ਵਾਰੰਗਲ: ਤੇਲੰਗਾਨਾ ਦੇ ਜੈਸ਼ੰਕਰ-ਭੂਪਾਲਾਪੱਲੀ ਜ਼ਿਲ੍ਹੇ ਵਿੱਚ 10 ਕਿਸਾਨ ਸ਼ਨੀਵਾਰ ਨੂੰ ਭਾਰੀ ਬਾਰਸ਼ ਤੋਂ ਬਾਅਦ ਨਦੀ 'ਚ ਹੜ੍ਹ ਆਉਣ ਕਾਰਨ ਫਸ ਗਏ ਸਨ। ਇਨ੍ਹਾਂ ਨੂੰ 2 ਹੈਲੀਕਾਪਟਰਾਂ ਦੀ ਮਦਦ ਨਾਲ ਬਾਹਰ ਕੱਢ ਲਿਆ ਗਿਆ। ਸਰਕਾਰੀ ਬੁਲਾਰੇ ਨੇ ਦੱਸਿਆ ਕਿ ਜ਼ਿਲ੍ਹੇ ਦੇ ਕੁੰਦਨਪੱਲੀ ਪਿੰਡ ਦੇ ਕਿਸਾਨ ਖੇਤੀਬਾੜੀ ਦੇ ਕੰਮਾਂ ਲਈ ਖੇਤਾਂ ਵਿਚ ਗਏ ਹੋਏ ਸਨ ਤੇ ਹੜ੍ਹਾਂ ਤੋਂ ਬਾਅਦ ਉਹ ਉਥੇ ਪਾਣੀ ਵਿੱਚ ਫਸ ਗਏ।
ਵੀਡੀਓ
ਜਾਰੀ ਬਿਆਨ ਵਿੱਚ ਕਿਹਾ ਗਿਆ ਹੈ ਕਿ ਇਸ ਬਾਰੇ ਪਤਾ ਲੱਗਣ ਤੋਂ ਬਾਅਦ ਪੰਚਾਇਤ ਰਾਜ ਮੰਤਰੀ ਦਯਾਕਰ ਰਾਓ ਅਤੇ ਟੀਆਰਐਸ ਵਿਧਾਇਕ ਗਾਂਦਰਾ ਵੈਂਕਟਾ ਰਮਨ ਰੈਡੀ ਨੇ ਰਾਜ ਦੇ ਨਗਰ ਨਿਗਮ ਦੇ ਮੰਤਰੀ ਕੇਟੀ ਰਾਮਾ ਰਾਓ ਨਾਲ ਗੱਲਬਾਤ ਕੀਤੀ, ਉਨ੍ਹਾਂ ਨਿਰਦੇਸ਼ ਦਿੱਤੇ ਕਿ ਬਚਾਅ ਉਪਾਅ ਤੁਰੰਤ ਕੀਤਾ ਜਾਵੇ।
ਦਯਾਕਰ ਰਾਓ ਅਤੇ ਵਿਧਾਇਕ ਨੇ ਜ਼ਿਲ੍ਹਾ ਕੁਲੈਕਟਰ ਅਤੇ ਪੁਲਿਸ ਅਧਿਕਾਰੀਆਂ ਨਾਲ ਬਚਾਅ ਕਾਰਜਾਂ ਬਾਰੇ ਗੱਲਬਾਤ ਕੀਤੀ। ਇਸ ਦੌਰਾਨ ਉਨ੍ਹਾਂ 10 ਕਿਸਾਨਾਂ ਨੂੰ 2 ਹੈਲੀਕਾਪਟਰਾਂ ਦੀ ਮਦਦ ਨਾਲ ਬਚਾ ਲਿਆ।
