ਨਵੀਂ ਦਿੱਲੀ: ਦੁਨੀਆ ਦੀ ਰਾਜਨੀਤੀ ਉੱਤੇ ਭਾਰਤ ਦਾ ਗਲੋਬਲ ਸੰਮੇਲਨ ਰਾਏਸੀਨਾ ਡਾਇਲਾਗ ਮੰਗਲਵਾਰ ਨੂੰ ਸ਼ੁਰੂ ਹੋਇਆ ਜਿਸ ਵਿੱਚ ਸੱਤ ਸਾਬਕਾ ਰਾਸ਼ਟਰਪਤੀਆਂ ਨੇ ਵਿਸ਼ਵ ਸਾਹਮਣੇ ਆਉਣ ਵਾਲੀਆਂ ਚੁਣੌਤੀਆਂ ਨੂੰ ਲੈ ਕੇ ਆਪਣੇ ਵਿਚਾਰ ਪੇਸ਼ ਕੀਤੇ। ਇਨ੍ਹਾਂ ਵਿਚ ਅਮਰੀਕਾ- ਈਰਾਨ ਵਿਚਾਲੇ ਤਣਾਅ, ਅਫਗਾਨ ਸ਼ਾਂਤੀ ਪ੍ਰਕਿਰਿਆ ਅਤੇ ਜਲਵਾਯੂ ਤਬਦੀਲੀ ਵਰਗੀਆਂ ਚੁਣੌਤੀਆਂ ਸ਼ਾਮਲ ਹਨ।
ਉਦਘਾਟਨੀ ਸੈਸ਼ਨ ਦੌਰਾਨ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ, ਡੈਨਮਾਰਕ ਦੇ ਸਾਬਕਾ ਪ੍ਰਧਾਨ ਮੰਤਰੀ ਅਤੇ ਨਾਟੋ ਦੇ ਸਾਬਕਾ ਜਨਰਲ ਸੱਕਤਰ ਆਂਦਰੇਸ ਰਾਸਮੁਸੇਨ ਨੇ ਕਿਹਾ ਕਿ ਉਹ ਜਮਹੂਰੀ ਦੇਸ਼ਾਂ ਦਾ ਇੱਕ ਗਲੋਬਲ ਗੱਠਜੋੜ ਦੇਖਣਾ ਚਾਹੁਣਗੇ ਜੋ ਦਮਨਕਾਰੀ ਸ਼ਾਸਕਾਂ ਅਤੇ ਤਾਕਤ ਦੇ ਵਿਰੁੱਧ ਖੜੇ ਹਨ ਅਤੇ ਭਾਰਤ ਅਜਿਹੇ ਗੱਠਜੋੜ ਵਿੱਚ ਅਹਿਮ ਭੂਮਿਕਾ ਅਦਾ ਕਰ ਸਕਦਾ ਹੈ।
ਇਹ ਵੀ ਪੜ੍ਹੋ: ਅੱਜ ਪੀਐਮ ਨਾਲ ਮੁਲਾਕਾਤ ਕਰਨਗੇ ਈਰਾਨ ਦੇ ਵਿਦੇਸ਼ ਮੰਤਰੀ ਜ਼ਰੀਫ
ਰਾਸਮੁਸੇਨ ਨੇ ਕਿਹਾ, "ਭਾਰਤ ਇਸ ਵਿੱਚ ਅਹਿਮ ਰੋਲ ਅਦਾ ਕਰ ਸਕਦਾ ਹੈ। ਮੈਂ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦਾ ਪ੍ਰਸ਼ੰਸਕ ਹਾਂ ਅਤੇ ਇਸ ਗੱਠਜੋੜ ਵਿੱਚ ਭਾਰਤ ਦੀ ਭਾਗੀਦਾਰੀ ਮਹੱਤਵਪੂਰਣ ਹੋਵੇਗੀ।"
ਵਿਦੇਸ਼ ਮੰਤਰੀ ਐਸ ਜੈਸ਼ੰਕਰ ਨੇ ਕਿਹਾ, "ਭਾਰਤੀ ਵਿਦੇਸ਼ ਨੀਤੀ ਵੱਖ-ਵੱਖ ਹਿੱਸੇਦਾਰਾਂ ਨਾਲ ਵਿਆਪਕ ਸਾਂਝ ਦੀ ਹਮਾਇਤ ਕਰਦੀ ਹੈ। ਭਾਰਤ ਵਿਸ਼ਵਵਿਆਪੀ ਵਿਰੋਧ ਦਾ ਲਾਭ ਨਹੀਂ ਲੈਂਦਾ। ਅਸੀਂ ਬਹੁਪੱਖੀ ਦੁਨੀਆ ਵਿਚ ਆਪਣੇ ਹਿੱਤਾਂ ਨੂੰ ਅੱਗੇ ਵਧਾਉਂਦੇ ਹੋਏ, ਸੰਸਾਰ ਦਾ ਭਲਾ ਸੋਚਦੇ ਹਾਂ।"
ਗਲੋਬਲ ਚੁਣੌਤੀਆਂ 'ਤੇ ਮੰਥਨ
