ਚੰਡੀਗੜ੍ਹ: ਓਮ ਪ੍ਰਕਾਸ਼ ਚੌਟਾਲਾ ਨੇ ਸ਼੍ਰੋਮਣੀ ਅਕਾਲੀ ਦਲ ਦੇ ਸਰਪ੍ਰਸਤ ਪ੍ਰਕਾਸ਼ ਸਿੰਘ ਬਾਦਲ ਨਾਲ ਮੁਲਾਕਾਤ ਕੀਤੀ। ਦੱਸ ਦਈਏ ਕਿ ਇਹ ਮੁਲਾਕਾਤ ਸ੍ਰੀ ਮੁਕਤਸਰ ਸਾਹਿਬ ਦੇ ਪਿੰਡ ਬਾਦਲ ਵਿਖੇ ਹੋਈ ਹੈ ਜਿਥੇ ਓਮ ਪ੍ਰਕਾਸ਼ ਚੌਟਾਲਾ ਮੁਲਾਕਾਤ ਲਈ ਪਹੁੰਚੇ ਸਨ।
ਇਹ ਵੀ ਪੜੋ: ਪੰਜਾਬ ਸਰਕਾਰ ਵਲੋਂ ਉਲੰਪਿਕ ਖਿਡਾਰੀਆਂ ਨੂੰ ਕੀਤਾ ਸਨਮਾਨਿਤ
ਦੱਸ ਦਈਏ ਕਿ ਕੁਝ ਸਮਾਂ ਪਹਿਲਾਂ ਹੀ ਓਮ ਪ੍ਰਕਾਸ਼ ਚੌਟਾਲਾ ਜੇਲ੍ਹ ’ਚੋਂ ਰਿਹਾਅ ਹੋ ਕੇ ਆਏ ਹਨ ਜੋ ਕਿ 10 ਸਾਲ ਦੀ ਸਜਾ ਕੱਟ ਘਰ ਪਰਤੇ ਹਨ।
ਕੀ ਸੀ ਮਾਮਲਾ ?
ਸੀਬੀਆਈ ਚਾਰਜਸ਼ੀਟ ਦੇ ਅਨੁਸਾਰ ਜੇਬੀਟੀ ਅਧਿਆਪਕ ਦੀ ਭਰਤੀ ਸਾਲ 1999-2000 ਵਿੱਚ ਹਰਿਆਣਾ ਵਿੱਚ ਇਨੈਲੋ ਦੀ ਸਰਕਾਰ ਬਣਨ ਤੋਂ ਬਾਅਦ ਕੱਢੀ ਸੀ। ਚੌਟਾਲਾ ਸਰਕਾਰ ਨੇ SSC ਤੋਂ ਭਰਤੀ ਦਾ ਅਧਿਕਾਰ ਆਪਣੇ ਕੋਲ ਲੈ ਲਿਆ ਅਤੇ ਇਸ ਲਈ ਜ਼ਿਲ੍ਹਾ ਪੱਧਰ ’ਤੇ ਕਮੇਟੀਆਂ ਦਾ ਗਠਨ ਕੀਤਾ। ਚਾਰਜਸ਼ੀਟ ਦੇ ਅਨੁਸਾਰ ਓਮ ਪ੍ਰਕਾਸ਼ ਚੌਟਾਲਾ ਅਤੇ ਅਜੇ ਚੌਟਾਲਾ ਨੇ 3206 ਜੂਨੀਅਰ ਬੇਸਿਕ ਟ੍ਰੇਨਡ (ਜੇਬੀਟੀ) ਅਧਿਆਪਕਾਂ ਦੀ ਨਿਯੁਕਤੀ ਵਿੱਚ ਜਾਅਲੀ ਦਸਤਾਵੇਜ਼ ਵਰਤੇ ਸਨ। ਨਿਯੁਕਤੀਆਂ ਦੀ ਦੂਜੀ ਸੂਚੀ ਹਰਿਆਣਾ ਭਵਨ ਵਿਖੇ 18 ਜ਼ਿਲ੍ਹਿਆਂ ਦੀ ਚੋਣ ਕਮੇਟੀ ਦੇ ਮੈਂਬਰਾਂ ਅਤੇ ਚੇਅਰਪਰਸਨਾਂ ਨੂੰ ਚੰਡੀਗੜ੍ਹ ਦੇ ਗੈਸਟ ਹਾਉਸ ਵਿੱਚ ਬੁਲਾ ਕੇ ਤਿਆਰ ਕੀਤੀ ਗਈ ਸੀ। ਇਸ ਵਿੱਚ ਅਯੋਗ ਉਮੀਦਵਾਰਾਂ ਦੇ ਨਾਮ ਜਿਨ੍ਹਾਂ ਕੋਲੋਂ ਪੈਸੇ ਮਿਲੇ ਸਨ, ਨੂੰ ਯੋਗ ਉਮੀਦਵਾਰਾਂ ਦੀ ਸੂਚੀ ਵਿੱਚ ਪਾ ਦਿੱਤਾ ਗਿਆ ਸੀ।
