ਜਾਣੋ ਕੌਣ ਹੈ ਗੋਂਗਾਡੀ ਤ੍ਰਿਸ਼ਾ, ਜੋ ਅੰਡਰ-19 ਮਹਿਲਾ ਟੀ-20 ਵਿਸ਼ਵ ਕੱਪ 'ਚ ਬਣੀ 'ਪਲੇਅਰ ਆਫ ਦਿ ਟੂਰਨਾਮੈਂਟ'

ਭਾਰਤ ਦੀ ਅੰਡਰ-19 ਮਹਿਲਾ ਟੀਮ ਨੇ ਦੱਖਣੀ ਅਫਰੀਕਾ ਨੂੰ 9 ਵਿਕਟਾਂ ਨਾਲ ਹਰਾ ਕੇ ਆਈਸੀਸੀ ਅੰਡਰ-19 ਮਹਿਲਾ ਟੀ-20 ਵਿਸ਼ਵ ਕੱਪ 2025 ਜਿੱਤ ਲਿਆ ਹੈ।

ਕੁਆਲਾਲੰਪੁਰ (ਮਲੇਸ਼ੀਆ) : ਭਾਰਤ ਨੇ ਦੱਖਣੀ ਅਫਰੀਕਾ ਨੂੰ 9 ਵਿਕਟਾਂ ਨਾਲ ਹਰਾ ਕੇ ਲਗਾਤਾਰ ਦੂਜੀ ਵਾਰ ਆਈਸੀਸੀ ਅੰਡਰ-19 ਮਹਿਲਾ ਟੀ-20 ਵਿਸ਼ਵ 2025 ਦਾ ਖਿਤਾਬ ਆਪਣੇ ਨਾਂ ਕਰ ਲਿਆ ਹੈ। ਨਾਲ ਹੀ ਫਾਈਨਲ ਵਿੱਚ ਭਾਰਤ ਨੇ ਦੱਖਣੀ ਅਫਰੀਕਾ ਵੱਲੋਂ ਦਿੱਤੇ 83 ਦੌੜਾਂ ਦੇ ਟੀਚੇ ਨੂੰ 11.2 ਨਾਲ ਓਵਰਾਂ ਨਾਲ ਜਿੱਤ ਕੇ ਟਰਾਫੀ 'ਤੇ ਕਬਜ਼ਾ ਕਰ ਲਿਆ। ਇਸ ਮੈਚ ਦੌਰਾਨ ਗੋਂਗਾਡੀ ਤ੍ਰਿਸ਼ਾ ਨੇ ਭਾਰਤ ਨੂੰ ਇੱਕ ਵਾਰ ਫਿਰ ਵਿਸ਼ਵ ਚੈਂਪੀਅਨ ਬਣਾਉਣ ਵਿੱਚ ਅਹਿਮ ਭੂਮਿਕਾ ਨਿਭਾਈ ਹੈ।

A special talent in the making 👏

Trisha Gongadi is the @aramco Player of the Tournament for her thunderous batting throughout the #U19WorldCup 🔥 pic.twitter.com/SfZIHISHjR

— ICC (@ICC) February 2, 2025

ਤ੍ਰਿਸ਼ਾ ਨੇ ਪੂਰੇ ਟੂਰਨਾਮੈਂਟ ਦੌਰਾਨ ਆਪਣੇ ਆਲ ਰਾਊਂਡਰ ਖੇਡ ਨਾਲ ਵਿਰੋਧੀਆਂ ਨੂੰ ਹਰਾਇਆ ਅਤੇ ਪਲੇਅਰ ਆਫ ਦਾ ਟੂਰਨਾਮੈਂਟ ਦਾ ਖਿਤਾਬ ਵੀ ਜਿੱਤਿਆ। ਤ੍ਰਿਸ਼ਾ ਨੇ ਬੀਓਮਾਸ ਓਵਲ 'ਤੇ ਖੇਡੇ ਗਏ ਵਿਸ਼ਵ ਕੱਪ ਭਾਰਤ ਬਨਾਮ ਦੱਖਣੀ ਅਫਰੀਕਾ ਦੇ ਫਾਈਨਲ ਵਿੱਚ ਗੇਂਦ ਅਤੇ ਬੱਲੇ ਨਾਲ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ ਅਤੇ ਪਲੇਅਰ ਆਫ਼ ਦ ਮੈਚ ਦਾ ਪੁਰਸਕਾਰ ਜਿੱਤਿਆ। ਉਸ ਦੀ ਸ਼ਾਨਦਾਰ ਖੇਡ ਸਦਕਾ ਭਾਰਤ ਨੇ ਆਸਾਨੀ ਨਾਲ ਜਿੱਤ ਹਾਸਲ ਕੀਤੀ।

