ਨਵੀਂ ਦਿੱਲੀ: ਭਾਰਤ ਅਤੇ ਚੀਨ ਵਿਚਾਲੇ 13 ਵੇਂ ਦੌਰ ਦੀ ਗੱਲਬਾਤ ਜਲਦ ਹੋ ਸਕਦੀ ਹੈ। ਇਸ ਦੇ ਲਈ ਜਲਦ ਹੀ ਭਾਰਤ ਵੱਲੋਂ ਚੀਨ ਨੂੰ ਸੱਦਾ ਭੇਜਿਆ ਜਾਵੇਗਾ। ਇਸ ਵਾਰ ਦੋਵੇਂ ਦੇਸ਼ ਅਸਲ ਕੰਟਰੋਲ ਰੇਖਾ ਦੇ ਨੇੜੇ ਹੌਟ ਸਪਰਿੰਗ ਦੇ ਨੇੜੇ ਵਿਵਾਦ ਨੂੰ ਖਤਮ ਕਰਨ ਲਈ ਸਹਿਮਤ ਹੋ ਸਕਦੇ ਹ। ਸਰਕਾਰੀ ਸੂਤਰਾਂ ਨੇ ਇਹ ਜਾਣਕਾਰੀ ਦਿੱਤੀ ਹੈ।
ਸੂਤਰਾਂ ਨੇ ਦੱਸਿਆ ਕਿ ਦੋਹਾਂ ਦੇਸ਼ ਪੈਂਗੋਗ ਝੀਲ, ਗਲਵਾਨ ਘਾਟੀ ਅਤੇ ਗੋਗਰਾ ਹਾਈਟਸ ਜੈਸ ਅਹਿਮ ਇਲਾਕਿਆਂ ਚ ਆਪਣੇ ਵਿਵਾਦ ਨੂੰ ਸੁਲਝਾ ਲਿਆ ਹੈ। ਸੂਤਰਾਂ ਨੇ ਦੱਸਿਆ ਕਿ ਭਾਰਤ ਵੱਲੋਂ ਜਲਦ ਹੀ ਚੀਨ ਨੂੰ ਸੱਦਾ ਭੇਜਿਆ ਜਾਵੇਗਾ। ਤਾਂ ਕਿ ਹਾਟ ਸਪ੍ਰਿੰਗ ਇਲਾਕੇ ਚ ਮੌਜੂਦ ਵਿਵਾਦਾਂ ਨੂੰ ਖਤਮ ਕਰਨ ਦੇ ਦਿਸ਼ਾ ਚ ਚਰਚਾ ਕੀਤੀ ਜਾ ਸਕੇ।
ਭਾਰਤ ਅਤੇ ਚੀਨ ਦੇ ਵਿਚਾਲੇ ਹੁਣ ਤੱਕ 12ਵੇਂ ਗੇੜ ਦੀ ਗੱਲਬਾਤ ਹੋ ਚੁੱਕੀ ਹੈ। ਜਿਸ ਨਾਲ ਪੈਂਗੋਗ ਖੇਤਰ ਅਤੇ ਗੋਗਰਾ ਵਰਗੇ ਮਹੱਤਵਪੂਰਨ ਇਲਾਕਿਆਂ ਦੇ ਮੁੱਦਿਆ ਨੂੰ ਸੁਲਝਾਉਣ ਚ ਮਦਦ ਮਿਲੀ ਹੈ।
ਭਾਰਤੀ ਫੌਜ ਨੇ ਬਿਆਨ ਚ ਕਿਹਾ ਸੀ ਕਿ ਦੋਹਾਂ ਪੱਖਾਂ ਦੇ ਵਿਚਾਲੇ ਭਾਰਤ ਚੀਨ ਸਰਹੱਦ ਖੇਤਰਾਂ ਦੇ ਪੱਛਮ ਖੇਤਰਾਂ ਚ ਅਸਲ ਕੰਟਰੋਲ ਰੇਖਾ ’ਤੇ ਫੌਜਾਂ ਨੂੰ ਪਿੱਛੇ ਹਟਾਉਣ ਨਾਲ ਸਬੰਧਿਤ ਬਾਕੀ ਖੇਤਰਾਂ ਦੇ ਸਮਾਧਾਨ ’ਤੇ ਵਿਚਾਰਾਂ ਦਾ ਸਪਸ਼ਟ ਅਤੇ ਡੂੰਘਾਈ ਨਾਲ ਵਿਚਾਰ ਵਟਾਂਦਰਾ ਹੋਇਆ ਹੈ।
