ਉਤਰਾਖੰਡ: ਆਰਐਸਐਸ (RSS) ਮੁੱਖੀ ਮੋਹਨ ਭਾਗਵਤ (Mohan Bhagwat) ਨੇ ਐਤਵਾਰ ਨੂੰ ਉਤਰਾਖੰਡ ਦੇ ਹਲਦਵਾਨੀ 'ਚ ਸੰਘ ਦੇ ਪਰਿਵਾਰ ਪ੍ਰਬੋਧਨ ਪ੍ਰੋਗਰਾਮ (Parivar Prabodhan program) ਵਿੱਚ 2500 ਲੋਕਾਂ ਨੂੰ ਸੰਬੋਧਨ ਕੀਤਾ। ਮੋਹਨ ਭਾਗਵਤ ਨੇ ਕਿਹਾ ਕਿ ਸਮਾਜ ਪਰਿਵਾਰ ਦੇ ਅਧਾਰ 'ਤੇ ਚਲਦਾ ਹੈ। ਜੇਕਰ ਹਰ ਕੋਈ ਇੱਕ ਦੂਜੇ ਦੀ ਨਿਰਭਰਤਾ ਨੂੰ ਸਵੀਕਾਰ ਕਰਦਾ ਹੈ, ਤਾਂ ਸਮਾਜ ਸਹੀ ਢੰਗ ਨਾਲ ਚੱਲੇਗਾ।
ਆਰਐਸਐਸ ਮੁਖੀ ਮੋਹਨ ਭਾਗਵਤ (Mohan Bhagwat) ਨੇ ਸੰਘ ਦੇ ਪਰਿਵਾਰ ਪ੍ਰਬੋਧਨ ਪ੍ਰੋਗਰਾਮ ਵਿੱਚ ਕਿਹਾ ਕਿ ਸਮਾਜ ਵਿੱਚ ਹਰ ਕਿਸੇ ਨਾਲ ਇੱਕਠੇ ਵਿਵਹਾਰ ਕਰਨਾ ਚਾਹੀਦਾ ਹੈ। ਪਰਿਵਾਰ ਇਹ ਹੀ ਸਿਖਾਉਂਦਾ ਹੈ। ਸਮਾਜ ਵਿੱਚ ਹਰ ਕਿਸੇ ਨੂੰ ਉੱਚੇ -ਨੀਵੇਂ, ਜਾਤ-ਪਾਤ ਤੋਂ ਉੱਤੇ ਉੱਠ ਕੇ ਕੰਮ ਕਰਨ ਦੀ ਲੋੜ ਹੈ। ਇਸ ਤਰ੍ਹਾਂ ਪੂਰਾ ਭਾਰਤ ਇੱਕ ਪਰਿਵਾਰ ਹੈ। ਅਸੀਂ ਸਾਰੇ ਇਸ ਭਾਰਤ ਮਾਤਾ ਦਾ ਪਰਿਵਾਰ ਹਾਂ। ਸਾਨੂੰ ਸਾਰਿਆਂ ਨੂੰ ਇਕੱਠੇ ਰਹਿਣ ਦੀ ਜ਼ਰੂਰਤ ਹੈ। ਜਿਸ ਤਰ੍ਹਾਂ ਗਾਂ ਸਾਡੀ ਮਾਂ ਹੈ,ਉਂਝ ਹੀ ਕੁਦਰਤ ਵੀ ਸਾਡੀ ਮਾਂ ਹੈ ਅਤੇ ਸਾਨੂੰ ਸਮੁੱਚੀ ਮਾਨਵਤਾ ਦੇ ਨਾਲ ਰਹਿਣਾ ਹੈ। ਮਨੁੱਖਤਾ ਨੂੰ ਕਾਇਮ ਰੱਖਣਾ ਪਰਿਵਾਰ ਦਾ ਇੱਕ ਮਹੱਤਵਪੂਰਨ ਹਿੱਸਾ ਹੈ ਅਤੇ ਸਾਡਾ ਪਰਿਵਾਰ ਮਹਿਜ਼ ਮਤਲਬ ਪੂਰਾ ਹੋਣ ਨਾਲ ਨਹੀਂ ਬੱਝਿਆ ਹੈ।