𝗖. 𝗛. 𝗔. 𝗠. 𝗣. 𝗜. 𝗢. 𝗡. 𝗦! 🏆#TeamIndia 🇮🇳 are the ICC U19 Women’s T20 World Cup 2025 Champions 👏 👏

Scorecard ▶️ https://t.co/hkhiLzuLwj #SAvIND | #U19WorldCup pic.twitter.com/MuOEENNjx8

— BCCI Women (@BCCIWomen) February 2, 2025

ਕੌਣ ਹੈ ਗੋਂਗਾਡੀ ਤ੍ਰਿਸ਼ਾ ?

ਜੇਕਰ ਗੱਲ ਕੀਤੀ ਜਾਵੇ ਅੱਜ ਦੀ ਜਿੱਤ ਦੀ ਤਾਂ ਇਸ ਵਿੱਚ ਅਹਿਮ ਭੁਮਿਕਾ ਨਿਭਾਈ ਗੋਂਗਾਡੀ ਤ੍ਰਿਸ਼ਾ, ਜੋ ਕਿ ਤੇਲੰਗਾਨਾ ਦੇ ਬਦਰਾਚਲਮ ਦੀ ਰਹਿਣ ਵਾਲੀ ਹੈ। ਤ੍ਰਿਸ਼ਾ ਦਾ ਜਨਮ 15 ਦਸੰਬਰ 2005 ਨੂੰ ਹੋਇਆ ਸੀ। ਉਸਨੇ 2 ਸਾਲ ਦੀ ਉਮਰ ਤੋਂ ਇੱਕ ਕ੍ਰਿਕੇਟ ਬੈਟ ਫੜਿਆ, ਹੌਲੀ-ਹੌਲੀ ਉਸਦੀ ਕ੍ਰਿਕੇਟ ਵਿੱਚ ਦਿਲਚਸਪੀ ਵਧਦੀ ਗਈ ਅਤੇ ਫਿਰ ਜੀਵੀ ਰਾਮੀ ਰੈੱਡੀ ਨੇ ਉਸਦੇ ਕ੍ਰਿਕਟ ਕਰੀਅਰ ਨੂੰ ਅੱਗੇ ਵਧਾਉਣ ਵਿੱਚ ਉਸਦੀ ਮਦਦ ਕੀਤੀ। ਉਸਨੂੰ ਕ੍ਰਿਕਟ ਬਾਰੇ ਆਪਣੇ ਪਿਤਾ ਤੋਂ ਪਤਾ ਲੱਗਾ, ਉਸਦੇ ਪਿਤਾ ਨੇ ਉਸਦੀ ਬਹੁਤ ਮਦਦ ਕੀਤੀ ਅਤੇ ਉਸਦੇ ਕਰੀਅਰ ਨੂੰ ਅੱਗੇ ਵਧਾਉਣ ਵਿੱਚ ਉਸਦੀ ਮਦਦ ਕੀਤੀ।

Ladies & Gentlemen, let's hear it for G Trisha, the first centurion of the ICC Women's U19 World Cup 2025. 👏👏

