ਮੁੰਬਈ: ਭਾਰਤੀ ਸ਼ੇਅਰ ਬਾਜ਼ਾਰ (Stock Market) ਨੇ ਸ਼ੁੱਕਰਵਾਰ ਨੂੰ ਲਗਾਤਾਰ ਦੂਜੇ ਦਿਨ ਤੇਜ਼ੀ ਦਰਜ ਕੀਤੀ ਹੈ। ਸੈਂਸੈਕਸ ਅਤੇ ਨਿਫਟੀ (sensex nifty stay in green zone) ਨੇ ਅੱਜ ਉਛਾਲ ਨਾਲ ਕਾਰੋਬਾਰ ਸ਼ੁਰੂ ਕੀਤਾ ਅਤੇ ਗਲੋਬਲ ਬਾਜ਼ਾਰ ਦੇ ਸਕਾਰਾਤਮਕ ਸੰਕੇਤਾਂ ਕਾਰਨ ਨਿਵੇਸ਼ਕ ਵੀ ਭਾਰੀ ਖ਼ਰੀਦਦਾਰੀ ਕਰ ਰਹੇ ਹਨ।
ਸੈਂਸੈਕਸ (Sensex) ਸਵੇਰੇ 297 ਅੰਕਾਂ ਦੇ ਵਾਧੇ ਨਾਲ 57,818 'ਤੇ ਖੁੱਲ੍ਹਿਆ ਅਤੇ ਕਾਰੋਬਾਰ ਸ਼ੁਰੂ ਕੀਤਾ। ਇਸੇ ਤਰ੍ਹਾਂ ਨਿਫਟੀ (Nifty) ਨੇ ਵੀ 84 ਅੰਕਾਂ ਦੀ ਮਜ਼ਬੂਤੀ ਨਾਲ 17,329 'ਤੇ ਖੁੱਲ੍ਹ ਕੇ ਕਾਰੋਬਾਰ ਕਰਨਾ ਸ਼ੁਰੂ ਕੀਤਾ। ਨਿਵੇਸ਼ਕਾਂ ਨੇ ਅੱਜ ਖ਼ਰੀਦਦਾਰੀ ਦਾ ਰੁਝਾਨ ਬਰਕਰਾਰ ਰੱਖਿਆ ਅਤੇ ਸਵੇਰੇ 9.31 ਵਜੇ ਸੈਂਸੈਕਸ 287 ਅੰਕਾਂ ਦੇ ਵਾਧੇ ਨਾਲ 57,808 'ਤੇ ਕਾਰੋਬਾਰ ਕਰਦਾ ਦੇਖਿਆ ਗਿਆ। ਨਿਫਟੀ ਵੀ 78 ਅੰਕਾਂ ਦੇ ਵਾਧੇ ਨਾਲ 17,323 'ਤੇ ਕਾਰੋਬਾਰ ਕਰ ਰਿਹਾ ਸੀ।
ਅੱਜ ਇਨ੍ਹਾਂ ਸ਼ੇਅਰਾਂ ਉੱਤੇ ਲੱਗੇਗਾ ਦਾਅ : ਨਿਵੇਸ਼ਕਾਂ ਨੇ ਅੱਜ ਦੇ ਕਾਰੋਬਾਰ ਦੀ ਸ਼ੁਰੂਆਤ ਤੋਂ ਹੀ ਓਐਨਜੀਸੀ, ਸਨ ਫਾਰਮਾ, ਟਾਟਾ ਸਟੀਲ, ਗ੍ਰਾਸੀਮ ਇੰਡਸਟਰੀਜ਼ ਅਤੇ ਯੂਪੀਐਲ ਵਰਗੀਆਂ ਕੰਪਨੀਆਂ ਦੇ ਸ਼ੇਅਰਾਂ 'ਤੇ ਸੱਟਾ ਲਗਾਇਆ ਹੈ। ਇਨ੍ਹਾਂ ਸਟਾਕਾਂ 'ਚ 2 ਫੀਸਦੀ ਤੱਕ ਦਾ ਉਛਾਲ ਆਇਆ, ਜਿਸ ਕਾਰਨ ਇਹ ਸ਼ੇਅਰ ਟਾਪ ਗੇਨਰਸ ਦੀ ਸੂਚੀ 'ਚ ਪਹੁੰਚ ਗਏ। ਟਾਟਾ ਕੰਜ਼ਿਊਮਰ, ਟਾਟਾ ਮੋਟਰਜ਼ ਅਤੇ ਓਐਨਜੀਸੀ ਦੇ ਸ਼ੇਅਰਾਂ ਵਿੱਚ ਵੀ ਅੱਜ ਵਾਧਾ ਦੇਖਣ ਨੂੰ ਮਿਲ ਰਿਹਾ ਹੈ। ਦੂਜੇ ਪਾਸੇ ਐਕਸਿਸ ਬੈਂਕ, ਪਾਵਰਗ੍ਰਿਡ, ਮਾਰੂਤੀ, ਐੱਨ.ਟੀ.ਪੀ.ਸੀ., ਐੱਸ.ਬੀ.ਆਈ. ਲਾਈਫ, ਬਜਾਜ ਆਟੋ ਅਤੇ ਬ੍ਰਿਟਾਨੀਆ 'ਚ ਅੱਜ ਬਿਕਵਾਲੀ ਦੇਖਣ ਨੂੰ ਮਿਲੀ, ਜਿਸ ਨਾਲ ਇਹ ਸਟਾਕ ਟਾਪ ਲੂਜ਼ਰ ਦੀ ਸ਼੍ਰੇਣੀ 'ਚ ਆ ਗਏ। ਇਨ੍ਹਾਂ ਸਟਾਕਾਂ 'ਚ ਕਰੀਬ 4 ਫੀਸਦੀ ਦੀ ਗਿਰਾਵਟ ਆਈ ਹੈ।
ਫਾਰਮਾ ਅਤੇ ਰੀਅਲ ਅਸਟੇਟ ਬਣੇ ਅੱਗੇ : ਸੈਕਟਰ ਦੇ ਹਿਸਾਬ ਨਾਲ ਅੱਜ ਦੇ ਕਾਰੋਬਾਰ 'ਚ ਫਾਰਮਾ, ਰਿਐਲਟੀ ਅਤੇ ਪੀਐੱਸਬੀ ਦੇ ਸ਼ੇਅਰਾਂ 'ਤੇ ਕਾਫੀ ਜ਼ੋਰ ਰਿਹਾ। ਇਸ ਤੋਂ ਇਲਾਵਾ ਆਈ.ਟੀ., ਆਟੋ, ਵਿੱਤੀ ਅਤੇ ਧਾਤੂ ਖੇਤਰਾਂ ਦੇ ਸ਼ੇਅਰਾਂ 'ਚ ਵੀ ਵਾਧਾ ਦਰਜ ਕੀਤਾ ਗਿਆ ਹੈ। ਹਾਲਾਂਕਿ, ਕੱਲ੍ਹ ਦੇ ਕਾਰੋਬਾਰ ਵਿੱਚ ਤੇਜ਼ੀ ਫੜਨ ਵਾਲਾ ਐਫਐਮਸੀਜੀ ਸੈਕਟਰ ਅੱਜ ਸੁਸਤ ਨਜ਼ਰ ਆ ਰਿਹਾ ਹੈ ਅਤੇ ਨਿਫਟੀ 'ਤੇ ਅੱਜ ਸਿਰਫ ਇਸ ਸੈਕਟਰ ਵਿੱਚ ਗਿਰਾਵਟ ਦਰਜ ਕੀਤੀ ਗਈ ਹੈ।