ਇਸ ਤੋਂ ਇਲਾਵਾ ਮੋਹਨ ਭਾਗਵਤ (Mohan Bhagwat) ਨੇ ਕਿਹਾ ਕਿ ਪਰਿਵਾਰ ਵਿੱਚ ਆਪਣੇ ਬੱਚਿਆਂ ਨੂੰ ਚੰਗੇ ਸੰਸਕਾਰ ਦਿਓ, ਤਾਂ ਜੋ ਸਾਡੇ ਬੱਚੇ ਸਾਡੀਆਂ ਪੁਰਾਣੀਆਂ ਕਦਰਾਂ ਕੀਮਤਾਂ ਨੂੰ ਕਾਇਮ ਰੱਖ ਸਕਣ। ਇਸ ਤੋਂ ਇਲਾਵਾ, ਪੂਰੇ ਪਰਿਵਾਰ ਨੂੰ ਹਫ਼ਤੇ ਵਿੱਚ 1 ਦਿਨ ਇਕੱਠੇ ਬੈਠਣਾ ਚਾਹੀਦਾ ਹੈ ਅਤੇ ਭੋਜਨ ਕੀਰਤਨ ਕਰਨਾ ਚਾਹੀਦਾ ਹੈ ਅਤੇ ਸਮੂਹਿਕ ਤੌਰ 'ਤੇ ਘਰ ਦਾ ਪਕਾਇਆ ਭੋਜਨ ਹੀ ਖਾਣਾ ਚਾਹੀਦਾ ਹੈ। ਇਸ ਨਾਲ ਪਰਿਵਾਰ ਵਿੱਚ ਖੁਸ਼ੀਆਂ ਵੀ ਆਉਣਗੀਆਂ ਅਤੇ ਪਰਿਵਾਰ ਨੂੰ ਤਾਕਤ ਵੀ ਮਿਲੇਗੀ। ਆਪਣੇ ਬੱਚਿਆਂ ਨੂੰ ਬਾਹਰ ਜਾਣ ਤੋਂ ਨਾ ਰੋਕੋ, ਬਲਕਿ ਉਨ੍ਹਾਂ ਨੂੰ ਜੀਉਣਾ ਸਿਖਾਓ।
ਮੋਹਨ ਭਾਗਵਤ (Mohan Bhagwat) ਨੇ ਕਿਹਾ ਕਿ ਪੂਰੇ ਭਾਰਤ ਵਿੱਚ 800 ਤਰ੍ਹਾਂ ਦੇ ਵੱਖ -ਵੱਖ ਤਰ੍ਹਾਂ ਦੇ ਭੋਜਨ ਤਿਆਰ ਕੀਤੇ ਜਾਂਦੇ ਹਨ, ਜਿਨ੍ਹਾਂ ਵਿੱਚ ਬਹੁਤ ਸਾਰੇ ਅਜਿਹੇ ਭੋਜਨ ਹੁੰਦੇ ਹਨ ਜੋ ਪੋਸ਼ਣ ਨਾਲ ਭਰਪੂਰ ਹੁੰਦੇ ਹਨ। ਉੱਤਰਾਖੰਡ ਵਿੱਚ ਵੀ ਕਈ ਪ੍ਰਕਾਰ ਦੇ ਭੋਜਨ ਹਨ, ਜੋ ਕਿ ਕਾਫ਼ੀ ਸੁਆਦ ਭਰੇ ਹੁੰਦੇ ਹਨ। ਲੋਕਾਂ ਨੂੰ ਬਾਹਰ ਖਾਣਾ ਖਾਣ ਤੋਂ ਪਰਹੇਜ਼ ਕਰਨਾ ਚਾਹੀਦਾ ਹੈ ਅਤੇ ਪਰਿਵਾਰ ਨਾਲ ਘਰ ਬੈਠ ਕੇ ਖਾਣਾ ਚਾਹੀਦਾ ਹੈ।
