ਹੈਦਰਾਬਾਦ: ਅੱਜ ਦੇ ਸ਼ੁਰੂਆਤੀ ਕਾਰੋਬਾਰ ਵਿੱਚ ਸੈਂਸੈਕਸ ਅਤੇ ਨਿਫਟੀ ਵਿੱਚ ਅਜੇ ਗਤੀ ਢੀਲੀ ਵਿਖਾਈ ਦਿੱਤੀ ਹੈ। ਆਈਟੀ ਸਟਾਕ ਸਭ (Share Market Update Today) ਤੋਂ ਵੱਧ ਹਾਰੇ ਹਨ ਅਤੇ ਨਿਫਟੀ ਆਈਟੀ ਇੰਡੈਕਸ 2 ਫ਼ੀਸਦੀ ਕਮਜ਼ੋਰ ਹੋਇਆ ਹੈ। ਬੈਂਕ, ਵਿੱਤੀ, ਐਫਐਮਸੀਜੀ ਅਤੇ ਰੀਅਲਟੀ ਸੂਚਕਾਂਕ ਵੀ ਲਾਲ ਨਿਸ਼ਾਨ ਵਿੱਚ ਦੇਖੇ ਜਾ ਰਹੇ ਹਨ।
ਆਟੋ ਅਤੇ ਮੈਟਲ ਸੂਚਕਾਂਕ ਹਰੇ ਰੰਗ 'ਚ ਹਨ। ਫਿਲਹਾਲ ਸੈਂਸੈਕਸ 356 ਅੰਕਾਂ ਦੀ ਗਿਰਾਵਟ ਨਾਲ 58418 ਦੇ ਪੱਧਰ 'ਤੇ ਕਾਰੋਬਾਰ ਕਰ ਰਿਹਾ ਹੈ। ਉਥੇ ਹੀ ਨਿਫਟੀ 93 ਅੰਕ ਟੁੱਟਣ ਤੋਂ ਬਾਅਦ 17397 ਦੇ ਪੱਧਰ 'ਤੇ ਕਾਰੋਬਾਰ ਕਰ ਰਿਹਾ ਹੈ। ਹੈਵੀਵੇਟ ਸਟਾਕ ਵਿਕ ਰਹੇ ਹਨ। ਸੈਂਸੈਕਸ 30 ਦੇ ਸ਼ੇਅਰ ਲਾਲ ਨਿਸ਼ਾਨ ਵਿੱਚ ਦੇਖੇ ਜਾ ਰਹੇ ਹਨ।
ਦੱਸ ਦਈਏ ਕਿ ਸੋਮਵਾਰ ਨੂੰ ਸ਼ੇਅਰ ਬਾਜ਼ਾਰ ਵਿੱਚ ਵੱਡੀ ਗਿਰਾਵਟ ਦਰਜ ਕੀਤੀ ਗਈ। ਬੀਐਸਈ ਦਾ ਸੈਂਸੈਕਸ 872.28 ਅੰਕਾਂ ਦੀ ਛਾਲ ਨਾਲ 58,773.87 'ਤੇ ਬੰਦ ਹੋਇਆ ਅਤੇ ਐਨਐਸਈ ਨਿਫਟੀ 267.75 ਅੰਕ ਡਿੱਗ ਕੇ 17,490.70 'ਤੇ ਬੰਦ ਹੋਇਆ।
ਦੂਜੇ ਪਾਸੇ, ਆਲਮੀ ਵਿਕਾਸ ਦੀ ਚਿੰਤਾ ਅਤੇ ਕੇਂਦਰੀ ਬੈਂਕਾਂ ਦੇ ਹਮਲਾਵਰ ਰੁਖ ਕਾਰਨ ਦੁਨੀਆ ਭਰ ਦੇ ਸ਼ੇਅਰ ਬਾਜ਼ਾਰਾਂ 'ਚ ਗਿਰਾਵਟ ਦਾ ਅਸਰ ਘਰੇਲੂ ਬਾਜ਼ਾਰ 'ਤੇ ਵੀ ਪਿਆ। ਬੀਐਸਈ ਦਾ 30 ਸ਼ੇਅਰਾਂ ਵਾਲਾ ਸੈਂਸੈਕਸ ਸ਼ੁਰੂਆਤੀ ਕਾਰੋਬਾਰ ਵਿੱਚ ਘਾਟੇ ਵਿੱਚ ਖੁੱਲ੍ਹਿਆ ਅਤੇ ਅੰਤ ਵਿੱਚ 872.28 ਅੰਕ ਜਾਂ 1.46 ਪ੍ਰਤੀਸ਼ਤ ਦੀ ਗਿਰਾਵਟ ਨਾਲ 58,773.87 ਉੱਤੇ ਬੰਦ ਹੋਇਆ ਸੀ।
ਸੋਮਵਾਰ ਨੂੰ ਨੈਸ਼ਨਲ ਸਟਾਕ ਐਕਸਚੇਂਜ ਦਾ ਨਿਫਟੀ ਵੀ 267.75 ਅੰਕ ਭਾਵ 1.51 ਫੀਸਦੀ ਦੀ ਗਿਰਾਵਟ ਨਾਲ 17,490.70 'ਤੇ ਬੰਦ ਹੋਇਆ। ਆਈਟੀਸੀ ਅਤੇ ਨੇਸਲੇ ਇੰਡੀਆ ਨੂੰ ਛੱਡ ਕੇ ਸਾਰੇ ਸੈਂਸੈਕਸ ਸਟਾਕ ਘਾਟੇ 'ਚ ਸਨ। ਟਾਟਾ ਸਟੀਲ 'ਚ ਸਭ ਤੋਂ ਜ਼ਿਆਦਾ 4.50 ਫੀਸਦੀ ਦੀ ਗਿਰਾਵਟ ਆਈ ਹੈ। ਇਸ ਤੋਂ ਇਲਾਵਾ ਏਸ਼ੀਅਨ ਪੇਂਟਸ, ਵਿਪਰੋ, ਸਨ ਫਾਰਮਾ, ਲਾਰਸਨ ਐਂਡ ਟੂਬਰੋ, ਬਜਾਜ ਫਾਈਨਾਂਸ, ਅਲਟਰਾਟੈਕ ਸੀਮੈਂਟ ਅਤੇ ਬਜਾਜ ਫਿਨਸਰਵ ਦੇ ਸ਼ੇਅਰਾਂ 'ਚ ਵੀ ਗਿਰਾਵਟ ਦਰਜ ਕੀਤੀ ਗਈ।
ਇਹ ਵੀ ਪੜ੍ਹੋ: Rupee vs dollar ਅਮਰੀਕੀ ਡਾਲਰ ਦੇ ਮੁਕਾਬਲੇ ਰੁਪਿਆ 79.84 'ਤੇ ਸਥਿਰ
