ਬਜਟ 2019 : ਇਸ ਵਾਰ ਬ੍ਰੀਫਕੇਸ ਦੀ ਬਜਾਇ ਲਾਲ ਰੰਗ ਦੇ ਕੱਪੜੇ 'ਚ ਆਇਆ ਬਜਟ

ਖ਼ਜ਼ਾਨਾ ਮੰਤਰੀ ਸਵੇਰੇ 11 ਵਜੇ ਬਜਟ ਪੇਸ਼ ਕਰੇਗੀ। ਇਸ ਤੋਂ ਪਹਿਲਾਂ ਉਹ ਸਵੇਰੇ 9.15 ਵਜੇ ਰਾਸ਼ਟਰਪਤੀ ਨੂੰ ਮਿਲੇਗੀ ਅਤੇ ਉਨ੍ਹਾਂ ਇਸ ਬਾਰੇ ਜਾਣਕਾਰੀ ਦੇਣਗੇ। ਇਸ ਤੋਂ ਬਾਅਦ ਖ਼ਜ਼ਾਨਾ ਮੰਤਰੀ ਕੈਬਿਨੇਟ ਮੀਟਿੰਗ ਵਿੱਚ ਸ਼ਾਮਲ ਹੋਣਗੇ ਅਤੇ ਫ਼ਿਰ 11 ਵਜੇ ਸੰਸਦ ਵਿੱਚ ਬਜਟ ਪੇਸ਼ ਕਰਨਗੇ।

ਨਵੀਂ ਦਿੱਲੀ : ਖ਼ਜ਼ਾਨਾ ਮੰਤਰੀ ਨਿਰਮਲਾ ਸੀਤਾਰਮਨ ਅੱਜ ਮੋਦੀ ਸਰਕਾਰ ਦੇ ਦੂਸਰੇ ਕਾਰਜਕਾਲ ਦਾ ਪਹਿਲਾ ਬਜਟ ਪੇਸ਼ ਕਰੇਗੀ। ਇਸ ਵਾਰ ਪਹਿਲਾਂ ਚੱਲੀ ਆ ਰਹੀ ਬ੍ਰੀਫਕੇਸ ਵਾਲੀ ਪ੍ਰੰਪਰਾ ਨੂੰ ਖ਼ਤਮ ਕਰ ਕੇ ਬਜਟ ਨੂੰ ਇੱਕ ਲਾਲ ਰੰਗ ਦੇ ਕਪੜੇ ਵਿੱਚ ਰੱਖਿਆ ਗਿਆ ਹੈ ਅਤੇ ਉਸ ਦੇ ਉੱਪਰ ਅਸ਼ੋਕ ਚੱਕਰ ਦਾ ਚਿੰਨ੍ਹ ਲੱਗਿਆ ਹੋਇਆ ਹੈ।

ਇਸ ਸਬੰਧੀ ਸਰਕਾਰ ਦੇ ਮੁੱਖ ਆਰਥਿਕ ਸਲਾਹਕਾਰ ਕੇ.ਸੁਬਰਾਮਣਿਅਮ ਦਾ ਕਹਿਣਾ ਹੈ ਕਿ ਵਿੱਤ ਮੰਤਰੀ ਨੇ ਲਾਲ ਰੰਗ ਦੇ ਕੱਪੜੇ ਵਿੱਚ ਬਜਟ ਦਸਤਾਵੇਜ਼ ਨੂੰ ਰੱਖਿਆ ਹੈ। ਇਹ ਇੱਕ ਭਾਰਤੀ ਪ੍ਰੰਪਰਾ ਹੈ। ਇਹ ਪੱਛਮੀ ਵਿਚਾਰਾਂ ਦੀ ਗੁਲਾਮੀ ਤੋਂ ਨਿਲਕਲਣ ਦਾ ਪ੍ਰਤੀਕ ਹੈ। ਇਹ ਬਜਟ ਨਹੀਂ ਹੈ, 'ਬਹੀ ਖਾਤਾ ਹੈ'.

ਵਿੱਤ ਮੰਤਰੀ ਸਵੇਰੇ 11 ਵਜੇ ਬਜਟ ਪੇਸ਼ ਕਰੇਗੀ। ਵਿਸ਼ਲੇਸ਼ਕਾਂ ਦਾ ਕਹਿਣਾ ਹੈ ਕਿ ਬਜਟ ਵਿੱਚ ਇਸ ਵਾਰ ਖਰਚ, ਖਪਤ ਵਿੱਚ ਇਜ਼ਾਫਾ ਦੇ ਲਈ ਕਰ ਕਟੌਤੀ ਹੋਵੇ, ਅਰਥ ਵਿਵਸਥਾ ਵਿੱਚ ਨਕਦੀ ਵਧਾਉਣ ਦੇ ਕਦਮ ਚੁੱਕੇ ਜਾਣ।