BRAJBHUSHAN ON WRESTLING: ਸਾਂਸਦ ਬ੍ਰਿਜਭੂਸ਼ਣ ਨੇ ਕਿਹਾ ਕੁਸ਼ਤੀ ਦੇ ਹਾਲਾਤ ਹੋਏ ਜ਼ਿਆਦਾ ਖ਼ਰਾਬ, ਐਡਹਾਕ ਕਮੇਟੀ 'ਤੇ ਚੁੱਕੇ ਸਵਾਲ

ਉੱਤਰ-ਪ੍ਰਦੇਸ਼ ਦੇ ਜ਼ਿਲ੍ਹਾ ਗੋਂਡਾ ਤੋਂ ਭਾਜਪਾ ਦੇ ਸੰਸਦ ਮੈਂਬਰ ਬ੍ਰਿਜਭੂਸ਼ਣ ਸ਼ਰਨ ਸਿੰਘ (Brajbhushan Sharan Singh) ਨੇ ਦੇਸ਼ ਵਿੱਚ ਕੁਸ਼ਤੀ ਨੂੰ ਲੈ ਕੇ ਚਿੰਤਾ ਪ੍ਰਗਟਾਈ ਹੈ। ਉਨ੍ਹਾਂ ਕਿਹਾ ਕਿ ਦੇਸ਼ ਵਿੱਚ ਕੁਸ਼ਤੀ ਦੇ ਹਾਲਾਤ ਬਹੁਤ ਮਾੜੇ ਹੋ ਚੁੱਕੇ ਹਨ।

ਗੋਂਡਾ: ਸੰਸਦ ਮੈਂਬਰ ਬ੍ਰਿਜਭੂਸ਼ਣ ਸ਼ਰਨ ਸਿੰਘ ਨੇ ਭਾਰਤੀ ਕੁਸ਼ਤੀ (indian wrestling ) ਦੇ ਖ਼ਰਾਬ ਪ੍ਰਦਰਸ਼ਨ ਨੂੰ ਲੈ ਕੇ ਬਿਆਨ ਦਿੱਤਾ ਹੈ। ਉਸ ਨੇ ਕਿਹਾ ਹੈ ਕਿ ਇੱਕ ਸਾਲ ਪਹਿਲਾਂ ਕੁਸ਼ਤੀ ਦਾ ਪ੍ਰਦਰਸ਼ਨ ਕਾਫੀ ਬਿਹਤਰ ਸੀ। ਹੁਣ ਦੇਸ਼ ਵਿੱਚ ਕੁਸ਼ਤੀ ਦੀ ਹਾਲਤ ਵਿਗੜ ਚੁੱਕੀ ਹੈ। ਸੰਸਦ ਮੈਂਬਰ ਨੇ ਕਿਹਾ ਕਿ ਇਸ ਸਾਲ ਕੋਈ ਰਾਸ਼ਟਰੀ, ਟ੍ਰਾਇਲ ਜਾਂ ਕੋਈ ਕੈਂਪ ਨਹੀਂ ਸੀ। ਨੈਸ਼ਨਲ ਚੈਂਪੀਅਨਸ਼ਿਪ (National Championship) ਵਿੱਚ ਕੋਈ ਤਮਗਾ ਨਹੀਂ ਆਇਆ। ਜਦੋਂ ਕਿ ਪਿਛਲੀ ਵਾਰ ਪੰਜ ਤਮਗੇ ਆਏ ਸਨ। ਉਨ੍ਹਾਂ ਕੁਸ਼ਤੀ ਕਰਵਾਉਣ ਸਬੰਧੀ ਬਣੀ ਐਡਹਾਕ ਕਮੇਟੀ ’ਤੇ ਵੀ ਸਵਾਲ ਖੜ੍ਹੇ ਕੀਤੇ। ਕਿਹਾ ਕਿ ਐਡਹਾਕ ਕਮੇਟੀ ਨੂੰ ਕੁੱਝ ਵੀ ਨਹੀਂ ਪਤਾ ਕਿ ਕਰਨਾ ਕੀ ਹੈ।

