ਗਵਾਲੀਅਰ: ਕਥਿਤ ਲਵ ਜਿਹਾਦ ਦਾ ਇੱਕ ਸਨਸਨੀਖੇਜ਼ ਮਾਮਲਾ ਸਾਹਮਣੇ ਆਇਆ ਹੈ। ਇੱਕ ਨੌਜਵਾਨ ਨੇ ਆਪਣਾ ਝੂਠਾ ਨਾਂ ਦਸ ਕੇ ਲੜਕੀ ਨਾਲ ਦੋਸਤੀ ਕਰ ਲਈ। ਉਸ ਨੇ ਉਸ ਨਾਲ ਵਿਆਹ ਕਰਵਾ ਲਿਆ ਅਤੇ ਬਲਾਤਕਾਰ ਦਾ ਜੁਰਮ ਕੀਤਾ। ਦੋਸ਼ੀ ਪਤੀ ਨੇ ਔਰਤ ਨੂੰ ਆਪਣੇ ਦੋ ਭਰਾਵਾਂ ਅਤੇ ਇੱਕ ਮੌਲਾਨਾ ਨੂੰ ਵੀ ਸੌਂਪ ਦਿੱਤਾ। ਉਨ੍ਹਾਂ ਨੇ ਔਰਤ ਨੂੰ ਹਵਸ ਦਾ ਸ਼ਿਕਾਰ ਬਣਾਇਆ। ਪੁਲਸ ਨੇ ਔਰਤ ਦੀ ਸ਼ਿਕਾਇਤ 'ਤੇ ਮਾਮਲਾ ਦਰਜ ਕਰਕੇ ਦੋ ਦੋਸ਼ੀਆਂ ਨੂੰ ਗ੍ਰਿਫਤਾਰ ਕਰਕੇ ਅਗਲੇਰੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ।
ਝੂਠਾ ਨਾਂ ਦਸ ਕੀਤਾ ਵਿਆਹ: ਗਵਾਲੀਅਰ ਦੇ ਗੋਲ ਪਹਾੜੀਆ ਦੀ ਰਹਿਣ ਵਾਲੀ ਇੱਕ ਔਰਤ ਨੇ ਮਹਿਲਾ ਥਾਣੇ ਵਿੱਚ ਸ਼ਿਕਾਇਤ ਕੀਤੀ ਹੈ। ਉਸ ਨੇ ਦੱਸਿਆ ਕਿ ਦਬੜਾ ਦੇ ਰਹਿਣ ਵਾਲੇ ਇਮਰਾਨ ਨਾਂ ਦੇ ਨੌਜਵਾਨ ਨੇ ਉਸ ਨੂੰ ਰਾਜੂ ਕਹਿ ਕੇ ਫਸਾਇਆ, ਫਿਰ ਉਸ ਨਾਲ ਨੇੜਤਾ ਵਧਾ ਲਈ। ਪਿਆਰ ਦਾ ਦਿਖਾਵਾ ਕਰਕੇ ਉਸ ਨਾਲ ਸਰੀਰਕ ਸਬੰਧ ਬਣਾਏ, ਜਦੋਂ ਉਹ ਗਰਭਵਤੀ ਹੋ ਗਈ ਤਾਂ ਉਸ ਦਾ ਗਰਭਪਾਤ ਕਰਵਾਇਆ ਗਿਆ। ਗਰਭਪਾਤ ਕਰਵਾਉਣ ਤੋਂ ਬਾਅਦ ਨੌਜਵਾਨ ਨੇ ਉਸ ਨਾਲ ਵਿਆਹ ਕਰਵਾ ਲਿਆ। ਜਦ ਉਹ ਵਿਆਹ ਕਰਵਾ ਕੇ ਆਪਣੇ ਪਤੀ ਨਾਲ ਰਹਿਣ ਲੱਗੀ ਤਾਂ ਇੱਕ ਮੌਲਾਨਾ ਨੇ ਆ ਕੇ ਦੱਸਿਆ ਕਿ ਤੁਹਾਡਾ ਵਿਆਹ ਜਾਇਜ਼ ਨਹੀਂ ਹੈ। ਇਸਲਾਮ ਕਬੂਲ ਕਰਨ ਤੋਂ ਬਾਅਦ ਮੁਸਲਿਮ ਰੀਤੀ-ਰਿਵਾਜਾਂ ਅਨੁਸਾਰ ਵਿਆਹ ਕਰਨਾ ਪੈਂਦਾ ਹੈ।
