ਨਵੀਂ ਦਿੱਲੀ : ਖਾਣੇ ਦੀ ਆਨਲਾਇਨ ਡਲਿਵਰੀ ਕਰਨ ਵਾਲੀ ਸਵਿਗੀ ਨੇ ਕਿਰਾਨਾ ਅਤੇ ਜ਼ਰੂਰੀ ਵਸਤੂਆਂ ਦੀ ਘਰ-ਘਰ ਪੂਰਤੀ ਦੀ ਸੇਵਾ ਨੂੰ 125 ਤੋਂ ਜ਼ਿਆਦਾ ਸ਼ਹਿਰਾਂ ਤੱਕ ਵਧਾ ਦਿੱਤਾ ਹੈ। ਕੰਪਨੀ ਨੇ ਸੋਮਵਾਰ ਨੂੰ ਕਿਹਾ ਕਿ ਇਸ ਤੋਂ ਇਲਾਵਾ ਉਸ ਨੇ ਕਈ ਰਾਸ਼ਟਰੀ ਬ੍ਰਾਂਡ ਅਤੇ ਖ਼ੁਦਰਾ ਕੰਪਨੀਆਂ ਦੇ ਨਾਲ ਸਾਂਝਦਾਰੀ ਵੀ ਕੀਤੀ ਹੈ।
ਕੰਪਨੀ ਨੇ ਇੱਕ ਬਿਆਨ ਵਿੱਚ ਕਿਹਾ ਕਿ ਉਸ ਨੇ ਹਿੰਦੋਸਤਾਨ ਯੂਨੀਲੀਵਰ, ਪ੍ਰਾਕਟਰ ਐਂਡ ਗੈਂਬਲਜ਼, ਗੋਦਰੇਸ, ਡਾਬਰ, ਮੈਰਿਕੋ, ਵਿਸ਼ਾਲ ਮੈਗਾ ਮਾਰਟ, ਸਿਪਲਾ ਵਰਗੇ ਬ੍ਰਾਂਡ ਦੇ ਨਾਲ ਸਾਂਝਦਾਰੀ ਕੀਤੀ ਹੈ। ਇਸ ਤੋਂ ਇਲਾਵਾ ਉਸ ਨੇ ਕਈ ਸ਼ਹਿਰਾਂ ਵਿੱਚ ਇੱਥੋਂ ਦੇ ਵਿਸ਼ੇਸ਼ ਸਟੋਰਾਂ ਦੇ ਨਾਲ ਵੀ ਗੱਠਜੋੜ ਕੀਤਾ ਹੈ। ਤਾਂਕਿ ਗਾਹਕਾਂ ਨੂੰ ਘਰਾਂ ਤੱਕ ਜ਼ਰੂਰੀ ਵਸਤੂਆਂ ਦੀ ਪੂਰਤੀ ਹੋ ਸਕੇ।
ਸਵਿਗੀ ਦੇ ਮੁੱਖ ਕਾਰਜ਼ਕਾਰੀ ਅਧਿਕਾਰੀ ਵਿਵੇਕ ਸੁੰਦਰ ਨੇ ਕਿਹਾ ਕਿ ਕਿਰਾਨਾ ਅਤੇ ਜ਼ਰੂਰੀ ਵਸਤੂਆਂ ਦੀ ਪੂਰਤੀ ਸਾਡੀ ਦੀਰਘ ਕਾਲ ਰਣਨੀਤੀ ਦਾ ਪਹਿਲੇ ਤੋਂ ਹਿੱਸਾ ਸੀ। ਆਪਣੇ ਗਾਹਕਾਂ ਦੀ ਸੁਵਿਧਾ ਦੇ ਲਈ ਅਸੀਂ ਇਸ ਨੂੰ ਥੋੜਾ ਲਾਗੂ ਕੀਤਾ ਹੈ। ਉਨ੍ਹਾਂ ਨੇ ਕਿਹਾ ਕਿ ਗਲੀ-ਮੁਹੱਲਿਆ ਤੱਕ ਜ਼ਰੂਰੀ ਵਸਤੂਆਂ ਦੀ ਪੂਰਤੀ ਨਾਲ ਕੰਪਨੀ ਦੇ ਗਾਹਕਾਂ ਸੌਖਾ ਹੋਵੇਗਾ। ਨਾਲ ਹੀ ਕੋਰੋਨਾ ਵਾਇਰਸ ਸੰਕਟ ਵਰਗੇ ਚੁਣੌਤੀਪੂਰਨ ਸਮੇਂ ਵਿੱਚ ਇਸ ਦੇ ਡਲਿਵਰੀ ਕਰਨ ਵਾਲੇ ਸਹਿਯੋਗੀਆਂ ਦੀ ਜ਼ਿਆਦਾਤਰ ਆਮਦਨ ਵੀ ਹੋਵੇਗੀ।
ਸੁੰਦਰ ਨੇ ਕਿਹਾ ਕਿ ਉਹ ਇਸੇ ਤਰ੍ਹਾਂ ਉੱਤੇ ਕੰਮ ਕਰਨਾ ਜਾਰੀ ਰੱਖਣਗੇ। ਕੰਪਨੀ ਦਾ ਟੀਚਾ ਲੌਕਡਾਊਨ (ਜਨਤਕ ਪਾਬੰਦੀ) ਦੀ ਸਥਿਤੀ ਦੇ ਦੌਰਾਨ ਲੋਕਾਂ ਨੂੰ ਘਰਾਂ ਵਿੱਚ ਰਹਿਣ ਦੇ ਲਈ ਉਤਸ਼ਾਹਿਤ ਕਰਨਾ ਅਤੇ ਉਨ੍ਹਾਂ ਤੱਕ ਜ਼ਰੂਰੀ ਵਸਤੂਆਂ ਦੀ ਪੂਰਤੀ ਕਰਨਾ ਹੈ।
(ਪੀਟੀਆਈ)
