ਨੰਦੂਰਬਾਰ: ਤੁਹਾਡੇ ਵਿੱਚੋਂ ਕਈਆਂ ਨੇ ਨਵਾਪੁਰ ਰੇਲਵੇ ਸਟੇਸ਼ਨ ਬਾਰੇ ਸੁਣਿਆ ਹੋਵੇਗਾ। ਪਰ ਸ਼ਾਇਦ ਤੁਹਾਨੂੰ ਇਹ ਨਹੀਂ ਪਤਾ ਹੋਵੇਗਾ ਕਿ ਇਹ 2 ਰਾਜਾਂ ਵਿੱਚ ਸਥਿਤ ਹੈ। ਸੌਖੇ ਸ਼ਬਦਾਂ ਵਿਚ ਇਹ 2 ਰਾਜਾਂ ਦੀ ਸਰਹੱਦ 'ਤੇ ਬਣਿਆ ਹੈ। ਇਸ ਸਟੇਸ਼ਨ ਅੱਧਾ ਮਹਾਰਾਸ਼ਟਰ ਅਤੇ ਅੱਧਾ ਗੁਜਰਾਤ ਵਿੱਚ ਹੈ। ਵੈਸੇ, ਇਹ ਮਹਾਰਾਸ਼ਟਰ ਦੇ ਨੰਦੂਰਬਾਰ ਜ਼ਿਲ੍ਹੇ ਵਿੱਚ ਹੈ, ਜਦੋਂ ਕਿ ਸਟੇਸ਼ਨ ਦਾ ਦੂਜਾ ਹਿੱਸਾ ਗੁਜਰਾਤ ਦੇ ਤਾਪੀ ਜ਼ਿਲ੍ਹੇ ਵਿੱਚ ਸਥਿਤ ਹੈ।
ਇਹ ਸਟੇਸ਼ਨ ਕਈ ਤਰੀਕਿਆਂ ਨਾਲ ਵਿਲੱਖਣ ਹੈ। ਇਸ ਸਟੇਸ਼ਨ 'ਤੇ ਰੇਲ ਨਾਲ ਸਬੰਧਤ ਸਾਰੀ ਜਾਣਕਾਰੀ ਚਾਰ ਭਾਸ਼ਾਵਾਂ ਵਿੱਚ ਦਿੱਤੀ ਜਾਂਦੀ ਹੈ। ਇਨ੍ਹਾਂ ਵਿੱਚ ਮਰਾਠੀ, ਗੁਜਰਾਤੀ ਅੰਗਰੇਜ਼ੀ ਅਤੇ ਹਿੰਦੀ ਸ਼ਾਮਲ ਹਨ। ਇੰਨਾ ਹੀ ਨਹੀਂ, ਘੋਸ਼ਣਾ ਵੀ ਇਨ੍ਹਾਂ ਚਾਰ ਭਾਸ਼ਾਵਾਂ ਵਿੱਚ ਹੁੰਦੀ ਹੈ। ਅਜਿਹੇ 'ਚ ਇੱਥੇ ਯਾਤਰੀਆਂ ਨੂੰ ਵੱਖਰਾ ਹੀ ਅਹਿਸਾਸ ਹੁੰਦਾ ਹੈ। ਇਸ ਤੋਂ ਵੀ ਖਾਸ ਗੱਲ ਇਹ ਹੈ ਕਿ ਪਲੇਟਫਾਰਮ 'ਤੇ ਇਕ ਬੈਂਚ ਹੈ, ਜਿਸ ਦਾ ਇਕ ਹਿੱਸਾ ਮਹਾਰਾਸ਼ਟਰ ਵਿਚ ਹੈ ਅਤੇ ਦੂਜਾ ਹਿੱਸਾ ਗੁਜਰਾਤ ਵਿਚ ਹੈ। ਇਸ ਬੈਂਚ 'ਤੇ ਬੈਠ ਕੇ ਲੋਕ ਬਹੁਤ ਖੁਸ਼ ਮਹਿਸੂਸ ਕਰਦੇ ਹਨ। ਇਸ ਤਰ੍ਹਾਂ ਦਾ ਅਨੁਭਵ ਹੋਰ ਕਿਤੇ ਨਹੀਂ ਹੋ ਸਕਦਾ।
