ਕਰਨਾਟਕ: ਬੇਸਕਾਮ (Bangalore Electricity Supply Company Limited) ਅਧਿਕਾਰੀਆਂ ਦੀ ਅਣਗਹਿਲੀ ਕਾਰਨ ਇੱਕ ਮੁਟਿਆਰ ਦੀ ਮੌਤ ਹੋ ਜਾਣ ਦੀ ਘਟਨਾ ਸਾਹਮਣੇ ਆਈ ਹੈ। ਬੀਤੇ ਦਿਨ ਵਾਈਟਫੀਲਡ ਥਾਣੇ ਅਧੀਨ ਪੈਂਦੇ ਪਿੰਡ ਸਿੱਦਾਪੁਰ ਵਿੱਚ ਵਾਪਰੀ ਇਕ ਘਟਨਾ ਵਾਪਰੀ ਹੈ। ਮ੍ਰਿਤਕ ਦੀ ਪਛਾਣ 23 ਸਾਲਾ ਅਖਿਲਾ ਵਜੋਂ ਹੋਈ ਹੈ। ਜਦੋਂ ਉਹ ਕੰਮ ਤੋਂ ਬਾਅਦ ਘਰ ਜਾ ਰਹੀ ਸੀ ਤਾਂ ਪਾਣੀ ਭਰੀ ਸੜਕ 'ਤੇ ਸਕੂਟੀ ਫਿਸਲ ਗਈ। ਅਜਿਹੇ 'ਚ ਉਹ ਨੇੜੇ ਲੱਗੇ ਬਿਜਲੀ ਦੇ ਖੰਭੇ ਨੂੰ ਲੱਗ ਗਈ। ਜਿਸ ਤੋਂ ਬਾਅਦ ਵਿਚ ਪਤਾ ਲੱਗਾ ਕਿ ਉਸ ਨੂੰ ਕਰੰਟ ਲੱਗ ਗਿਆ ਸੀ।
ਇਹ ਘਟਨਾ ਸੋਮਵਾਰ ਰਾਤ 9 ਵਜੇ ਵਾਈਟ ਫੀਲਡ-ਮਰਾਠਾਹੱਲੀ ਮੁੱਖ ਮਾਰਗ 'ਤੇ ਸਿੱਦਾਪੁਰ 'ਚ ਵਾਪਰੀ। ਭਾਰੀ ਬਰਸਾਤ ਕਾਰਨ ਸੜਕ 'ਤੇ ਪਾਣੀ ਭਰ ਗਿਆ। ਇਕ ਪ੍ਰਾਈਵੇਟ ਸਕੂਲ 'ਚ ਕੰਮ ਕਰਦੀ ਅਖਿਲਾ ਸਕੂਟੀ 'ਤੇ ਘਰ ਪਰਤ ਰਹੀ ਸੀ। ਪਰਿਵਾਰਕ ਮੈਂਬਰਾਂ ਅਤੇ ਸਥਾਨਕ ਲੋਕਾਂ ਨੇ ਗੁੱਸਾ ਜ਼ਾਹਰ ਕੀਤਾ ਹੈ ਕਿ ਇਹ ਹਾਦਸਾ ਬਿਜਲੀ ਦੇ ਖੰਭਿਆਂ ਦੀ ਸਹੀ ਢੰਗ ਨਾਲ ਸੰਭਾਲ ਨਾ ਹੋਣ ਕਾਰਨ ਹੋਇਆ ਹੈ। ਵ੍ਹਾਈਟਫੀਲਡ ਪੁਲਿਸ ਨੇ ਘਟਨਾ ਸਥਾਨ ਦਾ ਦੌਰਾ ਕੀਤਾ ਅਤੇ ਜਾਂਚ ਕੀਤੀ। ਲਾਸ਼ ਨੂੰ ਪੋਸਟਮਾਰਟਮ ਲਈ ਹਸਪਤਾਲ ਭੇਜ ਦਿੱਤਾ ਗਿਆ ਹੈ।
ਹਵਾਈ ਅੱਡੇ ਵਿੱਚ ਪਾਣੀ ਭਰਨਾ: ਕੈਂਪੇਗੌੜਾ ਅੰਤਰਰਾਸ਼ਟਰੀ ਹਵਾਈ ਅੱਡੇ ਦੇ ਪਿਕਅੱਪ ਪੁਆਇੰਟ ਦੇ ਨੇੜੇ, ਮੀਂਹ ਦਾ ਪਾਣੀ ਆਸਾਨੀ ਨਾਲ ਨਹੀਂ ਨਿਕਲ ਰਿਹਾ। ਇਸ ਕਾਰਨ ਯਾਤਰੀਆਂ ਨੂੰ ਪ੍ਰੇਸ਼ਾਨੀ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ। ਇੱਥੇ ਹਰ ਵਾਰ ਮੀਂਹ ਪੈਣ 'ਤੇ ਇਹ ਨਜ਼ਾਰਾ ਆਮ ਦੇਖਣ ਨੂੰ ਮਿਲਦਾ ਹੈ। ਬੈਂਗਲੁਰੂ ਸ਼ਹਿਰ ਸਮੇਤ ਕਈ ਥਾਵਾਂ 'ਤੇ ਭਾਰੀ ਬਾਰਿਸ਼ ਹੋ ਰਹੀ ਹੈ।
ਵਿਧਾਨ ਸਭਾ 'ਚ ਬਰਸਾਤ ਦਾ ਪਾਣੀ: ਵਿਧਾਨ ਸਭਾ ਦੇ ਬੈਂਕੁਇਟ ਹਾਲ ਨੇੜੇ ਗਰਾਊਂਡ ਫਲੋਰ 'ਤੇ ਬਣੀ ਕੰਟੀਨ 'ਚ ਬਰਸਾਤ ਦਾ ਪਾਣੀ ਦਾਖਲ ਹੋ ਗਿਆ ਅਤੇ ਘਟਨਾ ਦਾ ਪਤਾ ਉਸ ਸਮੇਂ ਲੱਗਾ ਜਦੋਂ ਕੱਲ੍ਹ ਸਵੇਰੇ ਕੰਟੀਨ ਦਾ ਸਟਾਫ ਦੇਖਣ ਲਈ ਆਇਆ। ਬਾਅਦ ਵਿੱਚ ਮੁਲਾਜ਼ਮਾਂ ਨੇ ਮੀਂਹ ਦੇ ਪਾਣੀ ਨੂੰ ਬਾਹਰ ਕੱਢਿਆ।
ਥਾਣੇ ਅੰਦਰ ਵੀ ਵੜਿਆ ਪਾਣੀ: ਵਿਧਾਨ ਸਭਾ ਚੌਂਕ ਵਿੱਚ ਪਾਣੀ ਥਾਣੇ ਵਿੱਚ ਦਾਖ਼ਲ ਹੋ ਗਿਆ, ਜਿਸ ਤੋਂ ਬਾਅਦ ਪੁਲੀਸ ਮੁਲਾਜ਼ਮਾਂ ਨੇ ਮੀਂਹ ਦੇ ਪਾਣੀ ਨੂੰ ਹਟਾ ਦਿੱਤਾ।
ਇਹ ਵੀ ਪੜ੍ਹੋ:- ਰੋਡਰੇਜ਼ ਵਿੱਚ ਬੱਸ ਡਰਾਈਵਰ ਦਾ ਕਤਲ, ਥਾਰ ਸਵਾਰ ਨੌਜਵਾਨਾਂ ਨੇ ਦਿੱਤਾ ਵਾਰਦਾਤ ਨੂੰ ਅੰਜਾਮ
