ਨਵੀਂ ਦਿੱਲੀ: 73ਵੇਂ ਗਣਤੰਤਰ ਦਿਵਸ ਦੀ ਪਰੇਡ ਦੀ ਸਮਾਪਤੀ ਤੋਂ ਬਾਅਦ ਰਾਸ਼ਟਰਪਤੀ ਰਾਮ ਨਾਥ ਕੋਵਿੰਦ ਦੇ ਅੰਗ ਰੱਖਿਅਕ ਉਨ੍ਹਾਂ ਨੂੰ ਲੈਣ ਲਈ ਘੋੜੇ 'ਤੇ ਆਏ। ਇਨ੍ਹਾਂ ਵਿੱਚੋਂ ਇੱਕ ਘੋੜੇ ਨੂੰ ਪੀਐਮ ਮੋਦੀ ਅਤੇ ਰੱਖਿਆ ਮੰਤਰੀ ਰਾਜਨਾਥ ਸਿੰਘ ਨੇ ਥਾਪਿਆ ਸੀ। ਇਹ ਉਹੀ 'ਵਿਰਾਟ' ਘੋੜਾ ਹੈ ਜਿਸ ਨੂੰ ਉਸ ਦੀ ਯੋਗਤਾ ਅਤੇ ਸੇਵਾਵਾਂ ਲਈ ਚੀਫ਼ ਆਫ਼ ਆਰਮੀ ਸਟਾਫ਼ ਦਾ ਪ੍ਰਸ਼ੰਸਾ ਕਾਰਡ ਮਿਲਿਆ ਹੈ।
ਵਿਰਾਟ ਨਾਮ ਦੇ ਇਸ ਘੋੜੇ ਨੂੰ ਰਾਸ਼ਟਰਪਤੀ ਦੇ ਅੰਗ ਰੱਖਿਅਕਾਂ ਦਾ ਚਾਰਜਰ ਵੀ ਕਿਹਾ ਜਾਂਦਾ ਹੈ। ਉਹ ਇੱਕ ਹੋਨੋਵਰੀਅਨ ਨਸਲ ਦਾ ਘੋੜਾ ਹੈ, ਜੋ 2003 ਵਿੱਚ ਰੀਮਾਉਂਟ ਟ੍ਰੇਨਿੰਗ ਸਕੂਲ, ਹੇਮਪੁਰ ਤੋਂ ਰਾਸ਼ਟਰਪਤੀ ਦੇ ਅੰਗ ਰੱਖਿਅਕਾਂ ਦੀ ਟੀਮ ਵਿੱਚ ਸ਼ਾਮਲ ਹੋਇਆ ਸੀ। ਵਿਰਾਟ ਪਿਛਲੇ 13 ਸਾਲਾਂ ਤੋਂ ਗਣਤੰਤਰ ਦਿਵਸ ਪਰੇਡ ਅਤੇ ਹੋਰ ਰਾਸ਼ਟਰੀ ਸਮਾਰੋਹਾਂ 'ਚ ਸ਼ਾਮਲ ਰਹੇ ਹਨ। ਵਿਰਾਟ ਰਾਸ਼ਟਰਪਤੀ ਦੇ ਬਾਡੀਗਾਰਡ ਫਲੀਟ ਵਿੱਚ ਇਹ ਸਨਮਾਨ ਪ੍ਰਾਪਤ ਕਰਨ ਵਾਲਾ ਪਹਿਲਾ ਘੋੜਾ ਹੈ। ਪਰੇਡ ਦੌਰਾਨ ਵਿਰਾਟ ਨੂੰ ਸਭ ਤੋਂ ਭਰੋਸੇਮੰਦ ਘੋੜਾ ਮੰਨਿਆ ਜਾਂਦਾ ਹੈ।
ਦੱਸ ਦਈਏ ਕਿ ਇਹ ਕੋਈ ਆਮ ਘੋੜਾ ਨਹੀਂ, ਸਗੋਂ ਦੇਸ਼ ਦੇ ਰਾਸ਼ਟਰਪਤੀ ਦੇ ਅੰਗ ਰੱਖਿਅਕ ਪਰਿਵਾਰ ਵਿੱਚ ਸ਼ਾਮਲ ਵਿਰਾਟ ਘੋੜਾ ਹੈ। ਵਿਰਾਟ ਮੌਜੂਦਾ ਰਾਸ਼ਟਰਪਤੀ ਰਾਮ ਨਾਥ ਕੋਵਿੰਦ ਦੇ ਨਾਲ-ਨਾਲ ਸਾਬਕਾ ਰਾਸ਼ਟਰਪਤੀ ਪ੍ਰਤਿਭਾ ਪਾਟਿਲ, ਪ੍ਰਣਬ ਮੁਖ਼ਰਜੀ ਨੂੰ ਰਸਮੀ ਪਰੇਡਾਂ ਵਿੱਚ ਸਨਮਾਨ ਨਾਲ ਏਸਕਾਰਟ ਕਰਨ ਲਈ ਮਾਣ ਹਾਸਲ ਪ੍ਰਾਪਤ ਕਰ ਚੁੱਕਾ ਹੈ।
ਇਹ ਵੀ ਪੜ੍ਹੋ: Republic Day 2022: ਜੋਸ਼, ਹੌਂਸਲੇ ਅਤੇ ਉਤਸ਼ਾਹ ਨਾਲ ਪਰੇਡ ਦੀ ਸਮਾਪਤੀ, ਪਹਿਲੀ ਵਾਰ ਦਿਖਿਆ ਵਧੀਆ ਨਜ਼ਾਰਾ
