ਹੈਦਰਾਬਾਦ: ਅੱਜ ਓਲਪਿੰਕ 2020 ਦਾ ਗਲੋਬਲ ਗ੍ਰੈਂਡ ਕੁੰਭ ਸਮਾਪਤ ਹੋ ਰਿਹਾ ਹੈ। ਭਾਰਤੀ ਟੀਮ ਦੀ ਚੁਣੌਤੀ ਖ਼ਤਮ ਹੋ ਚੁੱਕੀ ਹੈ। ਭਾਰਤ ਲਈ ਟੋਕੀਓ ਓਲਪਿੰਕ ਯਾਦਗਾਰੀ ਅਤੇ ਇਤਿਹਾਸਕ ਰਿਹਾ ਹੈ।
ਫਿਲਹਾਲ ਭਾਰਤ ਇਸ ਸਮੇਂ ਮੈਡਲ ਸੂਚੀ ਵਿੱਚ 47 ਵੇਂ ਸਥਾਨ 'ਤੇ ਹੈ। ਬਿਨਾਂ ਸ਼ੱਕ ਇਸ ਨੂੰ ਆਬਾਦੀ ਤੇ ਸਨਮਾਨ ਦੇ ਲਿਹਾਜ਼ ਨਾਲ ਬੇਹਤਰ ਨਹੀਂ ਕਿਹਾ ਜਾ ਸਕਦਾ, ਪਰ ਇਸ ਇਵੈਂਟ ਵਿੱਚ ਸ਼ਾਮਲ ਖਿਡਾਰੀਆਂ ਨੇ ਸਪੱਸ਼ਟ ਸੰਕੇਤ ਦਿੱਤਾ ਹੈ ਕਿ ਭਾਰਤ ਵਿੱਚ ਇੱਕ ਨਵਾਂ ਖੇਡ ਸੱਭਿਆਚਾਰ ਵਿਕਸਤ ਹੋ ਰਿਹਾ ਹੈ, ਜੋ ਭਾਰਤੀ ਖਿਡਾਰੀਆਂ ਨੂੰ ਭਵਿੱਖ ਵਿੱਚ ਬੇਹਤਰ ਪ੍ਰਦਰਸ਼ਨ ਕਰਨ ਲਈ ਪ੍ਰੇਰਿਤ ਕਰੇਗਾ।
ਤੁਹਾਨੂੰ ਦੱਸ ਦੇਈਏ, ਕਿ ਟੋਕੀਓ ਓਲੰਪਿਕਸ ਦੌਰਾਨ ਭਾਰਤ ਦੀ ਝੋਲੀ ਵਿੱਚ 7 ਤਮਗੇ ਆਏ ਹਨ। ਭਾਰਤ ਨੇ ਟੋਕੀਓ ਓਲੰਪਿਕ 2020 ਵਿੱਚ ਮੈਡਲਾਂ ਦੇ ਚਾਰ ਦਹਾਕਿਆਂ ਦੇ ਸੋਕੇ ਦਾ ਅੰਤ ਕਰ ਦਿੱਤਾ ਹੈ। ਉਸ ਤੋਂ ਬਾਅਦ ਜੈਵਲਿਨ ਥ੍ਰੋਅਰ ਨੀਰਜ ਚੋਪੜਾ ਨੇ ਅਥਲੈਟਿਕਸ ਵਿੱਚ ਦੇਸ਼ ਦਾ ਪਹਿਲਾ ਸੋਨ ਤਗਮਾ ਜਿੱਤਿਆ ਹੈ।
