ਨਵੀਂ ਦਿੱਲੀ: ਦਿੱਲੀ ਸਿੱਖ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦੀਆਂ ਚੋਣਾਂ ਲਈ ਵੋਟਾਂ ਦੀ ਗਿਣਤੀ ਬੁੱਧਵਾਰ ਸਵੇਰੇ 8 ਵਜੇ ਤੋਂ ਚੱਲ ਰਹੀ ਹੈ। ਨਤੀਜੇ ਆਉਣ ਦੇ ਨਾਲ ਹੀ ਪੋਲਿੰਗ ਸਟੇਸ਼ਨਾਂ 'ਤੇ ਉਮੀਦਵਾਰਾਂ ਦੇ ਸਮਰਥਕਾਂ ਦੀ ਭੀੜ ਇਕੱਠੀ ਹੋਣੀ ਸ਼ੁਰੂ ਹੋ ਗਈ ਹੈ। ਇਸ ਦੇ ਨਾਲ ਹੀ ਵੋਟਾਂ ਦੀ ਗਿਣਤੀ ਦੇ ਦੌਰਾਨ ਕਾਨੂੰਨ ਵਿਵਸਥਾ ਦੀ ਸਥਿਤੀ ਨਾ ਵਿਗੜੇ ਇਸਦੇ ਲਈ ਦਿੱਲੀ ਪੁਲਿਸ ਦੁਆਰਾ ਸੁਰੱਖਿਆ ਦੇ ਵਿਆਪਕ ਪ੍ਰਬੰਧ ਕੀਤੇ ਗਏ ਹਨ।
ਉਮੀਦਵਾਰਾਂ ਦੇ ਸਮਰਥਕ ਮਯੂਰ ਵਿਹਾਰ ਖੇਤਰ ਦੇ ਖਿਚੜੀਪੁਰ ਦੇ ITI ਵਿੱਚ ਸਥਾਪਿਤ ਗਿਣਤੀ ਕੇਂਦਰ ਵਿੱਚ ਵੀ ਪਹੁੰਚ ਗਏ ਹਨ ਅਤੇ ਪਲ-ਪਲ ਚੋਣ ਨਤੀਜਿਆਂ 'ਤੇ ਨਜ਼ਰ ਰੱਖ ਰਹੇ ਹਨ। ਦੂਜੇ ਪਾਸੇ ITI ਹਰੀਨਗਰ ਵਿੱਚ ਜਿੱਤ ਦੀ ਅਗਵਾਈ ਕਰ ਰਹੇ ਉਮੀਦਵਾਰ ਦੇ ਸਮਰਥਕਾਂ ਨੇ ਨਾਅਰੇਬਾਜ਼ੀ ਕੀਤੀ। ਇੱਥੇ ਸ਼੍ਰੋਮਣੀ ਅਕਾਲੀ ਦਲ ਦਿੱਲੀ ਦੇ ਉਮੀਦਵਾਰ ਉੱਤਮ ਨਗਰ ਅਤੇ ਜਨਕਪੁਰੀ ਸੀਟਾਂ ਤੋਂ ਅੱਗੇ ਚੱਲ ਰਹੇ ਹਨ। ਦੂਜੇ ਪਾਸੇ ਸ਼ਿਵ ਨਗਰ ਸੀਟ ਤੋਂ ਅਕਾਲੀ ਦਲ ਬਾਦਲ ਦੇ ਉਮੀਦਵਾਰ ਅੱਗੇ ਚੱਲ ਰਹੇ ਹਨ।
ਇਸ ਤੋਂ ਇਲਾਵਾ ਦੂਜੇ ਗੇੜ ਦੀਆਂ ਵੋਟਾਂ ਦੀ ਗਿਣਤੀ ITI ਵਿਵੇਕ ਵਿਹਾਰ ਵਿਖੇ ਗਿਣਤੀ ਵਾਲੀ ਥਾਂ 'ਤੇ ਮੁਕੰਮਲ ਹੋ ਚੁੱਕੀ ਹੈ। ਦੂਜੇ ਗੇੜ ਵਿੱਚ ਵੀ ਅਕਾਲੀ ਦਲ ਬਾਦਲ 4 ਸੀਟਾਂ ਤੇ ਅੱਗੇ ਹੈ। ਜਦੋਂ ਕਿ ਅਕਾਲੀ ਦਲ ਸਰਨਾ ਇੱਕ ਸੀਟ ਤੇ ਅੱਗੇ ਹੈ ਅਤੇ ਜਾਗੋ ਪਾਰਟੀ ਇੱਕ ਸੀਟ ਤੇ ਅੱਗੇ ਹੈ।
ਹਾਲਾਂਕਿ ਗਿਣਤੀ ਕੁੱਲ 5 ਰਾਉਂਡਾਂ ਦੀ ਹੈ ਅਤੇ ਇਸ ਵੇਲੇ ਤੀਜੇ ਗੇੜ ਦੇ ਕੁਝ ਪੋਲਿੰਗ ਸਟੇਸ਼ਨ ਤੇ ਅਤੇ ਚੌਥੇ ਗੇੜ ਚੱਲ ਰਹੇ ਹਨ। ਅਜਿਹੀ ਸਥਿਤੀ ਵਿੱਚ ਜਿਹੜੇ ਉਮੀਦਵਾਰ 500 ਜਾਂ ਵੱਧ ਵੋਟਾਂ ਨਾਲ ਅੱਗੇ ਚੱਲ ਰਹੇ ਹਨ ਉਨ੍ਹਾਂ ਦਾ ਨਤੀਜਾ ਤੈਅ ਹੈ ਪਰ ਫਾਈਨਲ ਦਾ ਨਤੀਜਾ ਪੰਜਵੇਂ ਗੇੜ ਤੋਂ ਬਾਅਦ ਹੀ ਆਵੇਗਾ। ਦਿੱਲੀ ਸਿੱਖ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦੀਆਂ ਚੋਣਾਂ ਬੈਲਟ ਪੇਪਰ ਰਾਹੀਂ ਕਰਵਾਈਆਂ ਗਈਆਂ। ਜਿਸ ਕਾਰਨ ਨਤੀਜਿਆਂ ਵਿੱਚ ਦੇਰੀ ਹੋ ਸਕਦੀ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਅੰਤਿਮ ਨਤੀਜੇ ਦੁਪਹਿਰ ਤੋਂ ਬਾਅਦ ਐਲਾਨੇ ਜਾਣਗੇ।
ਇਹ ਵੀ ਪੜ੍ਹੋ: DSGMC ਚੋਣ ਹਾਰੇ ਮਨਜਿੰਦਰ ਸਿਰਸਾ