ਔਰਤ ਨੂੰ ਦੇਹ ਵਪਾਰ ਲਈ ਮਜ਼ਬੂਰ ਕੀਤਾ: ਔਰਤ ਨੇ ਦੋਸ਼ ਲਾਇਆ ਕਿ ਧਰਮ ਪਰਿਵਰਤਨ ਤੋਂ ਇਨਕਾਰ ਕਰਨ 'ਤੇ ਉਸ ਦੇ 2 ਦੇਵਰਾਂ ਅਤੇ ਬਾਅਦ ਵਿਚ ਮੌਲਾਨਾ ਨੇ ਵੀ ਉਸ ਨਾਲ ਬਲਾਤਕਾਰ ਕੀਤਾ। ਔਰਤ ਨੇ ਇਹ ਵੀ ਦੋਸ਼ ਲਾਇਆ ਕਿ ਉਸ ਦੀ ਸੱਸ ਨੇ ਉਸਦਾ ਦੇਹ ਵਪਾਰ ਕਰਵਾਇਆ ਹੈ। ਉਸ ਨੂੰ ਕਮਰੇ ਵਿੱਚ ਬੰਦ ਰੱਖਿਆ ਗਿਆ। ਇਸ ਦੌਰਾਨ ਕੁਝ ਨੌਜਵਾਨ ਆਏ ਅਤੇ ਉਸ ਨਾਲ ਬਲਾਤਕਾਰ ਦੀ ਘਟਨਾ ਨੂੰ ਅੰਜਾਮ ਦਿੱਤਾ। 20 ਅਪ੍ਰੈਲ ਨੂੰ ਸਹੁਰੇ ਉਸ ਦੇ ਕਮਰੇ ਨੂੰ ਤਾਲਾ ਲਗਾਉਣਾ ਭੁੱਲ ਗਏ, ਜਿਸ ਤੋਂ ਬਾਅਦ ਔਰਤ ਦਬੜਾ ਤੋਂ ਗਵਾਲੀਅਰ ਸਥਿਤ ਆਪਣੇ ਨਾਨਕੇ ਘਰ ਭੱਜ ਗਈ ਅਤੇ ਪਰਿਵਾਰ ਵਾਲਿਆਂ ਨੂੰ ਸਾਰੀ ਗੱਲ ਦੱਸੀ।
2 ਮੁਲਜ਼ਮ ਗ੍ਰਿਫ਼ਤਾਰ: ਗਵਾਲੀਅਰ ਦੀ ਮਹਿਲਾ ਥਾਣਾ ਪੁਲਿਸ ਨੇ ਔਰਤ ਦੇ ਕਥਿਤ ਪਤੀ ਇਮਰਾਨ ਉਰਫ਼ ਰਾਜੂ ਜਾਟਵ, ਸੁਗਾ ਬੇਗਮ, ਦੇਵਰ ਅਮਾਨ, ਮੌਲਾਨਾ, ਓਸਾਮਾ ਖ਼ਾਨ ਸਮੇਤ ਦੋ ਅਣਪਛਾਤੇ ਵਿਅਕਤੀਆਂ ਖ਼ਿਲਾਫ਼ ਜਬਰ ਜਨ੍ਹਾਹ, ਛੇੜਛਾੜ ਅਤੇ ਬੰਧਕ ਬਣਾਉਣ ਦੀਆਂ ਧਾਰਾਵਾਂ ਤਹਿਤ ਕੇਸ ਦਰਜ ਕੀਤਾ ਹੈ। ਮਾਮਲਾ ਦਬੜਾ ਥਾਣੇ ਦਾ ਹੋਣ ਕਾਰਨ ਮਾਮਲੇ ਦੀ ਫਾਈਲ ਉਥੇ ਟਰਾਂਸਫਰ ਕਰ ਦਿੱਤੀ ਗਈ ਸੀ। ਗਵਾਲੀਅਰ ਦੇ ਐਸਪੀ ਅਮਿਤ ਸਾਂਘੀ ਨੇ ਦੱਸਿਆ ਕਿ ਪੁਲਿਸ ਨੇ ਇਸ ਮਾਮਲੇ ਵਿੱਚ ਚੁਸਤੀ ਦਿਖਾਉਂਦੇ ਹੋਏ ਮੁੱਖ ਮੁਲਜ਼ਮ ਸਮੇਤ 2 ਮੁਲਜ਼ਮਾਂ ਨੂੰ ਗ੍ਰਿਫ਼ਤਾਰ ਕਰ ਲਿਆ ਹੈ, ਜਦ ਕਿ 3 ਮੁਲਜ਼ਮ ਅਜੇ ਫਰਾਰ ਹਨ।
ਇਹ ਵੀ ਪੜ੍ਹੋ: ਸ਼ਿਸ਼ੂ ਗੈਂਗ ਦੇ 3 ਹੋਰ ਮੈਬਰਾਂ ਨੂੰ ਹਥਿਆਰਾਂ ਸਮੇਤ ਪੁਲਿਸ ਨੇ ਕੀਤਾ ਕਾਬੂ
