ਜੈਪੁਰ: ਟੂਲਕਿੱਟ ਵਿਵਾਦ ਹੁਣ ਦਿੱਲੀ ਤੋਂ ਹੁੰਦਾ ਹੋਇਆ ਰਾਜਧਾਨੀ ਜੈਪੁਰ ਪਹੁੰਚ ਗਿਆ ਹੈ। ਟੂਲਕਿੱਟ ਵਿਵਾਦ ਮਾਮਲੇ ਵਿੱਚ ਪੀਸੀਸੀ ਦੇ ਸਕੱਤਰ ਜਸਵੰਤ ਗੁਰਜਰ ਨੇ ਬਜਾਜ ਨਗਰ ਥਾਣੇ ਵਿੱਚ ਭਾਜਪਾ ਕੌਮੀ ਜੇਪੀ ਨੱਡਾ, ਕੇਂਦਰੀ ਮੰਤਰੀ ਸਮ੍ਰਿਤੀ ਈਰਾਨੀ, ਰਾਸ਼ਟਰੀ ਬੁਲਾਰੇ ਸੰਬਿਤ ਪੱਤਰ, ਰਾਸ਼ਟਰੀ ਜਨਰਲ ਸਕੱਤਰ ਬੀਐਲ ਸੰਤੋਸ਼ ਵਿਰੁੱਧ ਐਫਆਈਆਰ ਦਰਜ ਕਰਵਾਈ ਹੈ।
ਜਸਵੰਤ ਗੁਰਜਰ ਨੇ ਆਪਣੀ ਐਫਆਈਆਰ ਵਿੱਚ ਇਹ ਇਲਜ਼ਾਮ ਲਗਾਇਆ ਕਿ ਇਨ੍ਹਾਂ ਨੇਤਾਵਾਂ ਨੇ ਆਪਸ ਵਿੱਚ ਸਾਜਿਸ਼ ਰਚਦੇ ਹੋਏ ਕਾਂਗਰਸ ਪਾਰਟੀ ਦੇ ਖੋਜ ਵਿਭਾਗ ਦੇ ਨਾਮ ’ਤੇ ਟੂਲਕਿੱਟ ਦਾ ਕੁਟਰਚਿਤ ਦਸਤਾਵੇਜ਼ ਤਿਆਰ ਕਰਕੇ ਆਪਣੇ ਟਵਿਟਰ ਅਕਾਉਂਟ ਉੱਤੇ ਟਵੀਟ ਕੀਤਾ ਹੈ। ਇਨ੍ਹਾਂ ਭਾਜਪਾ ਨੇਤਾਵਾਂ ਨੇ ਕਾਂਗਰਸ ਪਾਰਟੀ ਦੇ ਅਕਸ ਨੂੰ ਵਿਗਾੜਨ ਦੀ ਕੋਸ਼ਿਸ਼ ਕੀਤੀ ਹੈ, ਜਿਸ ਕਾਰਨ ਇਨ੍ਹਾਂ ਨੇਤਾਵਾਂ ਖ਼ਿਲਾਫ਼ ਜੈਪੁਰ ਦੇ ਬਜਾਜ ਨਗਰ ਥਾਣੇ ਵਿਖੇ ਐਫਆਈਆਰ ਦਰਜ ਕੀਤੀ ਗਈ ਹੈ।
ਇਹ ਵੀ ਪੜ੍ਹੋ:ਰਾਜਸਥਾਨ ਦੇ ਸਾਬਕਾ ਸੀਐਮ ਜਗਨਨਾਥ ਪਹਾੜੀਆ ਦੀ ਕੋਵਿਡ ਨਾਲ ਹੋਈ ਮੌਤ
ਜਸਵੰਤ ਗੁਰਜਰ ਨੇ ਕਿਹਾ ਕਿ ਫਿਲਹਾਲ ਕੋਰੋਨਾ ਕਾਲ ਵਿੱਚ, ਭਾਜਪਾ ਨੂੰ ਮਨੁੱਖੀ ਸੇਵਾ ਦਾ ਕੰਮ ਕਰਨਾ ਚਾਹੀਦਾ ਹੈ, ਪਰ ਇਹ ਆਪਣੇ ਦਾਗ਼ੀ ਅਕਸ ਨੂੰ ਰੌਸ਼ਨ ਕਰਨ ਦੀ ਕੋਸ਼ਿਸ਼ ਵਿੱਚ ਝੂਠ, ਪਖੰਡ ਅਤੇ ਧੋਖੇ ਦੇ ਅਧਾਰ 'ਤੇ ਕੰਮ ਕਰ ਰਹੀ ਹੈ, ਜੋ ਅੱਜ ਤੱਕ ਦੇ ਭਾਰਤੀ ਰਾਜਨੀਤੀ ਦੇ ਇਤਿਹਾਸ ਵਿੱਚ ਕਦੇ ਨਹੀਂ ਹੋਇਆ। ਜਸਵੰਤ ਗੁਰਜਰ ਨੇ ਕਿਹਾ ਕਿ ਚੋਣ ਵਿੱਚ ਜਿੱਤ ਹਾਰ ਇਸ ਤੋਂ ਪਹਿਲਾਂ ਵੀ ਹੋ ਚੁੱਕੀ ਹੈ। ਵਿਪਦਾ ਪਹਿਲਾਂ ਵੀ ਆਈ ਹੈ। ਸੱਤਾ ਅਤੇ ਵਿਰੋਧੀ ਧਿਰਾਂ ਨੇ ਉਨ੍ਹਾਂ ਦਾ ਇਕੱਠਿਆਂ ਮੁਕਾਬਲਾ ਕੀਤਾ ਹੈ, ਪਰ ਭਾਜਪਾ ਕੇਂਦਰ ਵਿੱਚ ਸੱਤਾ ਦੀ ਦੁਰਵਰਤੋਂ ਕਰ ਰਹੀ ਹੈ। ਰਾਜ ਵਿੱਚ ਵਿਰੋਧੀ ਧਿਰ ਦਾ ਨੇਤਾ ਦੋਸ਼ਾਂ ਅਤੇ ਬਿਆਨਾਂ ਦੀ ਰਾਜਨੀਤੀ ਕਰਕੇ ਆਪਣੀ ਖੁਦ ਦੀ ਸ਼ਕਲ ਬਣਾਉਣ ਅਤੇ ਦੂਜਿਆਂ ਦੇ ਅਕਸ ਨੂੰ ਵਿਗਾੜਨ ਵਿੱਚ ਜੁਟਿਆ ਹੋਇਆ ਹੈ, ਜੋ ਕਿ ਸਹੀ ਨਹੀਂ ਹੈ। ਜਨਤਾ ਸਭ ਕੁਝ ਦੇਖ ਰਹੀ ਹੈ।
