ਰਾਂਚੀ/ਝਾਰਖੰਡ: ਸੀਬੀਆਈ ਦੀ ਵਿਸ਼ੇਸ਼ ਅਦਾਲਤ ਨੇ ਚਾਰਾ (CBI Special Court) ਘੁਟਾਲੇ ਮਾਮਲੇ ਵਿੱਚ 35 ਲੋਕਾਂ ਨੂੰ ਸਜ਼ਾ ਸੁਣਾਈ ਹੈ। ਸਾਰੇ ਦੋਸ਼ੀਆਂ ਨੂੰ 4 ਸਾਲ ਦੀ ਸਜ਼ਾ ਸੁਣਾਈ ਗਈ ਹੈ। ਇਸ ਦੇ ਨਾਲ ਹੀ ਰਾਂਚੀ ਦੇ ਤਤਕਾਲੀ ਪਸ਼ੂ ਪਾਲਣ (fodder Scam Case) ਅਧਿਕਾਰੀ ਗੌਰੀ ਸ਼ੰਕਰ ਪ੍ਰਸਾਦ 'ਤੇ 1 ਕਰੋੜ ਦਾ ਜੁਰਮਾਨਾ ਵੀ ਲਗਾਇਆ ਗਿਆ ਹੈ। ਸਾਰੇ ਦੋਸ਼ੀਆਂ ਨੂੰ ਉਮਰ ਅਤੇ ਦੋਸ਼ਾਂ ਦੇ ਹਿਸਾਬ ਨਾਲ ਜੁਰਮਾਨਾ ਵੀ ਲਗਾਇਆ ਗਿਆ ਹੈ। ਇਨ੍ਹਾਂ ਵਿੱਚ ਘੱਟੋ-ਘੱਟ ਜੁਰਮਾਨਾ 75 ਹਜ਼ਾਰ ਕੀਤਾ ਗਿਆ ਹੈ।
1996 ਤੋਂ ਚੱਲ ਰਹੇ ਚਾਰਾ ਘੁਟਾਲੇ ਦੇ ਮਾਮਲੇ 'ਚ ਆਖਿਰਕਾਰ 27 ਸਾਲਾਂ ਬਾਅਦ ਫੈਸਲਾ ਆਇਆ ਹੈ। ਇਸ ਕੇਸ ਵਿੱਚ 617 ਗਵਾਹ ਪੇਸ਼ ਕੀਤੇ ਗਏ ਹਨ, ਜਦੋਂ ਕਿ 50 ਹਜ਼ਾਰ ਤੋਂ ਵੱਧ ਸਬੂਤ ਅਤੇ ਦਸਤਾਵੇਜ਼ ਪੇਸ਼ ਕੀਤੇ ਗਏ ਹਨ। ਇਸ ਮਾਮਲੇ 'ਚ 28 ਅਗਸਤ ਨੂੰ ਅਦਾਲਤ ਨੇ ਆਪਣਾ ਫੈਸਲਾ ਸੁਣਾਉਂਦੇ ਹੋਏ 35 ਲੋਕਾਂ ਨੂੰ ਬਰੀ ਕਰ ਦਿੱਤਾ (acquitted 35 people) ਸੀ। ਇਸ ਦੇ ਨਾਲ ਹੀ 53 ਲੋਕਾਂ ਨੂੰ 3 ਸਾਲ ਤੋਂ ਘੱਟ ਦੀ ਸਜ਼ਾ ਸੁਣਾਈ ਗਈ ਹੈ। 3 ਸਾਲ ਤੋਂ ਵੱਧ ਦੀ ਸਜ਼ਾ ਵਾਲੇ ਸਾਰੇ 36 ਲੋਕਾਂ ਨੂੰ ਜੁਰਮਾਨੇ ਦੇ ਨਾਲ ਸਜ਼ਾ ਸੁਣਾਈ ਗਈ ਹੈ। ਹਾਲਾਂਕਿ ਅਜੇ ਤੱਕ ਇਕ ਦੋਸ਼ੀ ਦੀ ਸਜ਼ਾ 'ਤੇ ਫੈਸਲਾ ਨਹੀਂ ਲਿਆ ਗਿਆ ਹੈ ਕਿਉਂਕਿ ਉਸ ਨੇ ਅਜੇ ਆਤਮ ਸਮਰਪਣ ਨਹੀਂ ਕੀਤਾ ਹੈ।
