ਨਵੀਂ ਦਿੱਲੀ/ਗਾਜ਼ੀਆਬਾਦ: ਕਿਸਾਨ ਅੰਦੋਲਨ (Farmer Protest) 11 ਮਹੀਨਿਆਂ ਬਾਅਦ ਮੁਅਤੱਲ ਹੋ ਗਿਆ(Farmers' agitation against three agriculture laws suspended) ਹੈ। ਕਿਸਾਨਾਂ ਨੇ ਆਪਣੇ ਟੈਂਟ ਅਤੇ ਮਾਲ ਲੈ ਕੇ ਪਿੰਡਾਂ ਵੱਲ ਕੂਚ ਕਰ ਦਿੱਤਾ ਹੈ। ਸ਼ਨੀਵਾਰ ਭਾਵੇਂ ਕਿਸਾਨ ਅੰਦੋਲਨ ਦਾ ਆਖਰੀ ਦਿਨ ਸੀ, ਪਰ ਇਸ ਆਖਰੀ ਦਿਨ ਵੀ ਗਾਜ਼ੀਪੁਰ ਬਾਰਡਰ(Farmers on Ghazipur Border) 'ਤੇ ਕਿਸਾਨਾਂ ਦੀ ਵੱਡੀ ਭੀੜ ਦੇਖਣ ਨੂੰ ਮਿਲੀ। ਜਿਸ ਵਿੱਚ ਪ੍ਰਦਰਸ਼ਨਕਾਰੀਆਂ ਦੇ ਘਰ ਦੇ ਮੈਂਬਰ ਵੀ ਸ਼ਾਮਲ ਸਨ।
ਪਰਿਵਾਰਕ ਮੈਂਬਰ ਅੰਦੋਲਨ ਵਾਲੀ ਥਾਂ ਤੋਂ ਆਪਣੇ ਬਜ਼ੁਰਗਾਂ ਨੂੰ ਲੈਣ ਆਏ ਹੋਏ ਸਨ। ਕਿਸਾਨ ਅੰਦੋਲਨ ਦੇ ਆਖਰੀ ਦਿਨ ਗਾਜ਼ੀਪੁਰ ਬਾਰਡਰ 'ਤੇ ਸਟੇਜ ਦਾ ਸੰਚਾਲਨ ਕੀਤਾ ਗਿਆ। ਸਟੇਜ ਸੰਚਾਲਨ ਦੌਰਾਨ ਕਿਸਾਨ ਆਗੂ ਰਾਕੇਸ਼ ਟਿਕੈਤ ਸਮੇਤ ਕਈ ਆਗੂਆਂ ਨੇ ਕਿਸਾਨਾਂ ਨੂੰ ਸੰਬੋਧਨ ਕੀਤਾ।
ਮੰਚ ਤੋਂ ਕਿਸਾਨਾਂ ਨੂੰ ਸੰਬੋਧਨ ਕਰਦਿਆਂ ਕਿਸਾਨ ਆਗੂ ਯੋਗਿੰਦਰ ਯਾਦਵ ਨੇ ਕਿਹਾ ਕਿ ਅੱਜ ਭਾਸ਼ਣ ਦੇਣ ਦਾ ਦਿਨ ਨਹੀਂ ਹੈ। ਅਸੀਂ ਜੋ ਕਿਹਾ ਉਹ ਕੀਤਾ ਹੈ। ਪਿਛਲੇ ਇੱਕ ਸਾਲ ਤੋਂ ਦੇਸ਼ ਵਿੱਚ ਚਾਰਧਾਮ ਦਾ ਅਰਥ ਬਦਲ ਗਿਆ ਸੀ।
ਦੇਸ਼ ਦੇ ਵੱਖ-ਵੱਖ ਰਾਜਾਂ ਤੋਂ ਆਉਣ ਵਾਲੇ ਲੋਕ ਕਹਿੰਦੇ ਸਨ ਕਿ ਉਨ੍ਹਾਂ ਨੂੰ ਚਾਰ ਥਾਵਾਂ 'ਤੇ ਜਾਣਾ ਪੈਂਦਾ ਹੈ। ਸਿੰਘੂ ਬਾਰਡਰ, ਗਾਜ਼ੀਪੁਰ ਬਾਰਡਰ, ਸ਼ਾਹਜਹਾਂਪੁਰ ਬਾਰਡਰ ਅਤੇ ਟਿੱਕਰੀ ਬਾਰਡਰ ਚਾਰ ਧਾਮ ਬਣ ਗਏ। ਇਹ ਚਾਰੇ ਧਾਮ ਭਾਵੇਂ ਦੋ-ਤਿੰਨ ਦਿਨਾਂ ਵਿੱਚ ਨਸ਼ਟ ਹੋ ਜਾਣ, ਪਰ ਸਾਡੇ ਮਨ ਵਿੱਚ ਸਦਾ ਵੱਸਦੇ ਰਹਿਣਗੇ।