ਇਸ ਤਰ੍ਹਾਂ ਹੋਇਆ ਸੀ ਕੇਸ ਦਾ ਖੁਲਾਸਾ
ਜੇਬੀਟੀ ਭਰਤੀ ਘੁਟਾਲੇ ਨੂੰ ਅੰਜਾਮ ਦੇਣ ਲਈ 1985 ਬੈਚ ਦੇ IAS ਅਧਿਕਾਰੀ ਸੰਜੀਵ ਕੁਮਾਰ ਨੂੰ ਸਿੱਖਿਆ ਵਿਭਾਗ ਦਾ ਡਾਇਰੈਕਟਰ ਬਣਾਇਆ ਗਿਆ ਸੀ। ਕੇਸ ਅਨੁਸਾਰ ਸੰਜੀਵ ਕੁਮਾਰ ਦਾ ਉਮੀਦਵਾਰ ਵੀ ਪ੍ਰੀਖਿਆ ਤੋਂ ਬਾਅਦ ਯੋਗ ਉਮੀਦਵਾਰਾਂ ਦੀ ਸੂਚੀ ਵਿੱਚ ਸ਼ਾਮਲ ਸੀ। ਜਦੋਂ ਨਤੀਜੇ ਐਲਾਨ ਕਰਨ ਦਾ ਸਮਾਂ ਆਇਆ ਤਾਂ ਅਜੈ ਚੌਟਾਲਾ ਅਤੇ ਸ਼ੇਰ ਸਿੰਘ ਬਦਸ਼ਮੀ ਨੇ ਕੁਮਾਰ ਨੂੰ ਧਮਕੀ ਦਿੱਤੀ ਅਤੇ ਆਪਣੀ ਸੂਚੀ ਵਿਚੋਂ ਆਪਣੇ ਉਮੀਦਵਾਰਾਂ ਦੇ ਨਾਮ ਮਿਟਾਉਣ ਤੋਂ ਬਾਅਦ ਨਵੀਂ ਸੂਚੀ ਬਣਾ ਦਿੱਤੀ ਅਤੇ ਨਤੀਜੇ ਐਲਾਨਣ ਲਈ ਕਿਹਾ। ਇੱਥੋਂ ਹੀ ਘੁਟਾਲੇ ਦਾ ਖੁਲਾਸਾ ਹੋਣਾ ਸ਼ੁਰੂ ਹੋਇਆ ਸੀ।
ਓਪੀ ਚੌਟਾਲਾ ਦਾ ਸਿਆਸੀ ਸਫ਼ਰ
ਓ ਪੀ ਪ੍ਰਕਾਸ਼ ਚੌਟਾਲਾ ਦੇ ਮੁੱਖ ਮੰਤਰੀ ਸ੍ਰੀ ਓਮ ਪ੍ਰਕਾਸ਼ ਚੌਟਾਲਾ ਦਾ ਜਨਮ 1 ਜਨਵਰੀ, 1935 ਨੂੰ ਹਰਿਆਣਾ ਦੇ ਸਿਰਸਾ ਪਿੰਡ ਵਿੱਚ ਹੋਇਆ ਸੀ। ਓਪੀ ਚੌਟਾਲਾ ਸਾਬਕਾ ਉਪ ਮੁੱਖ ਮੰਤਰੀ ਚੌਧਰੀ ਦੇਵੀ ਲਾਲ ਦਾ ਪੁੱਤਰ ਹੈ। ਓਮਪ੍ਰਕਾਸ਼ ਚੌਟਾਲਾ ਪੰਜ ਵਾਰ (1970, 1990, 1993, 1996 ਅਤੇ 2000) ਹਰਿਆਣਾ ਵਿਧਾਨ ਸਭਾ ਦੇ ਮੈਂਬਰ ਰਹਿ ਚੁੱਕੇ ਹਨ। 1989 ਵਿੱਚ, ਓਮ ਪ੍ਰਕਾਸ਼ ਚੌਟਾਲਾ ਪਹਿਲੀ ਵਾਰ ਰਾਜ ਦੇ ਮੁੱਖ ਮੰਤਰੀ ਬਣੇ। ਇਸ ਤੋਂ ਬਾਅਦ ਉਹ 1990, 1991 ਅਤੇ 1999 ਵਿਚ ਮੁੱਖ ਮੰਤਰੀ ਵੀ ਬਣੇ।
ਇਹ ਵੀ ਪੜੋ: 1984 ਸਿੱਖ ਕਤਲੇਆਮ: SIT ਨੇ 36 ਸਾਲ ਤੋਂ ਬੰਦ ਕਮਰੇ ਨੂੰ ਖੋਲ ਕੇ ਇਕੱਠਾ ਕੀਤੇ ਸਬੂਤ