31 ਜੁਲਾਈ ਨੂੰ, ਭਾਰਤ ਅਤੇ ਚੀਨ ਦੇ ਫੌਜੀ ਪ੍ਰਤੀਨਿਧਾਂ ਨੇ ਲੱਦਾਖ ਖੇਤਰ ਦੇ ਮੋਲਡੋ ਵਿੱਚ ਸਰਹੱਦੀ ਸੰਕਟ ਨੂੰ ਸੁਲਝਾਉਣ ਲਈ ਲਗਭਗ ਨੌਂ ਘੰਟੇ ਵਿਚਾਰ -ਵਟਾਂਦਰਾ ਕੀਤਾ। ਅਪ੍ਰੈਲ ਵਿੱਚ ਕੋਰ ਕਮਾਂਡਰ-ਪੱਧਰੀ ਗੱਲਬਾਤ ਦੇ 11ਵੇਂ ਗੇੜ ਦੌਰਾਨ ਗੋਗਰਾ, ਹੌਟ ਸਪਰਿੰਗਜ਼ ਅਤੇ ਡੇਪਸਾਂਗ ਵਿੱਚ ਤਣਾਅ ਦੇ ਬਿੰਦੂ ਵੀ ਕੇਂਦਰਿਤ ਕੀਤਾ ਗਿਆ ਸੀ।
ਹੁਣ ਤੱਕ, ਕੋਰ ਕਮਾਂਡਰ ਪੱਧਰੀ ਗੱਲਬਾਤ ਦੇ 12 ਦੌਰ ਤੋਂ ਇਲਾਵਾ, ਦੋਵਾਂ ਫੌਜਾਂ ਨੇ 10 ਮੁੱਖ ਜਨਰਲ ਪੱਧਰ, 55 ਬ੍ਰਿਗੇਡੀਅਰ ਪੱਧਰ ਦੀ ਗੱਲਬਾਤ ਅਤੇ ਹੌਟਲਾਈਨ 'ਤੇ 1,450 ਕਾਲਾਂ ਵੀ ਕੀਤੀਆਂ ਹਨ।
ਚੀਨ ਪਿਛਲੇ ਕੁਝ ਸਮੇਂ ਤੋਂ ਐਲਏਐਸੀ ਦੇ ਪਾਰ ਫੌਜੀ ਬੁਨਿਆਦੀ ਢਾਂਚੇ ਨੂੰ ਵਧਾ ਰਿਹਾ ਹੈ। ਇਸ ਨੂੰ ਦੇਖਦੇ ਹੋਏ ਭਾਰਤ ਨੇ ਚੀਨ ਦੇ ਪ੍ਰਤੀ ਆਪਣਾ ਰੁਖ ਬਦਲ ਦਿੱਤਾ ਹੈ। ਭਾਰਤ ਹੁਣ ਹਮਲਾ ਕਰਨ ਲਈ ਫੌਜੀ ਵਿਕਲਪ ਭਰ ਦੀ ਪੂਰਤੀ ਕਰ ਰਿਹਾ ਹੈ ਅਤੇ ਇਸ ਦੇ ਮੁਤਾਬਿਕ ਇਸਨੇ ਆਪਣੀ ਫੌਜ ਨੂੰ ਕਿਸੇ ਵੀ ਨਾਪਾਕ ਮਨਸੂਬਿਆਂ ਨਾਲ ਨਜਿੱਠਣ ਲਈ ਤਿਆਰ ਕੀਤਾ ਹੋਇਆ ਹੈ।
ਭਾਰਤ ਨੇ ਲਗਭਗ 50,000 ਸੈਨਿਕਾਂ ਨੂੰ ਮੁੜ ਨਿਰਦੇਸ਼ਤ ਕੀਤਾ ਹੈ, ਜਿਨ੍ਹਾਂ ਦਾ ਮੁੱਖ ਧਿਆਨ ਚੀਨ ਨਾਲ ਵਿਵਾਦਤ ਸਰਹੱਦਾਂ 'ਤੇ ਹੈ। ਭਾਰਤ ਚੀਨ ਦੀ ਹਰ ਗਤੀਵਿਧੀ 'ਤੇ ਤਿੱਖੀ ਨਜ਼ਰ ਰੱਖ ਰਿਹਾ ਹੈ, ਕਿਉਂਕਿ ਭਾਰਤ ਨੂੰ ਚਾਲਬਾਜ਼ ਚੀਨ ’ਤੇ ਭਰੋਸਾ ਨਹੀਂ ਹੈ।
ਇਹ ਵੀ ਪੜੋ: ਕਾਬੁਲ ਏਅਰਪੋਰਟ 'ਤੇ ਧਮਾਕਿਆਂ ਤੋਂ ਬਾਅਦ ਉਡਾਣਾਂ ਮੁੜ ਸ਼ੁਰੂ