ਯੋਗੇਂਦਰ ਯਾਦਵ ਨੇ ਕਿਹਾ ਕਿ ਜਦੋਂ ਦੇਸ਼ ਚੰਪਾਰਨ ਦਾ ਨਾਂ ਲਵੇਗਾ ਤਾਂ ਨਾਲ ਹੀ ਦਿੱਲੀ ਦੇ ਮੋਰਚਿਆਂ ਦਾ ਨਾਂ ਲਵੇਗਾ। ਜਦੋਂ ਦੇਸ਼ ਯਾਦ ਕਰੇਗਾ ਕਿ ਦੇਸ਼ ਦਾ ਸੰਵਿਧਾਨ 26 ਨਵੰਬਰ ਨੂੰ ਬਣਿਆ ਸੀ ਤਾਂ ਇਹ ਵੀ ਯਾਦ ਹੋਵੇਗਾ ਕਿ ਕਿਸਾਨ 26 ਨਵੰਬਰ ਨੂੰ ਦਿੱਲੀ ਆਏ ਸੀ।
ਜਦੋਂ ਵੀ ਦੇਸ਼ ਜਲ੍ਹਿਆਂਵਾਲਾ ਬਾਗ਼ ਦੇ ਸਾਕੇ ਨੂੰ ਯਾਦ ਕਰੇਗਾ ਤਾਂ ਲਖੀਮਪੁਰ ਖੀਰੀ ਦਾ ਟਿਕੂਨੀਆ ਕਾਂਡ ਵੀ ਯਾਦ ਆਵੇਗਾ। ਉਨ੍ਹਾਂ ਕਿਸਾਨਾਂ ਨੂੰ ਸੰਬੋਧਨ ਕਰਦਿਆਂ ਕਿਹਾ ਕਿ 28 ਜਨਵਰੀ ਨੂੰ ਕਿਸਾਨ ਆਗੂ ਰਾਕੇਸ਼ ਟਿਕੈਤ ਨੇ ਮੋਰਚੇ ਨੂੰ ਮਰਨ ਤੋਂ ਬਚਾ ਲਿਆ ਸੀ। ਇਤਿਹਾਸ ਇਸ ਨੂੰ ਵੀ ਹਮੇਸ਼ਾ ਯਾਦ ਰੱਖੇਗਾ।
ਯੋਗਿੰਦਰ ਯਾਦਵ ਨੇ ਕਿਹਾ ਕਿ ਅੱਜ ਕਿਸਾਨ ਦਿੱਲੀ ਦੇ ਮੋਰਚਿਆਂ ਤੋਂ ਆਪਣਾ ਗੁਆਚਿਆ ਆਤਮ ਸਨਮਾਨ ਲੈ ਕੇ ਪਰਤ ਰਿਹਾ ਹੈ। ਕਿਸਾਨ ਅੰਦੋਲਨ ਰਾਹੀਂ ਦੇਸ਼ ਭਰ ਦੇ ਕਿਸਾਨ ਇੱਕ ਹੋ ਗਏ ਹਨ।
ਕਿਸਾਨ ਅੰਦੋਲਨ ਰਾਹੀਂ ਕਿਸਾਨਾਂ ਨੇ ਏਕਤਾ ਹਾਸਲ ਕੀਤੀ ਹੈ। ਅਸੀਂ ਕਿਸਾਨ ਅੰਦੋਲਨ ਵਿੱਚ ਇੱਕ ਨਵਾਂ ਧਰਮ ਅਤੇ ਇੱਕ ਨਵੀਂ ਜਾਤ ਲੱਭੀ ਹੈ। 'ਮੇਰਾ ਧਰਮ ਕਿਸਾਨੀ ਅਤੇ ਮੇਰੀ ਜਾਤ ਕਿਸਾਨ ਹੈ' ਇਹ ਗੱਲ ਅਸੀਂ ਕਿਸਾਨ ਅੰਦੋਲਨ 'ਚ ਪਾਈ ਹੈ। ਕਿਸਾਨ ਅੰਦੋਲਨ ਵਿੱਚ ਸਾਨੂੰ ਆਪਣੀ ਸਿਆਸੀ ਤਾਕਤ ਦਾ ਅਹਿਸਾਸ ਹੋਇਆ ਹੈ।
ਇਹ ਵੀ ਪੜ੍ਹੋ:ਕਰਨਾਲ ਸੜਕ ਹਾਦਸਾ: ਅੰਦੋਲਨ ਤੋਂ ਘਰ ਜਾ ਰਹੇ 2 ਕਿਸਾਨ ਸੜਕ ਹਾਦਸੇ ਦਾ ਸ਼ਿਕਾਰ
