ਲਖਨਊ: ਵਿਵਾਦਿਤ ਬਿਆਨਾਂ ਨੂੰ ਲੈ ਕੇ ਸੁਰਖੀਆਂ ਵਿੱਚ ਰਹਿਣ ਵਾਲੇ ਸ਼ੀਆ ਵਕਫ਼ ਬੋਰਡ ਦੇ ਸਾਬਕਾ ਚੇਅਰਮੈਨ ਵਸੀਮ ਰਿਜ਼ਵੀ ਨੇ ਆਪਣੀ ਵਸੀਅਤ ਬਣਾ ਦਿੱਤੀ ਹੈ। ਜਿਸ 'ਚ ਵਸੀਮ ਰਿਜ਼ਵੀ ਨੇ ਮਰਨ ਤੋਂ ਬਾਅਦ ਦਫ਼ਨਾਉਣ ਦੀ ਬਜਾਏ ਚਿਤਾ ਜਲਾਉਣ ਦੀ ਇੱਛਾ ਪ੍ਰਗਟਾਈ ਹੈ। ਇਸ ਦੇ ਨਾਲ ਹੀ ਰਿਜ਼ਵੀ ਨੇ ਦਾਸਨਾ ਮੰਦਿਰ ਦੇ ਮਹੰਤ ਨਰਸਿਮਹਾ ਨੰਦ ਸਰਸਵਤੀ ਨੂੰ ਆਪਣੇ ਵਸੀਅਤਨਾਮੇ ਵਿੱਚ ਚਿਤਾ ਜਲਾਉਣ ਦਾ ਅਧਿਕਾਰ ਦਿੱਤਾ ਹੈ।
ਕੀ ਸੀ ਪੂਰਾ ਮਾਮਲਾ
ਵਸੀਮ ਰਿਜ਼ਵੀ ਨੇ ਐਤਵਾਰ ਨੂੰ ਵੀਡੀਓ ਜਾਰੀ ਕਰਕੇ ਕਿਹਾ ਕਿ ਦੇਸ਼ ਅਤੇ ਦੁਨੀਆ 'ਚ ਮੈਨੂੰ ਮਾਰਨ ਅਤੇ ਮੇਰੀ ਗਰਦਨ ਕੱਟਣ ਦੀ ਸਾਜ਼ਿਸ਼ ਰਚੀ ਜਾ ਰਹੀ ਹੈ ਅਤੇ ਇਸ ਲਈ ਇਨਾਮ ਦੀ ਗੱਲ ਕੀਤੀ ਜਾ ਰਹੀ ਹੈ। ਕਿਉਂਕਿ ਮੈਂ ਕੁਰਾਨ ਦੀਆਂ 26 ਆਇਤਾਂ ਨੂੰ ਹਟਾਉਣ ਲਈ ਸੁਪਰੀਮ ਕੋਰਟ ਵਿੱਚ ਚੁਣੌਤੀ ਦਿੱਤੀ ਸੀ, ਜੋ ਮਨੁੱਖਤਾ ਪ੍ਰਤੀ ਨਫ਼ਰਤ ਫੈਲਾਉਂਦੀਆਂ ਹਨ।
ਵਸੀਮ ਰਿਜ਼ਵੀ ਨੇ ਕਿਹਾ ਕਿ ਇਹ ਮੇਰਾ ਗੁਨਾਹ ਹੈ ਕਿ ਮੈਂ ਪੈਗੰਬਰ-ਏ-ਇਸਲਾਮ ਹਜ਼ਰਤ ਮੁਹੰਮਦ 'ਤੇ ਕਿਤਾਬ ਲਿਖੀ ਹੈ, ਇਸ ਲਈ ਮੁਸਲਮਾਨ ਮੈਨੂੰ ਮਾਰਨਾ ਚਾਹੁੰਦੇ ਹਨ ਅਤੇ ਐਲਾਨ ਕਰ ਚੁੱਕੇ ਹਨ ਕਿ ਉਹ ਮੈਨੂੰ ਕਬਰਿਸਤਾਨ 'ਚ ਜਗ੍ਹਾ ਨਹੀਂ ਦੇਣਗੇ।
