ਨਵੀਂ ਦਿੱਲੀ: ਕਰਮਚਾਰੀ ਭਵਿੱਖ ਨਿਧੀ ਸੰਗਠਨ (ਈਪੀਐਫਓ) ਨੇ ਆਪਣੇ ਹਿੱਸੇਦਾਰਾਂ ਦੀਆਂ ਸ਼ਿਕਾਇਤਾਂ ਦਾ ਜਲਦੀ ਹੱਲ ਕੱਢਣ ਲਈ ਵਟਸਐਪ ਹੈਲਪਲਾਈਨ ਸੇਵਾ ਦੀ ਸ਼ੁਰੂਆਤ ਕੀਤੀ ਹੈ।
ਕਿਰਤ ਮੰਤਰਾਲੇ ਨੇ ਮੰਗਲਵਾਰ ਨੂੰ ਇੱਕ ਬਿਆਨ ਵਿੱਚ ਕਿਹਾ ਕਿ ਇਹ ਸਹੂਲਤ ਈਪੀਐਫਓ ਦੀਆਂ ਸ਼ਿਕਾਇਤਾਂ ਦੇ ਹੱਲ ਲਈ ਹੋਰ ਫੋਰਮਾਂ ਤੋਂ ਇਲਾਵਾ ਹੈ। ਇਨ੍ਹਾਂ ਫੋਰਮਾਂ ਵਿੱਚ ਈਪੀਐਫਆਈਜੀਐਮਐਸ ਪੋਰਟਲ (ਈਪੀਐਫਓ ਦਾ ਆਨਲਾਈਨ ਸ਼ਿਕਾਇਤ ਰੈਜ਼ੋਲੂਸ਼ਨ ਪੋਰਟਲ), ਸੀਪੀਜੀਆਰਐਮਐਸ, ਸੋਸ਼ਲ ਮੀਡੀਆ ਪਲੇਟਫਾਰਮ (ਫੇਸਬੁੱਕ ਅਤੇ ਟਵਿੱਟਰ) ਅਤੇ 24 ਘੰਟੇ ਕਾਲ ਸੈਂਟਰ ਸ਼ਾਮਲ ਹਨ।
ਮੰਤਰਾਲੇ ਨੇ ਇੱਕ ਬਿਆਨ ਵਿੱਚ ਕਿਹਾ, “ਈਪੀਐਫਓ ਨੇ ਆਪਣੇ ਮੈਂਬਰਾਂ ਦੀ ਜ਼ਿੰਦਗੀ ਨੂੰ ਵਧੇਰੇ ਸਰਲ ਬਣਾਉਣ ਲਈ ਵਟਸਐਪ ਅਧਾਰਤ ਹੈਲਪਲਾਈਨ-ਕਮ-ਸ਼ਿਕਾਇਤ ਨਿਵਾਰਣ ਪ੍ਰਣਾਲੀ ਦੀ ਸ਼ੁਰੂਆਤ ਕੀਤੀ ਹੈ। ਇਸ ਪਹਿਲ ਮੁਤਾਬਕ ਮਹਾਂਮਾਰੀ ਦੇ ਦੌਰ 'ਚ ਨਿਰਵਿਘਨ ਸੇਵਾਵਾਂ ਦੀ ਸਪੁਰਦਗੀ ਨੂੰ ਯਕੀਨੀ ਬਣਾਉਣਾ ਹੈ। "
ਇਸ ਪਹਿਲ ਦੇ ਜ਼ਰੀਏ, ਪੀਐਫ ਦੇ ਸ਼ੇਅਰ ਧਾਰਕ ਵਿਅਕਤੀਗਤ ਪੱਧਰ 'ਤੇ ਈਪੀਐਫਓ ਦੇ ਖੇਤਰੀ ਦਫਤਰਾਂ ਨਾਲ ਸਿੱਧਾ ਗੱਲਬਾਤ ਕਰ ਸਕਦੇ ਹਨ। ਹੁਣ ਈਪੀਐਫਓ ਦੇ ਸਾਰੇ 138 ਖੇਤਰੀ ਦਫਤਰਾਂ ਵਿੱਚ ਵਟਸਐਪ ਹੈਲਪਲਾਈਨ ਸੇਵਾਵਾਂ ਸ਼ੁਰੂ ਕਰ ਦਿੱਤੀਆਂ ਗਈਆਂ ਹਨ।