ਮੋਹਨ ਭਾਗਵਤ (Mohan Bhagwat) ਨੇ ਕਿਹਾ ਕਿ ਜਿੰਨਾ ਜ਼ਿਆਦਾ ਤੁਸੀਂ ਯਾਤਰਾ ਕਰੋਗੇ, ਤੁਹਾਨੂੰ ਉਨ੍ਹਾਂ ਹੀ ਵੱਧ ਗਿਆਨ ਮਿਲੇਗਾ। ਤੁਹਾਨੂੰ ਵਿਦੇਸ਼ਾਂ ਵਿੱਚ ਵੀ ਜਾਣਾ ਚਾਹੀਦਾ ਹੈ, ਪਰ ਭਾਰਤ ਵਿੱਚ ਆਪਣੇ ਤੀਰਥ ਸਥਾਨ ਦੇ ਧਾਰਮਿਕ ਸਥਾਨ 'ਤੇ ਵੀ ਜਾਣਾ ਚਾਹੀਦਾ ਹੈ, ਤਾਂ ਜੋ ਤੁਸੀਂ ਉਨ੍ਹਾਂ ਬਾਰੇ ਵੀ ਜਾਣਕਾਰੀ ਹਾਸਲ ਕਰ ਸਕੋ। ਅੱਜ ਨੌਜਵਾਨ ਪੀੜ੍ਹੀ ਨਸ਼ਿਆਂ ਨਾਲ ਬਰਬਾਦ ਹੋ ਰਹੀ ਹੈ। ਨਸ਼ੇ ਦੀ ਲਤ ਨੈਨੀਤਾਲ ਅਤੇ ਦੇਹਰਾਦੂਨ ਜ਼ਿਲ੍ਹਿਆਂ ਵਿੱਚ ਫੈਲ ਚੁੱਕੀ ਹੈ। ਇਸ ਨੂੰ ਖ਼ਤਮ ਕਰਨ ਲਈ ਸਾਨੂੰ ਸਾਰਿਆਂ ਨੂੰ ਮਿਲ ਕੇ ਇੱਕ ਜਨਤਕ ਜਾਗਰੂਕਤਾ ਮੁਹਿੰਮ ਚਲਾਉਣ ਦੀ ਲੋੜ ਹੈ, ਤਾਂ ਜੋ ਨਸ਼ਾ ਪੂਰੀ ਤਰ੍ਹਾਂ ਬੰਦ ਕੀਤਾ ਜਾ ਸਕੇ।
ਆਪਣੇ ਸੰਬੋਧਨ ਵਿੱਚ ਮੋਹਨ ਭਾਗਵਤ (Mohan Bhagwat) ਨੇ ਕਿਹਾ ਕਿ ਜਿਸ ਦਿਨ ਸਮਾਜ ਅਜਿਹਾ ਬਣ ਜਾਵੇਗਾ, ਉਸ ਦਿਨ ਰਾਸ਼ਟਰ ਦਾ ਨਿਰਮਾਣ ਹੋਵੇਗਾ ਅਤੇ ਜਿਸ ਦਿਨ ਰਾਸ਼ਟਰ ਦਾ ਨਿਰਮਾਣ ਹੋਵੇਗਾ, ਸਾਰਾ ਸੰਸਾਰ ਬਣ ਜਾਵੇਗਾ ਅਤੇ ਭਾਰਤ ਵੀ ਵਿਸ਼ਵ ਗੁਰੂ ਬਣ ਜਾਵੇਗਾ। ਇੰਨਾ ਹੀ ਨਹੀਂ, ਜੇ ਹਿੰਦੂ ਜਾਗਣਗੇ ਤਾਂ ਦੁਨੀਆਂ ਜਾਗ ਜਾਵੇਗੀ।
ਇਹ ਵੀ ਪੜ੍ਹੋ : ਭਾਰਤ ਚੀਨ ਵਿਚਾਲੇ 13ਵੇਂ ਦੌਰ ਦੀ ਲੱਦਾਖ ਗੱਲਬਾਤ ਬੇਸਿੱਟਾ, ਸਰਦੀਆਂ ’ਚ ਫੌਜ ਦੀ ਤੈਨਾਤੀ ’ਤੇ ਰਹਿਣਗੀਆਂ ਨਜ਼ਰਾਂ