ਇਸ ਲਈ ਮੇਰੀ ਮੌਤ ਤੋਂ ਬਾਅਦ ਦੇਸ਼ ਵਿਚ ਸ਼ਾਂਤੀ ਰਹੇ, ਇਸ ਲਈ ਮੈਂ ਵਸੀਅਤ ਲਿਖ ਕੇ ਪ੍ਰਸ਼ਾਸਨ ਨੂੰ ਭੇਜ ਦਿੱਤੀ ਹੈ ਕਿ ਮੈਨੂੰ ਸਾੜ ਦਿੱਤਾ ਜਾਵੇ। ਅੱਗੇ ਬੋਲਦੇ ਹੋਏ ਵਸੀਮ ਰਿਜ਼ਵੀ ਨੇ ਕਿਹਾ ਕਿ ਮੇਰੀ ਦੇਹ ਨੂੰ ਲਖਨਊ ਵਿੱਚ ਹਿੰਦੂ ਦੋਸਤਾਂ ਨੂੰ ਸੌਂਪਿਆ ਜਾਵੇ ਅਤੇ ਅੰਤਮ ਸੰਸਕਾਰ ਕਰਕੇ ਸਸਕਾਰ ਕੀਤਾ ਜਾਵੇ। ਮੇਰੇ ਅੰਤਿਮ ਸੰਸਕਾਰ ਦੀ ਚਿਤਾ ਮਹੰਤ ਯਤੀ ਨਰਸਿਮਹਾ ਨੰਦ ਸਰਸਵਤੀ ਦੁਆਰਾ ਅੱਗ ਦਿੱਤੀ ਜਾਵੇ।
ਜ਼ਿਕਰਯੋਗ ਹੈ ਕਿ ਕੁਰਾਨ ਦੀਆਂ 26 ਆਇਤਾਂ ਨੂੰ ਹਟਾਉਣ ਅਤੇ ਹੁਣ ਪੈਗੰਬਰ-ਏ-ਇਸਲਾਮ ਹਜ਼ਰਤ ਮੁਹੰਮਦ 'ਤੇ ਕਿਤਾਬ ਲਿਖਣ ਲਈ ਸੁਪਰੀਮ ਕੋਰਟ 'ਚ ਪਟੀਸ਼ਨ ਦਾਇਰ ਕਰਨ ਤੋਂ ਬਾਅਦ ਵਸੀਮ ਰਿਜ਼ਵੀ ਖਿਲਾਫ਼ ਮੁਸਲਿਮ ਸਮਾਜ 'ਚ ਰੋਸ ਹੈ।
ਦੇਸ਼ ਭਰ ਵਿੱਚ ਮੁਸਲਿਮ ਸਮਾਜ ਦੇ ਲੋਕਾਂ ਵੱਲੋਂ ਵਸੀਮ ਰਿਜ਼ਵੀ ਖ਼ਿਲਾਫ਼ ਪ੍ਰਦਰਸ਼ਨ ਕੀਤੇ ਜਾ ਰਹੇ ਹਨ ਅਤੇ ਉਸ ਖ਼ਿਲਾਫ਼ ਕਾਰਵਾਈ ਦੀ ਮੰਗ ਕੀਤੀ ਜਾ ਰਹੀ ਹੈ। ਇਸ ਤੋਂ ਇਲਾਵਾ ਮੁਸਲਿਮ ਧਾਰਮਿਕ ਆਗੂ ਵੀ ਵਸੀਮ ਰਿਜ਼ਵੀ 'ਤੇ ਲਗਾਤਾਰ ਪ੍ਰਤੀਕਿਰਿਆ ਦੇ ਰਹੇ ਹਨ।
ਇਹ ਵੀ ਪੜ੍ਹੋ:ਉਪ ਮੁੱਖ ਮੰਤਰੀ ਓ.ਪੀ ਸੋਨੀ ਦਾ ਜੈਤੋ ਪਹੁੰਚਣ 'ਤੇ ਸ਼ਹਿਰ ਵਾਸੀਆਂ ਵੱਲੋਂ ਵਿਰੋਧ