Updates ▶️ https://t.co/feBJlxclkZ pic.twitter.com/6dOJFAhdBB

— BCCI Women (@BCCIWomen) January 28, 2025

ਤ੍ਰਿਸ਼ਾ ਨੇ 9 ਸਾਲ ਦੀ ਛੋਟੀ ਉਮਰ 'ਚ ਹੈਦਰਾਬਾਦ ਅੰਡਰ-16 ਟੀਮ 'ਚ ਜਗ੍ਹਾ ਬਣਾਈ ਸੀ। ਅੰਡਰ-16 ਤੋਂ ਬਾਅਦ ਉਸ ਨੇ ਅੰਡਰ-32 ਟੀਮ 'ਚ ਜਗ੍ਹਾ ਬਣਾਈ। ਇਸ ਤੋਂ ਬਾਅਦ ਉਸ ਨੂੰ ਹੈਦਰਾਬਾਦ ਅਤੇ ਦੱਖਣੀ ਜ਼ੋਨ ਲਈ ਅੰਡਰ-19 'ਚ ਖੇਡਣ ਦਾ ਮੌਕਾ ਮਿਲਿਆ। ਸ਼ੈਫਾਲੀ ਵਰਮਾ ਦੀ ਕਪਤਾਨੀ 'ਚ ਪਹਿਲਾ ਅੰਡਰ-19 ਵਿਸ਼ਵ ਕੱਪ ਜਿੱਤਣ ਵਾਲੀ ਟੀਮ 'ਚ ਤ੍ਰਿਸ਼ਾ ਵੀ ਸ਼ਾਮਲ ਸੀ। ਇਸ 19 ਸਾਲਾ ਭਾਰਤੀ ਮਹਿਲਾ ਕ੍ਰਿਕਟਰ ਨੇ ਮਲੇਸ਼ੀਆ ਦੇ ਕੁਆਲਾਲੰਪੁਰ 'ਚ ਖੇਡੇ ਗਏ ਆਈਸੀਸੀ ਅੰਡਰ-19 ਮਹਿਲਾ ਟੀ-20 ਵਿਸ਼ਵ ਕੱਪ 'ਚ ਆਪਣਾ ਨਾਂ ਰੌਸ਼ਨ ਕੀਤਾ। ਇਸ ਟੂਰਨਾਮੈਂਟ 'ਚ ਸ਼ਾਨਦਾਰ ਪ੍ਰਦਰਸ਼ਨ ਕਰਕੇ ਤ੍ਰਿਸ਼ਾ ਨੇ ਹੁਣ ਸੀਨੀਅਰ ਟੀਮ 'ਚ ਆਪਣੀ ਸਥਿਤੀ ਮਜ਼ਬੂਤ ​​ਕਰ ਲਈ ਹੈ।

3⃣ Wickets
4⃣4⃣* Runs

G Trisha's brilliant all-round performance powered #TeamIndia to victory in the Final and helped her bag the Player of the Match award 👏 👏

Scorecard ▶️ https://t.co/hkhiLzuLwj #SAvIND | #U19WorldCup pic.twitter.com/zALmitmvNa

— BCCI Women (@BCCIWomen) February 2, 2025

ਅੰਡਰ-19 ਵਿਸ਼ਵ ਕੱਪ 'ਚ ਤ੍ਰਿਸ਼ਾ ਦਾ ਪ੍ਰਦਰਸ਼ਨ ਕਿਵੇਂ ਰਿਹਾ?

ਆਈਸੀਸੀ ਅੰਡਰ-19 ਮਹਿਲਾ ਟੀ-20 ਵਿਸ਼ਵ ਵਿੱਚ ਭਾਰਤੀ ਟੀਮ ਦੀ ਸਲਾਮੀ ਬੱਲੇਬਾਜ਼ ਗੋਂਗਾਡੀ ਤ੍ਰਿਸ਼ਾ ਨੇ 7 ਮੈਚਾਂ ਦੀਆਂ 7 ਪਾਰੀਆਂ ਵਿੱਚ 1 ਸੈਂਕੜੇ ਦੀ ਮਦਦ ਨਾਲ 309 ਦੌੜਾਂ ਬਣਾਈਆਂ ਹਨ। ਇਸ ਦੌਰਾਨ ਉਸ ਦੀ ਔਸਤ 77.27 ਅਤੇ ਸਟ੍ਰਾਈਕ ਰੇਟ 147.14 ਰਹੀ। ਇਸ ਟੂਰਨਾਮੈਂਟ 'ਚ ਉਸ ਦੇ ਬੱਲੇ ਨੇ 45 ਚੌਕੇ ਅਤੇ 5 ਛੱਕੇ ਲਗਾਏ ਹਨ। ਵਿਸ਼ਵ ਕੱਪ ਵਿੱਚ ਉਸਦਾ ਸਰਵੋਤਮ ਸਕੋਰ 110* ਰਿਹਾ ਹੈ। ਤ੍ਰਿਸ਼ਾ ਨੇ ਟੂਰਨਾਮੈਂਟ 'ਚ ਗੇਂਦ ਨਾਲ ਵੀ ਆਪਣੀ ਪ੍ਰਤਿਭਾ ਦਿਖਾਈ ਹੈ। ਉਨ੍ਹਾਂ ਨੇ 4 ਪਾਰੀਆਂ 'ਚ ਗੇਂਦਬਾਜ਼ੀ ਕਰਦੇ ਹੋਏ 7 ਵਿਕਟਾਂ ਹਾਸਲ ਕੀਤੀਆਂ ਹਨ।

