹਤਰ ਨਤੀਜਿਆਂ ਨੇ ਭਾਵਨਾਵਾਂ ਨੂੰ ਸਮਰਥਨ ਦਿੱਤਾ।" ਇਕੁਇਟੀ ਤੋਂ ਇਲਾਵਾ, ਐਫਪੀਆਈਜ਼ ਨੇ ਸਮੀਖਿਆ ਅਧੀਨ ਮਿਆਦ ਦੇ ਦੌਰਾਨ ਕਰਜ਼ੇ ਦੀ ਮਾਰਕੀਟ ਵਿੱਚ 2,860 ਕਰੋੜ ਰੁਪਏ ਦਾ ਨਿਵੇਸ਼ ਕੀਤਾ। (ਪੀਟੀਆਈ-ਭਾਸ਼ਾ)