ਨਵੀਂ ਦਿੱਲੀ: ਆਜ਼ਾਦੀ ਦਿਹਾੜੇ ਤੋਂ ਪਹਿਲਾਂ ਰਾਸ਼ਟਰਪਤੀ ਰਾਮਨਾਥ ਕੋਵਿੰਦ ਨੇ ਭਾਰਤ ਦੇ ਲੋਕਾਂ ਨੂੰ ਸੰਬੋਧਨ ਕੀਤਾ। ਉਨ੍ਹਾਂ ਨੇ ਦੇਸ਼ ਵਾਸੀਆਂ ਨੂੰ ਆਜ਼ਾਦੀ ਦਿਹਾੜੇ ਦੀਆਂ ਵਧਾਈਆਂ ਦਿੱਤੀਆਂ ਤੇ ਕਈ ਅਹਿਮ ਗੱਲਾਂ ਕਹੀਆਂ। ਇਸ ਦੇ ਨਾਲ ਹੀ ਜੰਮੂ-ਕਸ਼ਮੀਰ 'ਚ ਹਟਾਈ ਗਈ ਧਾਰਾ 370 ਬਾਰੇ ਭਰੋਸਾ ਦਿਵਾਇਆ ਕਿ ਇਹ ਲੋਕਾਂ ਲਈ ਫ਼ਾਇਦੇਮੰਦ ਸਾਬਿਤ ਹੋਵੇਗੀ। ਉਨ੍ਹਾਂ ਕਿਹਾ ਕਿ 2019 ਵਿੱਚ ਗੁਰੂ ਨਾਨਕ ਦੇਵ ਜੀ ਦਾ 550ਵਾਂ ਪ੍ਰਕਾਸ਼ ਦਿਹਾੜਾ ਹੈ। ਉਹ ਭਾਰਤ ਦੇ ਮਹਾਨ ਸੰਤਾਂ 'ਚੋਂ ਇਕ ਸਨ। ਉਹ ਸ੍ਰੀ ਗੁਰੂ ਨਾਨਕ ਦੇਵ ਜੀ ਦੇ ਸਾਰੇ ਪੈਰੋਕਾਰਾਂ ਨੂੰ ਦਿਲੋਂ ਵਧਾਈ ਦਿੰਦੇ ਹਨ।
- ਰਾਸ਼ਟਰਪਤੀ ਨੇ ਆਪਣੇ ਸੰਬੋਧਨ 'ਚ ਜੰਮੂ-ਕਸ਼ਮੀਰ ਤੇ ਲੱਦਾਖ ਦਾ ਵੀ ਜ਼ਿਕਰ ਕੀਤਾ। ਇਸ ਤੋਂ ਇਲਾਵਾ, ਰਾਸ਼ਟਰਪਤੀ ਨੇ ਹਾਲ ਹੀ ਵਿੱਚ ਖ਼ਤਮ ਹੋਏ ਸੰਸਦ ਸੈਸ਼ਨਾਂ ਬਾਰੇ ਕਿਹਾ ਕਿ ਦੋਵੇਂ ਸਦਨ ਸਫ਼ਲ ਰਹੇ ਤੇ ਉਨ੍ਹਾਂ ਵਿੱਚ ਕਈ ਮਹੱਤਵਪੂਰਨ ਫ਼ੈਸਲੇ ਲਏ ਗਏ।
- ਰਾਸ਼ਟਰਪਤੀ ਕੋਵਿੰਦ ਨੇ ਕਿਹਾ- 2 ਅਕਤੂਬਰ ਨੂੰ ਅਸੀਂ ਰਾਸ਼ਟਰ ਪਿਤਾ ਮਹਾਤਮਾ ਗਾਂਧੀ ਦੀ 150ਵਾਂ ਜਨਮ ਦਿਵਸ ਮਨਾਵਾਂਗੇ। ਗਾਂਧੀ ਜੀ ਸਾਡੇ ਸੁਤੰਤਰਤਾ ਸੰਗਰਾਮ ਦੇ ਮਹਾਨ ਨਾਇਕ ਸਨ। ਉਹ ਸਮਾਜ ਨੂੰ ਹਰ ਤਰ੍ਹਾਂ ਦੇ ਅਨਿਆਂ ਤੋਂ ਮੁਕਤ ਕਰਨ ਦੇ ਯਤਨਾਂ ਵਿੱਚ ਸਾਡੇ ਮਾਰਗ ਦਰਸ਼ਕ ਵੀ ਸੀ।