ਫਿਲਹਾਲ, ਕੁੱਝ ਭਾਰਤੀ ਖਿਡਾਰੀਆਂ ਦੇ ਤਮਗੇ ਹਾਸਲ ਕਰਨ ਦੇ ਨੇੜੇ ਪੁੱਜਣ ਦੇ ਬਾਵਜੂਦ ਉਨ੍ਹਾਂ ਕੋਲੋਂ ਤਮਗੇ ਖੁੱਸ ਗਏ , ਜਿਸ ਵਿੱਚ ਮਹਿਲਾ ਗੋਲਫਰ ਅਦਿਤੀ ਅਸ਼ੋਕ ਦਾ ਨਾਂ ਵੀ ਸ਼ਾਮਲ ਹੈ। ਭਾਰਤ ਨੂੰ ਕਾਂਸੀ ਦਾ ਤਗਮਾ ਜਿੱਤਾਉਣ ਵਾਲੇ ਪੁਰਸ਼ ਪਹਿਲਵਾਨ ਬਜਰੰਗ ਪੁਨੀਆ ਸਮਾਪਨ ਸਮਾਰੋਹ ਵਿੱਚ ਧਵਜਵਾਹਕ ਹੋਣਗੇ।
ਹਾਲਾਂਕਿ, ਅੱਜ ਦੇ ਦਿਨ ਦਾ ਮੁਖ ਆਕਰਸ਼ਣ ਸਮਾਪਤੀ ਸਮਾਰੋਹ ਹੋਣ ਜਾ ਰਿਹਾ ਹੈ। ਸਮਾਪਤੀ ਸਮਾਰੋਹ ਭਾਰਤੀ ਸਮੇਂ ਅਨੁਸਾਰ ਸ਼ਾਮ 6.30 ਵਜੇ ਜਾਂ ਇਸ ਤੋਂ ਪਹਿਲਾਂ ਸ਼ੁਰੂ ਹੋ ਸਕਦਾ ਹੈ। ਇਸ ਸਮਾਰੋਹ ਦੌਰਾਨ ਬਜਰੰਗ ਪੁਨੀਆ ਤਿਰੰਗੇ ਨਾਲ ਭਾਰਤੀ ਟੀਮ ਦੀ ਅਗਵਾਈ ਕਰਨਗੇ।
ਭਾਰਤ ਦਾ ਸ਼ਾਨਦਾਰ ਪ੍ਰਦਰਸ਼ਨ
- ਓਲਪਿੰਕ ਦੇ 121 ਸਾਲਾਂ ਦੇ ਇਤਿਹਾਸ ਵਿੱਚ ਪਹਿਲੀ ਵਾਰ ਭਾਰਤ ਨੂੰ ਫੀਲਡ ਐਂਡ ਟ੍ਰੈਕ ਈਵੈਂਟ ਵਿੱਚ ਸੋਨ ਤਗਮਾ ਮਿਲਿਆ। ਇਹ ਸੁਨਹਿਰੀ ਖੁਸ਼ੀ ਭਾਰਤੀਆਂ ਨੂੰ ਨੀਰਜ ਚੋਪੜਾ ਨੇ ਜੈਵਲਿਨ ਥਰੋਅ ਈਵੈਂਟ ਵਿੱਚ ਦਿੱਤੀ।
- ਨੀਰਜ ਨੇ ਪੁਰਸ਼ਾਂ ਦੇ ਜੈਵਲਿਨ ਥ੍ਰੋਅ ਵਿੱਚ 87.58 ਮੀਟਰ ਦਾ ਥ੍ਰੋਅ ਸੁੱਟਿਆ ਅਤੇ ਟੌਪ 'ਤੇ ਰਹੇ। ਇੰਨਾ ਹੀ ਨਹੀਂ, ਉਹ ਵਿਅਕਤੀਗਤ ਮੁਕਾਬਲੇ ਵਿੱਚ ਸੋਨ ਤਮਗਾ ਜਿੱਤਣ ਵਾਲੇ ਦੂਜੇ ਭਾਰਤੀ ਬਣ ਗਏ ਹਨ। ਇਸ ਤੋਂ ਪਹਿਲਾਂ ਅਭਿਨਵ ਬਿੰਦਰਾ ਨਿਸ਼ਾਨੇਬਾਜ਼ੀ ਵਿੱਚ 2008 ਦੇ ਓਲਪਿੰਕ ਗੋਲਡ ਮੈਡਲ ਜਿੱਤ ਚੁੱਕੇ ਹਨ।
