ਕਰਨਾਟਕ/ਦੇਵਨਹੱਲੀ: ਕਰਨਾਟਕ ਦੇ ਬੈਂਗਲੁਰੂ ਦੇ ਕੇਂਪੇਗੌੜਾ ਅੰਤਰਰਾਸ਼ਟਰੀ ਹਵਾਈ ਅੱਡੇ 'ਤੇ ਇੰਡੀਗੋ ਦੀ ਉਡਾਣ 'ਤੇ 'ਬੰਬ' ਦੀ ਧਮਕੀ ਦਾ ਸੁਨੇਹਾ ਮਿਲਣ ਤੋਂ ਬਾਅਦ ਸਨਸਨੀ ਫੈਲ ਗਈ। ਧਮਕੀ ਭਰਿਆ ਸੰਦੇਸ਼ ਟਿਸ਼ੂ ਪੇਪਰ 'ਤੇ ਲਿਖਿਆ ਹੋਇਆ ਸੀ, ਜੋ ਫਲਾਈਟ ਦੀ ਸੀਟ 'ਤੇ ਮਿਲਿਆ ਸੀ। ਧਮਕੀ ਤੋਂ ਬਾਅਦ ਸੁਰੱਖਿਆ ਕਰਮਚਾਰੀ ਤੁਰੰਤ ਮੁੰਬਈ ਹਵਾਈ ਅੱਡੇ 'ਤੇ ਪਹੁੰਚ ਗਏ ਅਤੇ ਹਰ ਜਗ੍ਹਾ ਤਲਾਸ਼ੀ ਲਈ, ਪਰ ਕਿਤੇ ਵੀ ਬੰਬ ਨਾ ਮਿਲਣ ਕਾਰਨ ਪ੍ਰਸ਼ਾਸਨ ਅਤੇ ਸੁਰੱਖਿਆ ਕਰਮਚਾਰੀਆਂ ਨੇ ਸੁੱਖ ਦਾ ਸਾਹ ਲਿਆ। ਏਅਰਪੋਰਟ ਅਥਾਰਟੀ ਨੇ ਜਾਂਚ ਕੀਤੀ, ਜਿਸ ਤੋਂ ਬਾਅਦ ਪਤਾ ਲੱਗਾ ਕਿ ਇਹ ਬੰਬ ਦੀ ਧਮਕੀ ਦਾ ਫਰਜ਼ੀ ਸੰਦੇਸ਼ ਸੀ।
ਜਾਣਕਾਰੀ ਅਨੁਸਾਰ ਇੰਡੀਗੋ ਦੀ ਫਲਾਈਟ ਨੰਬਰ- 6ਈ 379 ਨੇ ਕੱਲ੍ਹ ਸਵੇਰੇ 5:29 ਵਜੇ ਕੋਲਕਾਤਾ ਦੇ ਨੇਤਾਜੀ ਸੁਭਾਸ਼ ਚੰਦਰ ਬੋਸ ਹਵਾਈ ਅੱਡੇ ਤੋਂ ਉਡਾਣ ਭਰੀ ਅਤੇ ਸਵੇਰੇ 8:10 ਵਜੇ ਦੇਵਨਹੱਲੀ ਕੇਂਪੇਗੌੜਾ ਅੰਤਰਰਾਸ਼ਟਰੀ ਹਵਾਈ ਅੱਡੇ 'ਤੇ ਉਤਰੀ।
ਇੰਡੀਗੋ ਦੇ ਅਮਲੇ ਨੂੰ ਸੀਟ ਨੰਬਰ 6 ਡੀ 'ਤੇ ਇਕ ਟਿਸ਼ੂ ਪੇਪਰ ਮਿਲਿਆ ਜਿਸ 'ਤੇ 'ਬੰਬ' ਲਿਖਿਆ ਹੋਇਆ ਸੀ। ਇਸ ਕਾਰਨ ਉਸ ਨੇ ਫਲਾਈਟ 'ਚ ਬੰਬ ਹੋਣ ਦਾ ਖਦਸ਼ਾ ਜਤਾਇਆ ਅਤੇ ਤੁਰੰਤ ਸੁਰੱਖਿਆ ਕਰਮਚਾਰੀਆਂ ਨੂੰ ਸੂਚਨਾ ਦਿੱਤੀ। ਸੁਰੱਖਿਆ ਕਰਮੀਆਂ ਨੇ ਪੂਰੇ ਜਹਾਜ਼ ਦੀ ਤਲਾਸ਼ੀ ਲਈ, ਪਰ ਕੁਝ ਨਹੀਂ ਮਿਲਿਆ।ਦੱਸਿਆ ਜਾ ਰਿਹਾ ਹੈ ਕਿ ਟਿਸ਼ੂ ਪੇਪਰ 'ਤੇ ਲਿਖਿਆ 'ਬੰਬ' ਦਾ ਸੰਦੇਸ਼ ਕਿਸੇ ਨੇ ਛੱਡਿਆ ਸੀ। ਜਦੋਂ ਬੰਬ ਨਿਰੋਧਕ ਟੀਮ ਨੇ ਜਹਾਜ਼ ਦੀ ਚੰਗੀ ਤਰ੍ਹਾਂ ਜਾਂਚ ਕੀਤੀ ਤਾਂ ਪਤਾ ਲੱਗਾ ਕਿ ਇਹ ਫਰਜ਼ੀ ਸੰਦੇਸ਼ ਸੀ।
ਇਹ ਵੀ ਪੜ੍ਹੋ: ਸ਼ਰਧਾ ਕਤਲ ਕੇਸ ਵਰਗੀ ਇੱਕ ਹੋਰ ਵਾਰਦਾਤ, ਮਾਂ-ਪੁੱਤ ਨੇ ਮਿਲ ਕੇ ਪਿਤਾ ਦਾ ਕੀਤਾ ਕਤਲ, ਫਰਿੱਜ਼ ਵਿੱਚ ਰੱਖੇ ਲਾਸ਼ ਦੇ ਟੁਕੜੇ !