ਪੀਐੱਮ ਮੋਦੀ ਦਾ ਗ੍ਰਾਫ ਵਧਿਆ: ਉਹ ਆਵਾਸ ਵਿਕਾਸ ਕਲੋਨੀ ਸਥਿਤ ਹੋਟਲ ਵਿੱਚ ਇੱਕ ਪ੍ਰੋਗਰਾਮ ਵਿੱਚ ਹਿੱਸਾ ਲੈਣ ਆਏ ਸਨ। ਸੰਸਦ ਮੈਂਬਰ ਨੇ ਵਿਅੰਗ ਕਰਦਿਆਂ ਕਿਹਾ ਕਿ ਕੁਸ਼ਤੀ ਚਲਾਉਣ ਵਾਲੀ ਐਡਹਾਕ ਕਮੇਟੀ (Adhoc Committee ) ਨੂੰ ਕੁਸ਼ਤੀ ਦੀ ਏ.ਬੀ.ਸੀ.ਡੀ. ਦਾ ਪਤਾ ਹੀ ਨਹੀਂ ਹੈ। ਜੇਐਨਯੂ 'ਚ ਪੀਐੱਮ ਮੋਦੀ 'ਤੇ ਕੀਤੀਆਂ ਟਿੱਪਣੀਆਂ 'ਤੇ ਪਲਟਵਾਰ ਕਰਦੇ ਹੋਏ ਉਨ੍ਹਾਂ ਕਿਹਾ ਕਿ ਜਦੋਂ ਵੀ ਮੋਦੀ 'ਤੇ ਹਮਲਾ ਹੋਇਆ ਹੈ, ਮੋਦੀ ਦੀ ਕਬਰ ਪੁੱਟਣ ਦੀ ਗੱਲ ਹੋਈ ਹੈ ਤਾਂ ਮੋਦੀ ਦਾ ਗ੍ਰਾਫ ਵਧਿਆ ਹੈ।

ਰਾਹੁਲ ਗਾਂਧੀ ਅਤੇ ਪ੍ਰਿਅੰਕਾ ਉੱਤੇ ਨਿਸ਼ਾਨਾ: ਹੁਣ ਵਿਰੋਧੀ ਧਿਰ ਆਪਣੀ ਕਬਰ ਖੁਦ ਪੁੱਟ ਰਹੀ ਹੈ। ਵਿਰੋਧੀ ਧਿਰ ਦੀ ਰਾਏ ਹਾਰ ਗਈ ਹੈ। ਇਸ ਦੇ ਨਾਲ ਹੀ ਰਾਹੁਲ ਗਾਂਧੀ ਅਤੇ ਪ੍ਰਿਅੰਕਾ ਨੂੰ ਨਿਸ਼ਾਨੇ 'ਤੇ ਲੈਂਦਿਆਂ ਕਿਹਾ ਕਿ ਜਿਵੇਂ ਹੀ ਚੋਣਾਂ ਆਉਂਦੀਆਂ ਹਨ, ਦੋਵੇਂ ਮੰਦਰਾਂ ਦੇ ਦਰਸ਼ਨ ਕਰਨਗੇ। ਇਹ ਲੋਕ ਆਪਣੇ ਆਪ ਨੂੰ ਰਾਮ, ਕ੍ਰਿਸ਼ਨ ਅਤੇ ਹਨੂੰਮਾਨ ਦੇ ਭਗਤ ਕਹਿਣਗੇ। ਚੋਣਾਂ ਵੇਲੇ ਮੰਦਰਾਂ ਤੇ ਭਗਵਾਨ ਦਾ ਚੇਤਾ ਆਉਂਦਾ ਹੈ। ਇਹ ਲੋਕ ਵੋਟਾਂ ਲਈ ਸਮਾਜ ਨੂੰ ਵੰਡਣਾ ਚਾਹੁੰਦੇ ਹਨ। ਸੰਸਦ ਮੈਂਬਰ ਨੇ ਕਿਹਾ ਕਿ ਜਾਤਾਂ ਜਨਮ ਤੋਂ ਨਹੀਂ ਕਰਮਾਂ ਦੇ ਆਧਾਰ 'ਤੇ ਬਣੀਆਂ ਹਨ। ਸਾਰੀਆਂ ਜਾਤਾਂ ਮਹਾਭਾਰਤ ਕਾਲ ਤੋਂ ਬਾਅਦ ਹੀ ਪੈਦਾ ਹੋਈਆਂ ਸਨ। ਇਸ ਤੋਂ ਪਹਿਲਾਂ ਅਜਿਹਾ ਕੁਝ ਨਹੀਂ ਸੀ। ਭਗਵਾਨ ਕ੍ਰਿਸ਼ਨ ਨੇ ਵੀ ਗੀਤਾ ਵਿੱਚ ਕਿਹਾ ਹੈ ਕਿ ਕਰਮਾਂ ਦੇ ਆਧਾਰ ’ਤੇ ਜਾਤਾਂ ਵਿੱਚ ਵੰਡੀਆਂ ਹੋਈਆਂ ਹਨ। ਪ੍ਰੋਗਰਾਮ ਵਿੱਚ ਹਿੱਸਾ ਲੈਣ ਤੋਂ ਬਾਅਦ ਉਹ ਚਲੇ ਗਏ।