ਨਵੀਂ ਦਿੱਲੀ: ਦਿੱਲੀ ਦੇ ਜੰਤਰ ਮੰਤਰ ’ਤੇ ਕਿਸਾਨ ਸੰਸਦ ਦੇ ਤੀਜੇ ਦਿਨ ਦੀ ਕਾਰਵਾਈ ਸ਼ੁਰੂ ਹੋ ਚੁੱਕੀ ਹੈ। ਅੱਜ ਦੀ ਵੱਡੀ ਗੱਲ ਇਹ ਹੈ ਕਿ ਮੰਚ ਦਾ ਪੂਰਾ ਸੰਚਾਲਨ ਔਰਤਾਂ ਦੁਆਰਾ ਕੀਤਾ ਜਾ ਰਿਹਾ ਹੈ। ਨਾ ਸਿਰਫ ਮੰਚ ਦਾ ਸੰਚਾਲਨ ਬਲਕਿ ਨਾਮਜ਼ਦ ਸੰਸਦ ਮੈਂਬਰਾਂ ਦੀ ਭੂਮਿਕਾ ਵੀ ਔਰਤਾਂ ਦੁਆਰਾ ਹੀ ਨਿਭਾਈ ਜਾ ਰਹੀ ਹੈ।
ਜੰਤਰ ਮੰਤਰ ’ਤੇ ਅੱਜ ਕਿਸਾਨ ਸੰਸਦ ਦਾ ਤੀਜਾ ਦਿਨ ਹੈ। ਕਿਸਾਨ ਸੰਸਦ ਦੇ ਤੀਜੇ ਦਿਨ ਮੰਚ ਦਾ ਸੰਚਾਲਨ ਔਰਤਾਂ ਦੁਆਰਾ ਕੀਤਾ ਜਾ ਰਿਹਾ ਹੈ। ਸੁਹਾਸਿਨੀ ਅਲੀ ਅਤੇ ਸੁਮਨ ਹੁੱਡਾ ਸਪੀਕਰ ਅਤੇ ਡਿਪਟੀ ਸਪੀਕਰ ਦੀ ਜਿੰਮਵਾਰੀ ਨਿਭਾ ਰਹੀ ਹੈ। ਨਾਮਜ਼ਦ ਔਰਤ ਸਾਂਸਦਾਂ ਦੁਆਰਾ 3 ਖੇਤੀ ਕਾਨੂੰਨ ਅਤੇ ਅਨਾਜ ਮੰਡੀ ਤੋਂ ਜੁੜੇ ਸਵਾਲ ਚੁੱਕੇ ਜਾ ਰਹੇ ਹਨ ਜਿਨ੍ਹਾਂ ਦਾ ਜਵਾਬ ਕਿਸਾਨਾਂ ਵੱਲੋਂ ਨਾਮਜ਼ਦ ਮਹਿਲਾ ਸਾਂਸਦ ਦੁਆਰਾ ਦਿੱਤਾ ਜਾ ਰਿਹਾ ਹੈ।
ਇਹ ਵੀ ਪੜੋ: ਅੱਜ ਜੰਤਰ ਮੰਤਰ 'ਤੇ ਕਿਸਾਨੀ ਸੰਸਦ ਦਾ ਮਹਿਲਾਵਾਂ ਕਰਨਗੀਆਂ ਆਯੋਜਨ
ਮੰਚ ਤੇ ਕਿਸੇ ਵੀ ਪੁਰਸ਼ ਨੂੰ ਆਉਣ ਦੀ ਆਗਿਆ ਨਹੀਂ ਹੈ ਅਤੇ ਫਿਲਹਾਲ ਦੇ ਸਮੇਂ ਸਦਨ ਦੀ ਪੂਰੀ ਕਾਰਵਾਈ ਔਰਤਾਂ ਦੁਆਰਾ ਕੀਤਾ ਜਾ ਰਿਹਾ ਹੈ। ਹਾਲਾਂਕਿ ਔਰਤਾਂ ਦੇ ਸਹਿਯੋਗ ਦੇ ਲਈ ਪੁਰਸ਼ ਵਾਲੰਟੀਅਰ ਹਨ ਜੋ ਮਹਿਲਾਵਾਂ ਦਾ ਮਾਗਰਦਰਸ਼ਨ ਕਰ ਰਹੇ ਹਨ।