- ਮੈਂ ਚਾਹੁੰਦਾ ਹਾਂ ਕਿ ਸਾਡਾ ਸਭਿਆਚਾਰ, ਸਾਡੇ ਆਦਰਸ਼, ਸਾਡੀ ਹਮਦਰਦੀ, ਸਾਡੀ ਉਤਸੁਕਤਾ ਤੇ ਸਾਡਾ ਭਾਈਚਾਰਾ ਸਦਾ ਕਾਇਮ ਰਹੇ ਅਤੇ ਸਾਰੇ ਇਨ੍ਹਾਂ ਕਦਰਾਂ ਕੀਮਤਾਂ ਦੇ ਪਰਛਾਵੇਂ ਹੇਠਾਂ ਅੱਗੇ ਵੱਧਦੇ ਰਹਿਣ।
- ਸਾਡੀ ਆਜ਼ਾਦੀ ਦੀ ਲਹਿਰ ਨੂੰ ਆਵਾਜ਼ ਦੇਣ ਵਾਲੇ ਮਹਾਨ ਕਵੀ ਸੂਬਰਾਮਣਿਅਮ ਭਾਰਤੀ ਨੇ 100 ਸਾਲ ਪਹਿਲਾਂ ਇੱਕ ਭਵਿੱਖ ਦੇ ਭਾਰਤ ਦੀ ਕਲਪਨਾ ਕੀਤੀ ਸੀ ਜੋ ਕਿ ਹੁਣ ਸਫ਼ਲ ਹੁੰਦੀ ਜਾਪਦੀ ਹੈ।
- ਸਾਡੇ ਸਭਿਆਚਾਰ ਦੀ ਇਹ ਵਿਸ਼ੇਸ਼ਤਾ ਹੈ ਕਿ ਅਸੀਂ ਸਾਰੇ ਕੁਦਰਤ ਤੇ ਜੀਵਾਂ ਲਈ ਪਿਆਰ ਤੇ ਹਮਦਰਦੀ ਦੀ ਭਾਵਨਾ ਰੱਖਦੇ ਹਾਂ।
- ਮੈਨੂੰ ਪੂਰਾ ਵਿਸ਼ਵਾਸ ਹੈ ਕਿ ਭਾਰਤ ਸਮਾਜ ਦੇ ਆਖ਼ਰੀ ਵਿਅਕਤੀ ਲਈ ਆਪਣੀ ਸੰਵੇਦਨਸ਼ੀਲਤਾ ਕਾਇਮ ਰੱਖੇਗਾ। ਭਾਰਤ ਆਪਣੇ ਆਦਰਸ਼ਾਂ 'ਤੇ ਕਾਇਮ ਰਹੇਗਾ। ਭਾਰਤ ਆਪਣੀਆਂ ਕਦਰਾਂ ਕੀਮਤਾਂ ਦੀ ਕਦਰ ਕਰੇਗਾ ਅਤੇ ਸਾਹਸ ਦੀ ਪਰੰਪਰਾ ਨੂੰ ਅੱਗੇ ਵਧਾਵੇਗਾ।
- ਭਾਰਤ ਨੌਜਵਾਨਾਂ ਦਾ ਦੇਸ਼ ਹੈ। ਸਾਡੇ ਨੌਜਵਾਨਾਂ ਦੀ ਊਰਜਾ ਖੇਡਾਂ ਤੋਂ ਲੈ ਕੇ ਵਿਗਿਆਨ ਤੇ ਗਿਆਨ ਦੀ ਖੋਜ ਤੋਂ ਲੈ ਕੇ ਸਾਫ਼ਟ ਸਕਿੱਲ ਤੱਕ ਕਈ ਖੇਤਰਾਂ ਵਿਚ ਆਪਣੀ ਪ੍ਰਤਿਭਾ ਵਿਖਾ ਰਹੇ ਹਨ।
- ਅਸੀਂ ਦੂਜੇ ਦੇਸ਼ਾਂ ਨਾਲ ਆਪਣੇ ਸਬੰਧਾਂ ਵਿਚ ਸਹਿਯੋਗ ਦੀ ਇਸ ਭਾਵਨਾ ਨੂੰ ਵੀ ਦਰਸਾਉਂਦੇ ਹਾਂ. ਅਸੀਂ ਜੋ ਵੀ ਵਿਸ਼ੇਸ਼ ਤਜ਼ਰਬੇ ਅਤੇ ਯੋਗਤਾਵਾਂ ਸਾਡੇ ਸਾਥੀ ਦੇਸ਼ਾਂ ਨਾਲ ਸਾਂਝੀਆਂ ਕਰਦਿਆਂ ਖੁਸ਼ ਹਾਂ।
