ਜੈਪੁਰ: ਸੂਬੇ ਦੇ ਬੀਕਾਨੇਰ ਜ਼ਿਲ੍ਹੇ ਦੇ ਰਾਮਦੇਵ ਮੰਦਰ ਨਜ਼ਦੀਕ ਮੁਹੱਲਾ ਚੁੰਗਨਣ ਦੀ ਵਸਨੀਕ ਸਾਢੇ ਛੇ ਮਹੀਨੇ ਦੀ ਨੂਰ ਫਾਤਿਮਾ ਨੇ ਇਲਾਜ ਦੀ ਘਾਟ ਕਾਰਨ ਇਸ ਦੁਨੀਆਂ ਨੂੰ ਅਲਵਿਦਾ ਕਹਿ ਦਿੱਤਾ। ਨੂਰ ਫਾਤਿਮਾ ਨੂੰ ਬੀਕਾਨੇਰ ਦੇ ਇੱਕ ਕਬਰਸਤਾਨ ਵਿੱਚ ਸਪੁਰਦ-ਏ-ਖਾਕ ਜਾਵੇਗਾ।
ਇਹ ਉਹੀ ਨੂਰ ਫਾਤਿਮਾ ਹੈ ਜਿਸ ਨੂੰ 16 ਕਰੋੜ ਦੇ Zolgensma ਟੀਕੇ ਦੀ ਸਖਤ ਜ਼ਰੂਰਤ ਸੀ। ਪਰ ਅਫਸੋਸ ਦੀ ਗੱਲ ਹੈ ਕਿ ਨੂਰ ਫਾਤਿਮਾ ਲਈ 16 ਕਰੋੜ ਦਾ ਪ੍ਰਬੰਧ ਨਹੀਂ ਕੀਤਾ ਜਾ ਸਕਿਆ ਅਤੇ ਸਰਵਾਈਵਲ ਮੋਟਰ ਨਿਊਰੋਨ (SMN) ਨਾਮ ਦੀ ਬਿਮਾਰੀ ਕਾਰਨ ਨੂਰ ਫਾਤਿਮਾ ਨੇ ਇਸ ਸੰਸਾਰ ਨੂੰ ਅਲਵਿਦਾ ਕਹਿ ਦਿੱਤਾ।
ਹਾਲਾਂਕਿ, ਨੂਰ ਫਾਤਿਮਾ ਦੀ ਸਮਾਜਿਕ ਸੰਸਥਾਵਾਂ ਅਤੇ ਭਾਰਤ ਦੇ ਲੋਕਾਂ ਦੁਆਰਾ ਨਿਰੰਤਰ ਸਹਾਇਤਾ ਕੀਤੀ ਜਾ ਰਹੀ ਸੀ। ਕੁਝ ਪੈਸੇ ਜਮ੍ਹਾ ਵੀ ਹੋ ਗਏ ਸਨ, ਪਰ ਰੱਬ ਨੂੰ ਕੁਝ ਹੋਰ ਹੀ ਮਨਜ਼ੂਰ ਸੀ। 16 ਕਰੋੜ ਦਾ ਪ੍ਰਬੰਧ ਨਹੀਂ ਹੋ ਸਕਿਆ ਅਤੇ ਅੱਜ ਉਸ ਨੇ ਇਸ ਦੁਨੀਆ ਨੂੰ ਅਲਵਿਦਾ ਕਹਿ ਦਿੱਤਾ. ਇਸ ਤਰ੍ਹਾਂ ਨੂਰ ਫਾਤਿਮਾ ਨੇ ਇਸ ਦੁਨੀਆ ਨੂੰ ਅਲਵਿਦਾ ਕਹਿ ਦਿੱਤਾ ਹੈ, ਉਸ ਤੋਂ ਬਾਅਦ ਇਸ ਪ੍ਰਣਾਲੀ 'ਤੇ ਇਕ ਸਵਾਲੀਆ ਨਿਸ਼ਾਨ ਵੀ ਉੱਠ ਰਿਹਾ ਹੈ।
ਇਸ ਦੇ ਨਾਲ ਹੀ ਹੁਣ ਸੋਸ਼ਲ ਮੀਡੀਆ 'ਤੇ ਨੂਰ ਫਾਤਿਮਾ ਲਈ ਨਿਰੰਤਰ ਅਰਦਾਸਾਂ ਕੀਤੀਆਂ ਜਾ ਰਹੀਆਂ ਹਨ ਅਤੇ ਪ੍ਰਮਾਤਮਾ ਤੋਂ ਬੇਨਤੀ ਕੀਤੀ ਜਾ ਰਹੀ ਹੈ ਕਿ ਨੂਰ ਫਾਤਿਮਾ ਨੂੰ ਜੰਨਾਤੁਲ ਫਿਰਦੋਸ 'ਚ ਉੱਚੇ ਤੋਂ ਉੱਚਾ ਕੀਤਾ ਜਾਵੇ। ਸੋਸ਼ਲ ਮੀਡੀਆ ਰਾਹੀਂ ਨੂਰ ਫਾਤਿਮਾ ਨੂੰ ਸ਼ਰਧਾਂਜਲੀ ਵੀ ਭੇਟ ਕੀਤੀ ਜਾ ਰਹੀ ਹੈ। ਤੁਹਾਨੂੰ ਦੱਸ ਦੇਈਏ ਕਿ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਤੋਂ ਨੂਰ ਫਾਤਿਮਾ ਦੇ ਸੰਬੰਧ ਵਿੱਚ 16 ਕਰੋੜ ਦੇ ਟੀਕੇ ਬਾਰੇ ਇੱਕ ਵੱਡੀ ਮੰਗ ਕੀਤੀ ਗਈ ਸੀ, ਪਰ ਉੱਥੋਂ ਵੀ ਸਹਾਇਤਾ ਨਹੀਂ ਮਿਲ ਸਕੀ।
SMA ਇੱਕ ਦੁਰਲੱਭ ਜੈਨੇਟਿਕ ਬਿਮਾਰੀ ਹੈ...
ਸਪਾਈਨਲ ਮਸਕੂਲਰ ਐਟ੍ਰੋਫੀ (SMA) ਇੱਕ ਬਹੁਤ ਹੀ ਘੱਟ ਜੈਨੇਟਿਕ ਬਿਮਾਰੀ ਹੈ ਜੋ ਨਿਊਰੋ-ਮਾਸਪੇਸ਼ੀ ਜੰਕਸ਼ਨ ਨੂੰ ਪ੍ਰਭਾਵਤ ਕਰਦੀ ਹੈ। ਇਹ ਟਾਈਪ 1 ਅਤੇ ਟਾਈਪ 2, ਦੋ ਕਿਸਮਾਂ ਦੀ ਹੁੰਦੀ ਹੈ। ਇਸ ਵਿੱਚ ਟਾਈਪ 1 ਵਧੇਰੇ ਗੰਭੀਰ ਹੈ। ਇਹ ਬਿਮਾਰੀ ਸਰਵਾਈਵਲ ਮੋਟਰ ਨਿਊਰੋਨ (SMN 1) ਜੀਨ 'ਚ ਇੱਕ ਜੈਨੇਟਿਕ ਵਿਗਾੜ ਕਾਰਨ ਹੁੰਦੀ ਹੈ। ਇਹ ਜੀਨ ਐਸਐਮਐਨ ਪ੍ਰੋਟੀਨ ਨੂੰ ਏਨਕੋਡ ਕਰਦਾ ਹੈ ਜੋ ਮੋਟਰ ਨਿਊਰੋਨਜ਼ ਦੇ ਸਰਵਾਈਵ ਲਈ ਜ਼ਰੂਰੀ ਹੈ।
ਦੱਸ ਦੇਈਏ ਕਿ ਹੈਦਰਾਬਾਦ ਦਾ 3 ਸਾਲ ਦਾ ਬੱਚਾ ਅਯਾਂਸ਼ ਗੁਪਤਾ ਵੀ ਐੱਸ.ਐੱਮ.ਐੱਨ. ਵਰਗੀ ਦੁਰਲੱਭ ਜੈਨੇਟਿਕ ਬਿਮਾਰੀ ਤੋਂ ਪੀੜਤ ਸੀ। ਜਿਸਦੇ ਬਾਅਦ ਬਹੁਤ ਕੋਸ਼ਿਸ਼ਾਂ ਤੋਂ ਬਾਅਦ Zolgensma ਟੀਕਾ ਨਾਮ ਦੀ ਦਵਾਈ ਹੈਦਰਾਬਾਦ ਲਿਆਂਦੀ ਗਈ ਅਤੇ ਇਹ ਬੱਚੇ ਨੂੰ ਦਿੱਤੀ ਗਈ, ਜਿਸ ਨਾਲ ਉਸਦੀ ਜਾਨ ਬਚ ਗਈ।
ਇਹ ਵੀ ਪੜ੍ਹੋ:ਦੀਪ ਸਿੱਧੂ ਨੂੰ ਕੋਈ ਦੇ ਰਿਹਾ 'DRUG'! ਫੇਸਬੁੱਕ ਜ਼ਰੀਏ ਖੁਦ ਹੀ ਕੀਤਾ ਖੁਲਾਸਾ