ਅੱਜ ਦੇ ਕਾਰੋਬਾਰ 'ਚ ਬੀਐੱਸਈ ਮਿਡਕੈਪ ਅਤੇ ਸਮਾਲਕੈਪ 'ਚ ਵੀ 0.73 ਫੀਸਦੀ ਦੀ ਤੇਜ਼ੀ ਦਰਜ ਕੀਤੀ ਗਈ ਹੈ। ਸਭ ਤੋਂ ਵੱਧ ਮੁਨਾਫੇ ਵਾਲੇ ਸਟਾਕਾਂ ਦੀ ਗੱਲ ਕਰੀਏ ਤਾਂ ਅੱਜ ਸ਼੍ਰੀਰਾਮ ਟਰਾਂਸਪੋਰਟ ਫਾਈਨਾਂਸ ਨੇ 6 ਫੀਸਦੀ ਦਾ ਵਾਧਾ ਕੀਤਾ ਹੈ। ਇਸ ਦੇ ਨਾਲ ਹੀ ਸ਼ਾਪਰਜ਼ ਸਟਾਪ ਦੇ ਸ਼ੇਅਰਾਂ 'ਚ ਅੱਜ 6 ਫੀਸਦੀ ਦੀ ਗਿਰਾਵਟ ਦੇਖਣ ਨੂੰ ਮਿਲ ਰਹੀ ਹੈ।
ਏਸ਼ੀਆਈ ਬਾਜ਼ਾਰ ਵੀ ਹਰੇ ਨਿਸ਼ਾਨ 'ਤੇ ਖੁੱਲ੍ਹੇ : ਅਮਰੀਕਾ ਅਤੇ ਯੂਰਪ 'ਚ ਆਈ ਤੇਜ਼ੀ ਦਾ ਅਸਰ ਏਸ਼ੀਆ ਦੇ ਜ਼ਿਆਦਾਤਰ ਬਾਜ਼ਾਰਾਂ 'ਤੇ ਦੇਖਣ ਨੂੰ ਮਿਲਿਆ ਅਤੇ ਸ਼ੁੱਕਰਵਾਰ ਸਵੇਰੇ ਹਰੇ ਨਿਸ਼ਾਨ 'ਤੇ ਕਾਰੋਬਾਰ ਸ਼ੁਰੂ ਹੋਇਆ। ਸਿੰਗਾਪੁਰ ਦਾ ਸਟਾਕ ਐਕਸਚੇਂਜ 0.31 ਫੀਸਦੀ ਚੜ੍ਹ ਕੇ ਕਾਰੋਬਾਰ ਕਰ ਰਿਹਾ ਸੀ, ਜਦੋਂ ਕਿ ਜਾਪਾਨ ਦਾ ਨਿੱਕੇਈ 1.31 ਫੀਸਦੀ ਚੜ੍ਹਿਆ ਸੀ। ਦੱਖਣੀ ਕੋਰੀਆ ਦੇ ਕੋਸਪੀ ਸਟਾਕ ਐਕਸਚੇਂਜ 'ਚ 0.79 ਫੀਸਦੀ ਦੀ ਤੇਜ਼ੀ ਦੇਖਣ ਨੂੰ ਮਿਲ ਰਹੀ ਹੈ, ਜਦਕਿ ਚੀਨ ਦਾ ਸ਼ੰਘਾਈ ਕੰਪੋਜ਼ਿਟ 0.03 ਫੀਸਦੀ ਦੇ ਵਾਧੇ ਨਾਲ ਕਾਰੋਬਾਰ ਕਰ ਰਿਹਾ ਹੈ।
ਇਹ ਵੀ ਪੜ੍ਹੋ : ਕ੍ਰਿਪਟੋਕਰੰਸੀ ਬਾਜ਼ਾਰ: ਬਿਟਕੋਇਨ, ਈਥਰਿਅਮ ਵਿੱਚ ਉਛਾਸ, ਸ਼ਿਬਾ ਇਨੂ ਡਿੱਗੇ