- ਮਨਪ੍ਰੀਤ ਸਿੰਘ ਦੀ ਅਗਵਾਈ ਵਾਲੀ ਭਾਰਤੀ ਟੀਮ ਨੇ ਪਲੇਆਫ ਮੈਚ ਵਿੱਚ ਜਰਮਨੀ ਨੂੰ 5-4 ਨਾਲ ਹਰਾਇਆ ਅਤੇ 41 ਸਾਲਾਂ ਬਾਅਦ ਭਾਰਤੀ ਹਾਕੀ ਟੀਮ ਨੇ ਓਲਪਿੰਕ 'ਚ ਕਾਂਸੀ ਦਾ ਤਮਗਾ ਜਿੱਤਿਆ।
- ਭਾਰਤੀ ਮਹਿਲਾ ਹਾਕੀ ਟੀਮ ਨੇ ਓਲਪਿੰਕ ਵਿੱਚ ਸੈਮੀਫਾਈਨਲ ਵਿੱਚ ਪਹੁੰਚਣ ਲਈ ਦਮਦਾਰ ਪ੍ਰਦਰਸ਼ਨ ਕੀਤਾ। ਭਾਰਤੀ ਟੀਮ ਆਪਣੇ ਓਲਪਿੰਕ ਇਤਿਹਾਸ ਵਿੱਚ ਪਹਿਲੀ ਵਾਰ ਚੌਥੇ ਸਥਾਨ 'ਤੇ ਰਹੀ। ਉਨ੍ਹਾਂ ਨੂੰ ਸੈਮੀਫਾਈਨਲ ਵਿੱਚ ਅਰਜਨਟੀਨਾ ਹੱਥੋਂ ਹਾਰ ਦਾ ਸਾਹਮਣਾ ਕਰਨਾ ਪਿਆ ਅਤੇ ਫਿਰ ਪਲੇਅ ਆਫ ਮੈਚ ਵਿੱਚ ਬ੍ਰਿਟੇਨ ਤੋਂ ਹਾਰ ਗਈ।
- ਭਾਰਤ ਦੇ ਓਲਪਿੰਕ ਇਤਿਹਾਸ ਵਿੱਚ ਪਹਿਲੀ ਵਾਰ ਭਾਰਤ ਨੂੰ ਪਹਿਲੇ ਦਿਨ ਮੈਡਲ ਮਿਲਿਆ। ਭਾਰਤ ਤੋਂ, ਮਹਿਲਾ ਲਿਫਟਰ ਮੀਰਾਬਾਈ ਚਾਨੂ ਨੇ ਵੇਟਲਿਫਟਿੰਗ ਵਿੱਚ ਦੇਸ਼ ਲਈ ਚਾਂਦੀ ਦਾ ਤਮਗਾ ਜਿੱਤਿਆ। ਫਾਈਨਲ ਮੈਚ ਤੋਂ ਬਾਅਦ ਚਾਨੂ ਦੂਜੇ ਨੰਬਰ 'ਤੇ ਸੀ।ਮਹਿਲਾ ਵੇਟਲਿਫਟਰ ਮੀਰਾਬਾਈ ਚਾਨੂ
- ਚਾਨੂੰ ਆਪਣੀ ਪਹਿਲੀ ਕੋਸ਼ਿਸ਼ ਦੌਰਾਨ 110 ਕਿਲੋ ਭਾਰ ਚੁੱਕਣ ਵਿੱਚ ਕਾਮਯਾਬ ਰਹੀ। ਮੀਰਾਬਾਈ ਚਾਨੂੰ ਨੇ 49 ਕਿਲੋਗ੍ਰਾਮ ਵਰਗ ਵਿੱਚ ਦੂਜਾ ਸਥਾਨ ਹਾਸਲ ਕੀਤਾ। ਮੀਰਾਬਾਈ ਦੇ ਪਹਿਲੇ ਦਿਨ, ਮੈਡਲ ਜਿੱਤ ਕੇ, ਭਾਰਤੀ ਖਿਡਾਰੀਆਂ ਅਤੇ ਭਾਰਤੀਆਂ ਵਿੱਚ ਉਤਸ਼ਾਹ ਪੈਦਾ ਹੋਇਆ।
