ਗੋਰਖਪੁਰ— ਗੁਲਰਿਹਾ ਥਾਣਾ ਖੇਤਰ ਦੇ ਸ਼ਿਵਪੁਰ ਸ਼ਾਹਬਾਜ਼ਗੰਜ 'ਚ ਇਕ ਬੇਟੇ ਨੇ ਟੀਚਰ ਸ਼ਾਂਤੀ ਦੇਵੀ ਦੀ ਲਾਸ਼ ਨੂੰ 4 ਦਿਨਾਂ ਤੱਕ ਬੈੱਡ ਦੇ ਹੇਠਾਂ ਲੁਕੋ ਕੇ ਰੱਖਿਆ ਸੀ। ਜਦੋਂ ਬਦਬੂ ਆਉਂਦੀ ਸੀ ਤਾਂ ਉਹ ਉਥੇ ਧੂਪ ਧੁਖਾਉਂਦਾ ਸੀ। ਸ਼ੱਕ ਜਤਾਇਆ ਜਾ ਰਿਹਾ ਹੈ ਕਿ ਪੁੱਤਰ ਨੇ ਪੈਸਿਆਂ ਦੇ ਲਾਲਚ 'ਚ ਕਤਲ ਕਰਨ ਤੋਂ ਬਾਅਦ ਲਾਸ਼ ਨੂੰ ਛੁਪਾ ਦਿੱਤਾ ਹੈ। ਮੰਗਲਵਾਰ ਨੂੰ ਬਦਬੂ ਆਉਣ 'ਤੇ ਆਸਪਾਸ ਦੇ ਲੋਕਾਂ ਨੇ ਪੁਲਸ ਨੂੰ ਸੂਚਨਾ ਦਿੱਤੀ। ਪੁਲਿਸ ਨੇ ਲਾਸ਼ ਨੂੰ ਪੋਸਟਮਾਰਟਮ ਲਈ ਭੇਜ ਦਿੱਤਾ ਹੈ।Shivpur Shahbazganj Gorakhpur.
ਜਾਣਕਾਰੀ ਮੁਤਾਬਕ ਸ਼ਿਵਪੁਰ ਸ਼ਾਹਬਾਜ਼ਗੰਜ ਦਾ ਰਹਿਣ ਵਾਲਾ ਰਾਮ ਦੁਲਾਰੇ ਮਿਸ਼ਰਾ ਬੋਦਰਬਾਰ ਸਥਿਤ ਇਕ ਇੰਟਰ ਕਾਲਜ 'ਚ ਅਧਿਆਪਕ ਸੀ। ਉਸਦੀ ਪਤਨੀ ਸ਼ਾਂਤੀ ਦੇਵੀ (82) ਸਰਕਾਰੀ ਏਡੀ ਇੰਟਰ ਕਾਲਜ, ਗੋਰਖਪੁਰ ਵਿੱਚ ਅਧਿਆਪਕ ਸੀ। ਜਿਸ ਦੀ ਲਾਸ਼ ਮੰਗਲਵਾਰ ਨੂੰ ਉਨ੍ਹਾਂ ਦੇ ਘਰ 'ਚ ਤਖਤ ਦੇ ਹੇਠਾਂ ਮਿਲੀ ਸੀ। ਇਸ ਦੇ ਨਾਲ ਹੀ ਪੁਲਸ ਇਕਲੌਤੇ ਪੁੱਤਰ ਨੂੰ ਹਿਰਾਸਤ 'ਚ ਲੈ ਕੇ ਪੁੱਛਗਿੱਛ ਕਰ ਰਹੀ ਹੈ। ਮ੍ਰਿਤਕ ਦੇ ਪੁੱਤਰ ਨੇ ਪੁਲੀਸ ਨੂੰ ਦੱਸਿਆ ਕਿ ਚਾਰ ਦਿਨ ਪਹਿਲਾਂ ਉਸ ਦੀ ਮਾਂ ਦੀ ਬਿਮਾਰੀ ਕਾਰਨ ਮੌਤ ਹੋ ਗਈ ਸੀ। ਹਾਲਾਂਕਿ ਉਸ ਨੇ ਮੌਤ ਬਾਰੇ ਕਿਸੇ ਨੂੰ ਵੀ ਜਾਣਕਾਰੀ ਨਹੀਂ ਦਿੱਤੀ ਅਤੇ ਲਾਸ਼ ਨੂੰ ਲੁਕਾ ਕੇ ਰੱਖਿਆ।