• ਭਾਰਤ ਨੇ ਆਪਣਾ ਪਹਿਲਾ ਮੈਚ ਵੈਸਟਇੰਡੀਜ਼ ਖਿਲਾਫ ਖੇਡਿਆ, ਜਿਸ 'ਚ ਤ੍ਰਿਸ਼ਾ ਨੇ 4 ਦੌੜਾਂ ਬਣਾਈਆਂ।
• ਟੀਮ ਇੰਡੀਆ ਦਾ ਦੂਜਾ ਮੈਚ ਮਲੇਸ਼ੀਆ ਨਾਲ ਸੀ, ਜਿਸ 'ਚ ਤ੍ਰਿਸ਼ਾ ਨੇ 27 ਦੌੜਾਂ ਬਣਾਈਆਂ।
• ਤ੍ਰਿਸ਼ਾ ਨੇ ਸ਼੍ਰੀਲੰਕਾ ਖਿਲਾਫ ਤੀਜੇ ਮੈਚ 'ਚ 49 ਦੌੜਾਂ ਦੀ ਪਾਰੀ ਖੇਡੀ ਸੀ।
• ਭਾਰਤ ਦਾ ਚੌਥਾ ਮੈਚ ਬੰਗਲਾਦੇਸ਼ ਦੇ ਖਿਲਾਫ ਸੀ, ਜਿੱਥੇ ਤ੍ਰਿਸ਼ਾ ਨੇ 40 ਦੌੜਾਂ ਦੀ ਪਾਰੀ ਖੇਡੀ ਅਤੇ 1 ਵਿਕਟ ਲਈ।
• ਟੀਮ ਇੰਡੀਆ ਦਾ ਆਖਰੀ ਲੀਗ ਮੈਚ ਸਕਾਟਲੈਂਡ ਨਾਲ ਸੀ, ਜਿਸ 'ਚ ਉਸ ਨੇ 110 ਦੌੜਾਂ ਦੀ ਅਜੇਤੂ ਅਰਧ ਸੈਂਕੜੇ ਵਾਲੀ ਪਾਰੀ ਖੇਡੀ ਅਤੇ 3 ਵਿਕਟਾਂ ਲਈਆਂ।
• ਭਾਰਤ ਨੇ ਸੈਮੀਫਾਈਨਲ ਮੈਚ 'ਚ ਇੰਗਲੈਂਡ ਨੂੰ ਹਰਾ ਕੇ ਫਾਈਨਲ 'ਚ ਪ੍ਰਵੇਸ਼ ਕੀਤਾ। ਇਸ ਮੈਚ 'ਚ 35 ਦੌੜਾਂ ਦੀ ਪਾਰੀ ਖੇਡੀ।
• ਤ੍ਰਿਸ਼ਾ ਨੇ ਦੱਖਣੀ ਅਫਰੀਕਾ ਨਾਲ ਫਾਈਨਲ 'ਚ 44 ਦੌੜਾਂ ਦੀ ਅਜੇਤੂ ਪਾਰੀ ਖੇਡੀ ਅਤੇ 3 ਵਿਕਟਾਂ ਲਈਆਂ।