ਵਾਸ਼ਿੰਗਟਨ: ਅਮਰੀਕੀ ਕੇਂਦਰੀ ਬੈਂਕ ਫ਼ੈਡਰਲ ਰਿਜ਼ਰਵ ਨੇ ਕੋਰੋਨਾ ਵਾਇਰਸ ਦੇ ਕਹਿਰ ਨਾਲ ਨਿਪਟਣ ਦੀ ਦਿਸ਼ਾ ਵਿੱਚ ਕਦਮ ਚੁੱਕਦੇ ਹੋਏ, ਅਚਾਨਕ ਹੀ ਵਿਆਜ਼ ਦਰ ਵਿੱਚ ਵੱਡੀ ਕਟੌਤੀ ਕੀਤੀ ਹੈ। ਫ਼ੈਡਰਲ ਰਿਜ਼ਰਵ ਨੇ ਵਿਆਜ਼ ਦਰ ਘਟਾ ਕੇ ਜ਼ੀਰੋ ਦੇ ਕਰੀਬ ਕਰ ਦਿੱਤਾ ਹੈ। ਕੋਰੋਨਾ ਵਾਇਰਸ ਦੇ ਸੰਕਟ ਅਤੇ ਮੰਦੀ ਦੇ ਖ਼ਤਰਿਆਂ ਨਾਲ ਜੂਝ ਰਹੀ ਅਮਰੀਕੀ ਅਰਥ-ਵਿਵਸਥਾ ਨੂੰ ਉਤਸ਼ਾਹਿਤ ਕਰਨ ਦੇ ਮਕਸਦ ਨਾਲ ਫ਼ੈਡ ਨੇ ਇਹ ਕਦਮ ਚੁੱਕਿਆ ਹੈ।
ਫ਼ੈਡ ਨੇ ਬੈਂਚਮਾਰਕ ਵਿਆਜ਼ ਦਰ ਜੋ ਇੱਕ ਫ਼ੀਸਦੀ ਤੋਂ 1.25 ਫ਼ੀਸਦੀ ਸੀ, ਉਸ ਨੂੰ ਘਟਾ ਕੇ ਜ਼ੀਰੋ ਤੋਂ 0.25 ਫ਼ੀਸਦੀ ਕਰ ਦਿੱਤਾ ਹੈ।
ਅਮਰੀਕੀ ਕੇਂਦਰੀ ਬੈਂਕ ਨੇ ਵਿਆਜ਼ ਦਰ ਵਿੱਚ ਇੱਕ ਫ਼ੀਸਦੀ ਦੀ ਕਟੌਤੀ ਕੀਤੀ ਹੈ। ਇਸ ਤੋਂ ਪਹਿਲਾਂ 3 ਮਾਰਚ ਨੂੰ ਫ਼ੈਡ ਨੇ ਵਿਆਜ਼ ਦਰ ਵਿੱਚ 0.25 ਫ਼ੀਸਦੀ ਦੀ ਕਟੌਤੀ ਕੀਤੀ ਸੀ।
ਫ਼ੈਡਰਲ ਰਿਜ਼ਰਵ ਦੇ ਚੇਅਰਮੈਨ ਜੋਰਾਮ ਪਾਵੇਲ ਨੇ ਐਤਵਾਰ ਦੀ ਸ਼ਾਮ ਨੂੰ ਕਿਹਾ ਕਿ ਵਿਆਜ਼ ਦਰ ਵਿੱਚ ਕੌਟਤੀ ਤੇ ਹੋਰ ਕਦਮ ਚੁੱਕੇ ਹਨ, ਉਸ ਦੇ ਲਈ ਉਨ੍ਹਾਂ ਦਾ ਮਕਸਦ ਅਮਰੀਕੀ ਅਰਥ-ਵਿਵਸਥਾ ਨੂੰ ਇਸ ਔਖੇ ਦੌਰ ਤੋਂ ਨਿਕਲਣ ਵਿੱਚ ਮਦਦ ਕਰਨਾ ਹੈ।
ਇਹ ਵੀ ਪੜ੍ਹੋ : ਕੋਰੋਨਾ ਕਾਰਨ ਚੀਨ ਤੋਂ ਬਾਹਰ 27 ਮਾਰਚ ਤੱਕ ਬੰਦ ਰਹਿਣਗੇ ਐੱਪਲ ਸਟੋਰ
ਫ਼ੈਡਰਲ ਵੱਲੋਂ ਜੋ ਹੋਰ ਕਦਮ ਚੁੱਕੇ ਗਏ ਹਨ, ਉਨ੍ਹਾਂ ਵਿੱਚ ਅਮਰੀਕੀ ਅਰਥ-ਵਿਵਸਥਾ ਵਿੱਚ 700 ਅਰਬ ਡਾਲਰ ਪਾਉਣਾ ਵੀ ਸ਼ਾਮਲ ਹੈ। ਫ਼ੈਡ ਨੇ 500 ਅਰਬ ਡਾਲਰ ਅਤੇ 200 ਅਰਬ ਡਾਲਰ ਮੁੱਲ ਦੇ ਸਰਕਾਰੀ ਬਾਂਡ ਖ਼ਰੀਦਣ ਦਾ ਐਲਾਨ ਵੀ ਕੀਤਾ ਹੈ।
ਤੁਹਾਨੂੰ ਦੱਸ ਦਈਏ ਕਿ ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਜੋ ਪਹਿਲਾਂ ਵਿਆਜ਼ ਦਰ ਵਿੱਚ ਕਟੌਤੀ ਨਾ ਕਰਨ ਨੂੰ ਲੈ ਕੇ ਪਾਵੇਲ ਦੀ ਆਲੋਚਨਾ ਕਰਦੇ ਸਨ ਉਨ੍ਹਾਂ ਨੇ ਹੁਣ ਫ਼ੈਡ ਦੇ ਇਸ ਕਦਮ ਤੋਂ ਬਾਅਦ ਪਾਵੇਲ ਨੂੰ ਵਧਾਈ ਦਿੱਤੀ ਹੈ। ਟਰੰਪ ਨੇ ਕਿਹਾ ਕਿ ਇਹ ਸੱਚਮੁੱਚ ਵਧੀਆ ਖ਼ਬਰ ਹੈ, ਇਹ ਸਾਡੇ ਦੇਸ਼ ਦੇ ਲਈ ਬਹੁਤ ਵੱਡਾ ਕੰਮ ਹੈ।
ਤੁਹਾਨੂੰ ਦੱਸ ਦਈਏ ਕਿ ਕੋਰੋਨਾ ਵਾਇਰਸ ਦੇ ਪ੍ਰਭਾਵ ਕਾਰਨ ਹਰ ਦੇਸ਼ ਦੀ ਅਰਥ-ਵਿਵਸਥਾ ਡਾਂਵਾਡੋਲ ਹੋ ਗਈ ਹੈ।