- ਭਾਰਤੀ ਮਹਿਲਾ ਬੈਡਮਿੰਟਨ ਖਿਡਾਰੀ ਪੀਵੀ ਸਿੰਧੂ ਨੇ ਸਿੰਗਲਜ਼ ਮੁਕਾਬਲੇ ਵਿੱਚ ਕਾਂਸੀ ਦਾ ਤਗਮਾ ਜਿੱਤਿਆ। ਇਸ ਨਾਲ ਸਿੰਧੂ ਓਲਪਿੰਕ ਵਿੱਚ ਦੋ ਮੈਡਲ ਜਿੱਤਣ ਵਾਲੀ ਪਹਿਲੀ ਬੈਡਮਿੰਟਨ ਖਿਡਾਰਨ ਅਤੇ ਦੂਜੀ ਭਾਰਤੀ ਬਣ ਗਈ ਹੈ।ਪੀਵੀ ਸਿੰਧੂ ਨੇ ਰਚਿਆ ਇਤਿਹਾਸ
- ਭਾਰਤ ਦੀ ਨੌਜਵਾਨ ਗੋਲਫਰ ਅਦਿਤੀ ਅਸ਼ੋਕ ਨੇ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ, ਪਰ ਆਖਰੀ ਦਿਨ ਤਮਗੇ ਤੋਂ ਖੁੰਝ ਗਈ।
- ਹਾਲਾਂਕਿ ਹਾਰ ਦੇ ਬਾਵਜੂਦ ਅਦਿਤੀ ਨੇ ਇਤਿਹਾਸ ਰਚ ਦਿੱਤਾ। 200 ਵੇਂ ਸਥਾਨ 'ਤੇ ਰਹੀ ਅਦਿਤੀ ਓਲੰਪਿਕਸ' ਚ ਚੌਥੇ ਸਥਾਨ 'ਤੇ ਰਹਿਣ ਵਾਲੀ ਪਹਿਲੀ ਭਾਰਤੀ ਮਹਿਲਾ ਗੋਲਫਰ ਬਣ ਗਈ ਹੈ।
- ਭਾਰਤ ਨੇ ਇਸ ਵਾਰ ਕੁੱਲ 127 ਖਿਡਾਰੀਆਂ ਨੂੰ ਓਲਪਿੰਕ ਵਿੱਚ ਭੇਜਿਆ। ਇਹ ਓਲਪਿੰਕ ਇਤਿਹਾਸ ਵਿੱਚ ਭਾਰਤ ਵੱਲੋਂ ਭੇਜੀ ਗਈ ਸਭ ਤੋਂ ਵੱਡੀ ਟੁਕੜੀ ਸੀ।
- ਹਾਲਾਂਕਿ, ਭਾਰਤ ਦੇ ਖੇਡ ਪ੍ਰੇਮੀਆਂ ਨੂੰ ਨਿਸ਼ਾਨੇਬਾਜ਼ੀ ਅਤੇ ਤੀਰਅੰਦਾਜ਼ੀ ਤੋਂ ਉਮੀਦਾਂ ਸਨ। ਇਨ੍ਹਾਂ ਦੋਵਾਂ ਸਮਾਗਮਾਂ ਵਿੱਚ ਨਿਰਾਸ਼ਾ ਮਿਲੀ, ਜਿਸ ਨੂੰ ਕੋਈ ਵੀ ਭਾਰਤੀ ਯਾਦ ਨਹੀਂ ਰੱਖਣਾ ਚਾਹੁੰਦਾ।ਭਾਰਤ ਦੀ ਸਭ ਤੋਂ ਵੱਡੀ ਟੀਮ
ਇਹ ਵੀ ਪੜ੍ਹੋ : ਪਾਕਿਸਤਾਨੀ ਐਥਲੀਟ ਨੇ ਵੀ ਮੰਨਿਆ 'ਨੀਰਜ ਚੋਪੜਾ' ਦਾ ਲੋਹਾ
