ਮਥੁਰਾ: ਕਿਰਤ ਅਤੇ ਸੇਵਾ ਯੋਜਨਾ ਰਾਜ ਮੰਤਰੀ ਰਘੂਰਾਜ ਸਿੰਘ ਮੰਗਲਵਾਰ ਨੂੰ ਗੋਵਰਧਨ ਪਹੁੰਚੇ। ਜਿੱਥੇ ਉਨ੍ਹਾਂ ਨੇ ਦਾਨਘਾਟੀ ਮੰਦਰ 'ਚ ਗਿਰੀਰਾਜ ਜੀ ਨੂੰ ਦੁੱਧ ਚੜ੍ਹਾ ਕੇ ਪੂਜਾ ਕੀਤੀ। ਇਸ ਤੋਂ ਬਾਅਦ ਮੀਡੀਆ ਨਾਲ ਗੱਲਬਾਤ ਕਰਦੇ ਹੋਏ ਉਨ੍ਹਾਂ ਨੇ ਵਿਵਾਦਿਤ ਬਿਆਨ ਦਿੱਤਾ ਹੈ। ਰਘੂਰਾਜ ਸਿੰਘ ਨੇ ਕਿਹਾ ਕਿ ਸਾਡਾ ਭਾਰਤ ਦੇਸ਼ ਸਵਰਗ ਹੈ, ਜਦਕਿ ਅਮਰੀਕਾ ਪਤਾਲ ਲੋਕ ਅਤੇ ਅਫ਼ਰੀਕਾ ਨਰਕ ਹੈ।
ਰਾਜ ਮੰਤਰੀ ਰਘੂਰਾਜ ਸਿੰਘ ਨੇ ਕਿਹਾ ਕਿ ਭਾਰਤ ਸਵਰਗ ਹੈ। ਇਸ ਵਿੱਚ ਕੋਈ ਸ਼ੱਕ ਨਹੀਂ, ਵੇਦਾਂ ਵਿੱਚ ਵੀ ਇਸ ਦਾ ਜ਼ਿਕਰ ਹੈ। ਭਗਵਾਨ ਵਿਸ਼ਵਕਰਮਾ ਲੰਕਾ ਨੂੰ ਸੋਨੇ ਦੀ ਬਣਾ ਕੇ ਆਰਾਮ ਕਰਨ ਲਈ ਸੱਤ ਸਮੁੰਦਰ ਪਾਰ ਅਮਰੀਕਾ ਗਏ ਸਨ, ਇਸ ਲਈ ਉਹ ਪਤਾਲ ਲੋਕ ਹੈ। ਉਨ੍ਹਾਂ ਕਿਹਾ ਕਿ ਦੁਨੀਆ ਨੂੰ ਭਾਰਤ ਚਲਾ ਰਿਹਾ ਹੈ, ਇਸ ਨੂੰ ਗੋਵਰਧਨ ਨਾਥ ਹੀ ਚਲਾਉਣਗੇ। ਗੋਵਰਧਨ ਗਿਰੀਰਾਜ ਜੀ ਨੇ ਸਾਨੂੰ ਸੰਸਾਰ ਨੂੰ ਚਲਾਉਣ ਦੀ ਸ਼ਕਤੀ ਦਿੱਤੀ ਹੈ।
ਰਾਜ ਮੰਤਰੀ ਰਘੂਰਾਜ ਸਿੰਘ ਨੇ ਕਿਹਾ ਕਿ ਮੈਂ ਬ੍ਰਜ ਦਾ ਇੱਕ ਛੋਟਾ ਕਣ ਹਾਂ, ਬ੍ਰਜ ਦਾ ਬਹੁਤ ਵਿਸਥਾਰ ਹੈ। ਇਟਾਵਾ ਤੱਕ ਦਾ ਇਲਾਕਾ ਬ੍ਰਜ ਅਧੀਨ ਆਉਂਦਾ ਹੈ। ਮੈਂ ਗੋਵਰਧਨ ਗਿਰੀਰਾਜ ਜੀ ਦੀ ਕਿਰਪਾ ਨਾਲ ਮੰਤਰੀ ਬਣਿਆ ਹਾਂ। ਗੋਵਰਧਨ-ਮਥੁਰਾ ਸੜਕ ਦੇ ਨਿਰਮਾਣ 'ਤੇ ਰਾਜ ਮੰਤਰੀ ਨੇ ਕਿਹਾ ਕਿ ਕੋਰੋਨਾ ਦੇ ਸਮੇਂ ਦੌਰਾਨ ਵਿਕਾਸ ਕਾਰਜ ਪ੍ਰਭਾਵਿਤ ਹੋਏ ਸਨ। ਹੁਣ ਵਿਕਾਸ ਕਾਰਜ ਤੇਜ਼ੀ ਨਾਲ ਹੋ ਰਹੇ ਹਨ। ਇਸ ਲਈ ਸਾਨੂੰ ਸਿਰਫ਼ 6 ਮਹੀਨੇ ਦਾ ਸਮਾਂ ਦਿਓ।
ਇਹ ਵੀ ਪੜ੍ਹੋ: SFJ ਦੇ ਪੰਨੂ ਨੇ ਕਰਵਾਇਆ ਮੁਹਾਲੀ ਅਟੈਕ !, ਆਡੀਓ ਹੋਈ ਵਾਇਰਲ