ਇਸ ਦੇ ਨਾਲ ਹੀ ਆਸਪਾਸ ਦੇ ਲੋਕਾਂ ਨੇ ਸ਼ਾਂਤੀ ਦੇਵੀ ਦੇ 45 ਸਾਲਾ ਬੇਟੇ ਨਿਖਿਲ ਨੂੰ ਮਾਨਸਿਕ ਤੌਰ 'ਤੇ ਬਿਮਾਰ ਦੱਸਿਆ ਹੈ। ਲੋਕਾਂ ਦਾ ਕਹਿਣਾ ਹੈ ਕਿ ਨਿਖਿਲ ਨਸ਼ੇ ਦਾ ਆਦੀ ਹੈ ਅਤੇ ਅਕਸਰ ਆਪਣੀ ਮਾਂ ਦੀ ਕੁੱਟਮਾਰ ਕਰਦਾ ਸੀ। ਇਨ੍ਹਾਂ ਹਰਕਤਾਂ ਤੋਂ ਤੰਗ ਆ ਕੇ 15 ਦਿਨ ਪਹਿਲਾਂ ਪਤਨੀ ਆਪਣੇ ਲੜਕੇ ਨਾਲ ਨਾਨਕੇ ਘਰ ਚਲੀ ਗਈ। ਜਿਸ ਘਰ ਵਿੱਚ ਇਹ ਪਰਿਵਾਰ ਰਹਿੰਦਾ ਹੈ, ਉਸ ਵਿੱਚ ਕੁਝ ਕਿਰਾਏਦਾਰ ਵੀ ਰਹਿੰਦੇ ਸਨ ਪਰ ਨਿਖਿਲ ਦੀਆਂ ਹਰਕਤਾਂ ਕਾਰਨ ਉਹ ਇੱਕ ਮਹੀਨਾ ਪਹਿਲਾਂ ਹੀ ਛੱਡ ਕੇ ਚਲੇ ਗਏ ਸਨ। ਲੋਕਾਂ ਦਾ ਕਹਿਣਾ ਹੈ ਕਿ ਜਦੋਂ ਉਸ ਨੇ ਆਪਣੀ ਮਾਂ ਤੋਂ ਰੋਟੀ ਮੰਗੀ ਤਾਂ ਉਸ ਨੇ ਨਹੀਂ ਦਿੱਤੀ, ਜਿਸ ਤੋਂ ਬਾਅਦ ਉਸ ਨੇ ਉਸ ਨਾਲ ਧੱਕਾ ਕੀਤਾ। ਨਿਖਿਲ ਦੇ ਬੱਚੇ ਦਿੱਲੀ ਵਿੱਚ ਬੀ.ਟੈਕ ਅਤੇ ਐਮ.ਟੈਕ ਦੀ ਪੜ੍ਹਾਈ ਕਰ ਰਹੇ ਹਨ।
ਪਹਿਲੀ ਨਜ਼ਰੇ ਮੌਤ ਦਾ ਕਾਰਨ ਬਿਮਾਰੀ ਜਾਪਦੀ ਹੈ, ਪੀਐਮ ਤੋਂ ਬਾਅਦ ਸਥਿਤੀ ਸਪੱਸ਼ਟ ਹੋਵੇਗੀ। ਲਾਸ਼ ਨੂੰ ਚਾਰ ਦਿਨਾਂ ਤੋਂ ਘਰ ਵਿੱਚ ਲੁਕੋ ਕੇ ਰੱਖਣ ਦੇ ਕਾਰਨਾਂ ਦਾ ਪਤਾ ਲਗਾਉਣ ਦੀ ਕੋਸ਼ਿਸ਼ ਕੀਤੀ ਜਾ ਰਹੀ ਹੈ। ਫਿਲਹਾਲ ਔਰਤ ਦਾ ਬੇਟਾ ਦਿਮਾਗੀ ਤੌਰ 'ਤੇ ਬਿਮਾਰ ਦੱਸਿਆ ਜਾ ਰਿਹਾ ਹੈ। ਪੁਲਿਸ ਹਰ ਪਹਿਲੂ ਤੋਂ ਜਾਂਚ ਕਰ ਰਹੀ ਹੈ। ਜਾਂਚ ਅਤੇ ਪੀਐਮ ਦੀ ਰਿਪੋਰਟ ਤੋਂ ਬਾਅਦ ਅਗਲੀ ਕਾਰਵਾਈ ਕੀਤੀ ਜਾਵੇਗੀ।
ਇਹ ਵੀ ਪੜ੍ਹੋ: ਮੇਰਠ 'ਚ ਦੋਸਤਾਂ ਨੇ 12ਵੀਂ ਦੇ ਵਿਦਿਆਰਥੀ ਦਾ ਕੀਤਾ ਕਤਲ, ਕਾਰਨ ਜਾਣ ਕੇ ਰਹਿ ਜਾਓਗੇ ਹੈਰਾਨ
