ਨਵੀਂ ਦਿੱਲੀ: ਇਸਰੋ ਦੇ ਸਫਲ ਚੰਦਰਯਾਨ ਮਿਸ਼ਨ 'ਚੰਦਰਯਾਨ-3' 'ਤੇ ਅੱਜ ਰਾਜ ਸਭਾ ((Rajya Sabha Chandrayaan-3)) 'ਚ ਚਰਚਾ ਹੋਵੇਗੀ। ਅਮਰੀਕਾ, ਰੂਸ ਅਤੇ ਚੀਨ ਤੋਂ ਬਾਅਦ ਭਾਰਤ ਚੰਦ 'ਤੇ ਉਤਰਨ ਵਾਲਾ ਚੌਥਾ ਦੇਸ਼ ਬਣ ਗਿਆ ਹੈ। ਲੇਬਰ, ਟੈਕਸਟਾਈਲ ਅਤੇ ਹੁਨਰ ਵਿਕਾਸ ਬਾਰੇ ਸਥਾਈ ਕਮੇਟੀ ਦੀਆਂ ਰਿਪੋਰਟਾਂ ਦੇ ਨਾਲ-ਨਾਲ ਲੋਕ ਲੇਖਾ ਕਮੇਟੀ ਦੀਆਂ ਰਿਪੋਰਟਾਂ ਨੂੰ ਪੇਸ਼ ਕਰਨ ਤੋਂ ਤੁਰੰਤ ਬਾਅਦ 'ਚੰਦਰਯਾਨ-3' 'ਤੇ ਚਰਚਾ ਕੀਤੀ ਜਾਵੇਗੀ।
ਭਾਰਤ ਬਣਿਆ ਪਹਿਲਾ ਦੇਸ਼: ਭਾਰਤ ਦੀ ਸ਼ਾਨਦਾਰ ਪੁਲਾੜ ਯਾਤਰਾ 'ਤੇ ਚਰਚਾ ਕਰਨ ਲਈ ਰਾਜ ਸਭਾ ਦੀ ਸੂਚੀ ਵਿਚ ਚੰਦਰਯਾਨ-3 ਦੀ ਸਫਲ ਸਾਫਟ ਲੈਂਡਿੰਗ ਦਾ ਜ਼ਿਕਰ ਆਈਟਮ ਨੰਬਰ 5 ਵਜੋਂ ਕੀਤਾ ਗਿਆ। ਚੰਦਰਯਾਨ-3 ਦੀ ਸਫਲਤਾ ਨਾਲ ਭਾਰਤ ਅਜਿਹਾ ਕਰਨ ਵਾਲਾ ਪਹਿਲਾ ਦੇਸ਼ ਵੀ ਬਣ ਗਿਆ ਹੈ। ਜਿਸ ਨੇ ਚੰਨ ਦੇ ਹੁਣ ਤੱਕ ਦੇ ਅਛੂਤੇ ਦੱਖਣੀ ਧਰੁਵ 'ਤੇ ਕਦਮ ਰੱਖਿਆ। 'ਚੰਦਰਯਾਨ-3' (Chandrayaan-3) 23 ਅਗਸਤ ਨੂੰ ਆਪਣੀ ਸਫਲ ਸਾਫਟ ਲੈਂਡਿੰਗ ਤੋਂ ਬਾਅਦ ਇਸ ਸਮੇਂ ਚੰਨ ਦੇ ਦੱਖਣੀ ਧਰੁਵ ਦੇ ਨੇੜੇ ਹੈ। ਭਾਰਤ ਨੇ ਚੰਦਰਯਾਨ-3 ਲੈਂਡਰ ਦੇ ਰੂਪ 'ਚ ਵੱਡੀ ਛਾਲ ਮਾਰੀ ਹੈ।
- India Canada Relation: ਹਰਦੀਪ ਨਿੱਝਰ ਮਾਮਲੇ 'ਚ ਭਾਰਤ ਦੇ ਜਵਾਬ ਤੋਂ ਬਾਅਦ ਕੈਨੇਡਾ ਦੇ ਪੀਐੱਮ ਟਰੂਡੋ ਨੇ ਕਿਹਾ- 'ਅਸੀਂ ਭੜਕਾਉਣ ਵਾਲੇ ਨਹੀਂ ਹਾਂ'
- Parliament Session Live Updates: ਲੋਕ ਸਭਾ ਵਿੱਚ ਮਹਿਲਾ ਰਾਖਵਾਂਕਰਨ ਬਿੱਲ ਉੱਤੇ ਬੋਲੇ ਸੋਨੀਆ ਗਾਂਧੀ, ਕਿਹਾ- ਮੈਂ ਬਿੱਲ ਦੇ ਸਮਰਥਨ 'ਚ ...