- Yaariyan 2 Movie Controversy: ਯਾਰੀਆਂ 2 ਫਿਲਮ ਦੇ ਅਦਾਕਾਰ ਅਤੇ ਡਾਇਰੈਕਟ 'ਤੇ ਮਾਮਲਾ ਦਰਜ, SGPC ਦੀ ਸ਼ਿਕਾਇਤ ਮਗਰੋਂ ਹੋਈ ਐੱਫਆਈਆਰ
- Aditya L1 Solar Mission: ਸੋਲਰ ਮਿਸ਼ਨ ਦੀ ਕਾਮਯਾਬੀ ਲਈ ਇਸਰੋ ਵਿਗਿਆਨੀਆਂ ਨੇ ਮੰਦਿਰ 'ਚ ਕੀਤੀ ਪੂਜਾ
- INDIA Alliance Meeting: ਗਠਜੋੜ I.N.D.I.A. ਨੇ ਲੋਕ ਸਭਾ ਚੋਣਾਂ 2024 ਇਕੱਠੇ ਹੋਕੇ ਲੜਨ ਦਾ ਲਿਆ ਅਹਿਦ
ਚਾਰਾ ਘੁਟਾਲੇ ਦੇ ਮਾਮਲੇ ਵਿੱਚ 124 ਮੁਲਜ਼ਮ 27 ਸਾਲਾਂ ਤੋਂ ਮੁਕੱਦਮੇ ਦਾ ਸਾਹਮਣਾ ਕਰ ਰਹੇ ਸਨ। ਇਸ ਦੌਰਾਨ 35 ਮੁਲਜ਼ਮਾਂ ਨੂੰ ਰਿਹਾਅ ਕਰ ਦਿੱਤਾ ਗਿਆ ਜਦਕਿ 53 ਮੁਲਜ਼ਮਾਂ ਨੂੰ ਦੋ ਤੋਂ ਤਿੰਨ ਸਾਲ ਦੀ ਸਜ਼ਾ ਹੋਈ। ਜਿਨ੍ਹਾਂ ਨੂੰ ਹੇਠਲੀ ਅਦਾਲਤ ਤੋਂ ਜ਼ਮਾਨਤ ਮਿਲ ਚੁੱਕੀ ਹੈ। ਹੁਣ ਉਹ ਹਾਈ ਕੋਰਟ ਵਿੱਚ ਅਪੀਲ ਕਰਨਗੇ। ਇਹ ਸਾਰਾ ਮਾਮਲਾ ਡੋਰਾਂਡਾ ਖ਼ਜ਼ਾਨੇ ਵਿੱਚੋਂ 36 ਕਰੋੜ 59 ਲੱਖ ਰੁਪਏ ਦੀ ਗ਼ੈਰਕਾਨੂੰਨੀ ਨਿਕਾਸੀ ਨਾਲ ਸਬੰਧਤ ਹੈ। ਇਸ ਵਿੱਚ ਬਜਟ ਅਤੇ ਲੇਖਾ ਅਧਿਕਾਰੀ, ਪਸ਼ੂ ਪਾਲਣ ਵਿਭਾਗ ਦੇ ਅਧਿਕਾਰੀ, ਪਸ਼ੂ ਚਿਕਿਤਸਕ ਅਤੇ ਸਪਲਾਇਰ ਸਮੇਤ 124 ਮੁਲਜ਼ਮਾਂ ਦੀ ਸਜ਼ਾ ਦੇ ਨੁਕਤੇ ’ਤੇ ਸੁਣਵਾਈ ਹੋਈ। ਸੀਬੀਆਈ ਦੀ ਵਿਸ਼ੇਸ਼ ਅਦਾਲਤ (CBI Special Court) ਨੇ ਇਨ੍ਹਾਂ ਵਿੱਚੋਂ 88 ਮੁਲਜ਼ਮਾਂ ਨੂੰ ਦੋਸ਼ੀ ਪਾਇਆ ਸੀ।