ਨਵਾਪੁਰ ਰੇਲਵੇ ਸਟੇਸ਼ਨ ਬਾਰੇ ਇੱਕ ਲੰਮੀ ਕਹਾਣੀ ਹੈ। ਦਰਅਸਲ ਇਹ ਸਟੇਸ਼ਨ ਗੁਜਰਾਤ ਅਤੇ ਮਹਾਰਾਸ਼ਟਰ ਦੀ ਵੰਡ ਤੋਂ ਪਹਿਲਾਂ ਬਣਾਇਆ ਗਿਆ ਸੀ। ਜਦੋਂ 1 ਮਈ 1961 ਨੂੰ ਦੋਹਾਂ ਸੂਬਿਆਂ ਦੀ ਵੰਡ ਹੋਈ ਤਾਂ ਇਹ ਸਟੇਸ਼ਨ ਬਿਲਕੁਲ ਸਰਹੱਦ 'ਤੇ ਸੀ। ਉਦੋਂ ਹੀ ਇਸ ਨੂੰ ਦੋਵਾਂ ਸੂਬਿਆਂ ਦੀ ਸਰਹੱਦ 'ਤੇ ਲਗਾਉਣ ਦਾ ਫੈਸਲਾ ਕੀਤਾ ਗਿਆ ਸੀ। ਵੈਸੇ, ਇਸਨੂੰ ਕਿਸੇ ਇੱਕ ਰਾਜ ਵਿੱਚ ਰੱਖਿਆ ਜਾ ਸਕਦਾ ਸੀ।
ਪਰ ਅਜਿਹਾ ਨਹੀਂ ਕੀਤਾ ਗਿਆ। ਉਦੋਂ ਤੋਂ ਇਸ ਸਟੇਸ਼ਨ ਦੀ ਵੱਖਰੀ ਪਛਾਣ ਬਣ ਗਈ ਹੈ। ਸੋਸ਼ਲ ਮੀਡੀਆ ਵੱਲ ਲੋਕਾਂ ਦੇ ਵਧਦੇ ਰੁਝਾਨ ਨੂੰ ਦੇਖਦੇ ਹੋਏ ਇੱਥੇ ਸੈਲਫੀ ਪੁਆਇੰਟ ਵੀ ਬਣਾਇਆ ਗਿਆ ਹੈ। ਵੱਡੀ ਗਿਣਤੀ ਵਿੱਚ ਯਾਤਰੀ ਇੱਥੇ ਫੋਟੋ ਖਿਚਵਾਉਂਦੇ ਹਨ। ਇਸ ਤੋਂ ਵੀ ਦਿਲਚਸਪ ਗੱਲ ਇਹ ਹੈ ਕਿ ਨਵਾਪੁਰ ਸਟੇਸ਼ਨ ਦਾ ਸਟੇਸ਼ਨ ਮਾਸਟਰ ਗੁਜਰਾਤ ਵਿਚ ਬੈਠਦਾ ਹੈ, ਜਦੋਂ ਕਿ ਇਸ ਦੀ ਖਿੜਕੀ ਮਹਾਰਾਸ਼ਟਰ ਵਿਚ ਪੈਂਦੀ ਹੈ। 800 ਮੀਟਰ ਲੰਬੇ ਨਵਾਪੁਰ ਰੇਲਵੇ ਸਟੇਸ਼ਨ ਦੇ ਇੱਕ ਹਿੱਸੇ ਦਾ ਲਗਭਗ 300 ਮੀਟਰ ਮਹਾਰਾਸ਼ਟਰ ਵਿੱਚ ਪੈਂਦਾ ਹੈ, ਜਦੋਂ ਕਿ ਦੂਜਾ ਲਗਭਗ 500 ਮੀਟਰ ਗੁਜਰਾਤ ਵਿੱਚ ਪੈਂਦਾ ਹੈ।
ਇਹ ਵੀ ਪੜੋ:- Secunderabad Railway Station: ਏਅਰਪੋਰਟ ਦੀ ਤਰਜ਼ 'ਤੇ ਬਣੇਗਾ ਸਿਕੰਦਰਾਬਾਦ ਰੇਲਵੇ ਸਟੇਸ਼ਨ, ਜਾਣੋ ਕੀ ਹੋਣਗੀਆਂ ਸਹੂਲਤਾਂ