- Pannu Threat to India: ਗੁਰਪਤਵੰਤ ਪੰਨੂੰ ਨੇ ਹਿੰਦੂਆਂ ਨੂੰ ਕੈਨੇਡਾ ਛੱਡ ਕੇ ਭਾਰਤ ਜਾਣ ਲਈ ਆਖਿਆ, ਭਾਰਤੀ ਸਫਾਰਤਖਾਨੇ ਬੰਦ ਕਰਵਾਉਣ ਦੀ ਵੀ ਦਿੱਤੀ ਧਮਕੀ
ਚੰਦਰਯਾਨ-3 ਦੇ ਉਦੇਸ਼: ਭਾਰਤ ਦੀ ਸ਼ਾਨਦਾਰ ਪੁਲਾੜ ਯਾਤਰਾ ਚੰਦਰਯਾਨ-3 'ਤੇ ਸੰਸਦ ਦੇ ਵਿਸ਼ੇਸ਼ ਸੈਸ਼ਨ 'ਚ ਅੱਜ ਰਾਜ ਸਭਾ 'ਚ ਚਰਚਾ ਹੋਵੇਗੀ। ਮਾਡਿਊਲ ਚੰਦਰਮਾ ਦੇ ਦੱਖਣੀ ਧਰੁਵ 'ਤੇ ਸਫਲਤਾਪੂਰਵਕ ਉਤਰਿਆ, ਜਿਸ ਨਾਲ ਭਾਰਤ ਇਹ ਇਤਿਹਾਸਕ ਉਪਲਬਧੀ ਹਾਸਲ ਕਰਨ ਵਾਲਾ ਪਹਿਲਾ ਦੇਸ਼ ਬਣ ਗਿਆ। ਚਾਰ ਸਾਲ ਪਹਿਲਾਂ ਚੰਦਰਯਾਨ-2 ਦੀ ਕਰੈਸ਼ ਲੈਂਡਿੰਗ ਨੂੰ ਲੈ ਕੇ ਨਿਰਾਸ਼ਾ ਖਤਮ ਹੋ ਗਈ। ਛੋਟੇ ਤੱਤ ਨੂੰ ਲੱਭਣਾ, ਤਾਪਮਾਨ ਨੂੰ ਰਿਕਾਰਡ ਕਰਨਾ ਅਤੇ ਇਸਦੇ ਆਲੇ ਦੁਆਲੇ ਦੀਆਂ ਗਤੀਵਿਧੀਆਂ ਨੂੰ ਸੁਣਨਾ। ਇਹ ਭਾਰਤ ਦੇ ਤੀਜੇ ਚੰਦਰ ਮਿਸ਼ਨ ਚੰਦਰਯਾਨ-3 ਦੇ ਉਦੇਸ਼ ਹਨ। ਚੰਦਰਮਾ ਦੀ ਸਤ੍ਹਾ 'ਤੇ ਰੋਵਰ ਦੀ ਇੱਕ ਸੁਰੱਖਿਅਤ ਅਤੇ ਸਾਫਟ ਲੈਂਡਿੰਗ ਅਤੇ ਰੋਟੇਸ਼ਨ ਵਿਗਿਆਨਕ ਪ੍ਰਯੋਗ ਸਨ। ਇਸ ਸਮੇ ਵਿਕਰਮ ਲੈਂਡਰ ਅਤੇ ਪ੍ਰਗਿਆਨ ਰੋਵਰ ਸਲੀਪ ਮੋਡ ਵਿੱਚ ਹਨ। 22 ਸਤੰਬਰ ਦੇ ਆਸਪਾਸ ਉਸ ਦੇ ਜਾਗਣ ਦੀ ਉਮੀਦ ਹੈ। ਤਾਜ਼ਾ ਅਪਡੇਟ ਵਿੱਚ, ਭਾਰਤੀ ਪੁਲਾੜ ਖੋਜ ਸੰਗਠਨ ਨੇ ਚੰਦਰਮਾ ਦੇ ਦੱਖਣੀ ਧਰੁਵ ਤੋਂ ਚੰਦਰਯਾਨ-3 ਦੇ ਵਿਕਰਮ ਲੈਂਡਰ ਦੀ ਇੱਕ ਤਿੰਨ-ਅਯਾਮੀ ਤਸਵੀਰ ਜਾਰੀ ਕੀਤੀ ਹੈ। ਸੰਸਦ ਦਾ ਪੰਜ ਦਿਨਾਂ ਵਿਸ਼ੇਸ਼ ਸੈਸ਼ਨ ਸੋਮਵਾਰ ਨੂੰ ਸ਼ੁਰੂ ਹੋਇਆ ਅਤੇ ਸ਼ੁੱਕਰਵਾਰ ਨੂੰ ਖਤਮ ਹੋਵੇਗਾ।