ਉਦਘਾਟਨੀ ਸੈਸ਼ਨ ਵਿੱਚ, ਰਸਮਸੇਨ, ਨਿਊਜ਼ੀਲੈਂਡ ਦੇ ਪ੍ਰਧਾਨ ਮੰਤਰੀ ਹੇਲਨ ਕਲਾਰਕ, ਸਾਬਕਾ ਅਫਗਾਨਿਸਤਾਨ ਦੇ ਸਾਬਕਾ ਰਾਸ਼ਟਰਪਤੀ ਹਾਮਿਦ ਕਰਜ਼ਈ, ਸਾਬਕਾ ਕੈਨੇਡੀਅਨ ਪ੍ਰਧਾਨ ਮੰਤਰੀ ਸਟੀਫਨ ਹਾਰਪਰ, ਸਵੀਡਨ ਦੇ ਸਾਬਕਾ ਪ੍ਰਧਾਨ ਮੰਤਰੀ ਕਾਰਲ ਬਲਿਡਟ, ਭੂਟਾਨ ਦੇ ਸਾਬਕਾ ਪ੍ਰਧਾਨ ਮੰਤਰੀ ਸ਼ਾਇਰਿੰਗ ਤੌਗਬੇ, ਦੱਖਣੀ ਕੋਰੀਆ ਦੇ ਸਾਬਕਾ ਪ੍ਰਧਾਨ ਮੰਤਰੀ ਹਾਂਗ ਸੋਂਗ ਸੂ ਦੀਆਂ ਗਲੋਬਲ ਚੁਣੌਤੀਆਂ 'ਤੇ ਮੰਥਨ ਕੀਤਾ ਗਿਆ।
ਇਹ ਵੀ ਪੜ੍ਹੋ: CAA, NRC ਤੇ NPR ਬਾਰੇ ਸਦਨ ਦੀ ਇੱਛਾ ਮੁਤਾਬਕ ਕਦਮ ਪੁੱਟੇਗੀ ਕੈਪਟਨ ਸਰਕਾਰ
ਹਾਰਪਰ ਨੇ ਮੋਦੀ ਦੀ ਅਗਵਾਈ ਦੀ ਕੀਤੀ ਸ਼ਲਾਘਾ
ਹਾਰਪਰ ਨੇ ਪ੍ਰਧਾਨ ਮੰਤਰੀ ਮੋਦੀ ਦੀ ਅਗਵਾਈ ਦੀ ਪ੍ਰਸ਼ੰਸਾ ਕਰਦਿਆਂ ਕਿਹਾ ਕਿ ਭਾਰਤ ਸਵੈ-ਪਰਿਭਾਸ਼ਿਤ ਹੈ। ਉਨ੍ਹਾਂ ਕਿਹਾ ਕਿ ਭਾਰਤ ਪੱਛਮੀ ਉਦਾਰਾਂ ਦਾ ਗੜ੍ਹ ਨਹੀਂ ਬਣੇਗਾ। ਮੌਜੂਦਾ ਸਰਕਾਰ ਦੀ ਅਗਵਾਈ ਹੇਠ ਦੇਸ਼ ਤੇਜ਼ੀ ਨਾਲ ਆਪਣੀ ਪਛਾਣ ਮੁੜ ਹਾਸਲ ਕਰ ਰਿਹਾ ਹੈ।
ਦਬਾਅ ਨਹੀਂ ਬਣਾ ਸਕਦਾ ਅਮਰੀਕਾ
ਕਰਜ਼ਈ ਨੇ ਕਿਹਾ ਕਿ ਅਮਰੀਕਾ ਨੂੰ ਸਮਝ ਲੈਣਾ ਚਾਹੀਦਾ ਹੈ ਕਿ ਉਹ ਦੂਜਿਆਂ ਨੂੰ ਮੰਨਣ ਲਈ ਮਜਬੂਰ ਨਹੀਂ ਕਰ ਸਕਦਾ। ਅਮਰੀਕਾ ਇਹ ਅਫਗਾਨਿਸਤਾਨ ਨਾਲ ਨਹੀਂ ਕਰ ਸਕਦਾ, ਤਾਂ ਉਹ ਇਰਾਨ ਨਾਲ ਕਿਵੇਂ ਕਰ ਸਕਦਾ ਹੈ? ਅਮਰੀਕਾ ਨੂੰ ਸਮਝਦਾਰੀ ਦਿਖਾਉਣੀ ਚਾਹੀਦੀ ਹੈ।
ਗਲੋਬਲ ਸਮੱਸਿਆ ਹੈ ਹਵਾ ਪ੍ਰਦੂਸ਼ਣ
ਨਿਊਜ਼ੀਲੈਂਡ ਦੇ ਸਾਬਕਾ ਮੁਖੀ ਕਲਾਰਕ ਨੇ ਕਿਹਾ ਕਿ ਜਲਵਾਯੂ ਤਬਦੀਲੀ ਦੀ ਚੁਣੌਤੀ ਦਾ ਮੁਕਾਬਲਾ ਕਰਨ ਲਈ ਕਾਰਬਨ ਦੇ ਨਿਕਾਸ ਨੂੰ ਜ਼ੀਰੋ ਕਰਨਾ ਮਹੱਤਵਪੂਰਨ ਹੈ। ਇਸ ਵੱਡੇ ਟੀਚੇ ਨੂੰ ਪ੍ਰਾਪਤ ਕਰਨ ਲਈ ਹਾਲਾਂਕਿ ਇੱਕ ਰਾਸ਼ਟਰੀ ਸਹਿਮਤੀ ਜ਼ਰੂਰੀ ਹੈ। ਕਲਾਰਕ ਨੇ ਹਵਾ ਪ੍ਰਦੂਸ਼ਣ ਨੂੰ ਇਕ ਵਿਸ਼ਵਵਿਆਪੀ ਸਮੱਸਿਆ ਦੱਸਿਆ ਅਤੇ ਕਿਹਾ ਕਿ ਇਸ ਨੂੰ ਸਿਰਫ ਕਾਨੂੰਨੀ ਕਾਰਵਾਈ, ਨਿਵੇਸ਼ ਅਤੇ ਸਖ਼ਤ ਕਾਰਵਾਈ ਕਰਕੇ ਹੀ ਰੋਕਿਆ ਜਾ ਸਕਦਾ ਹੈ।
